مدونة أبوفلان تقنية ، أخبار ، تجارب شخصية ، مطاعم ، سياحة
مطعم نينو من المطاعم الايطالية التي أحب التردد عليها
رائع بجودة الأكل وأنواعه الا ببعض الأطباق طبعا ، ورائع بخدمته السريعه رغم الزحمة ، ورائع بأماكن تواجده
بس لو يغيرون كراسيهم يصيرون خوش ناس 🙂
هذه الزيارة قمت بتجربة اطباق جديدة ويبدو انها بعضها سيصبح أساسيا في الزيارات القادمة
ربيان بالبقصمات وصلصه لذيذة وطبق جميل انصح الجميع بتجربته
الطبق الآخر كبدة دجاج مع صلصة حارة نوعا ما طبق جميل والجبدة ترفه وطرية لذيذ للي يحبون الجبدة
أيضا هذا الطبق عادة ما اقوم بطلبه مشروم مقلي محشي بالدجاج والجبن
هذه السلطة لأول مره أجربها سلطة كراب او قبقب ما عجبتني كانت السيزر بالدجاج المشوي افضل منها بكثير
ايضا هذا الماكي بالقبقب لذيذ وخفيف
طبق صديقي الي دايما وين مايطقها عويه 🙂 برجر مع لحم البيكن كانت البرجر معروقه وناشفه شوي ما ينصح فيها
طبقي الجديد كان عبارة عن ثلاث قطع طرية جدا من الستيك مع صلصة المشروم والماش بوتيتو
رائع جدا ويبدو انه سيكون طبقي المفضل
.
بالعافيه ابو فلان
ياخي ليتك معي في جدة
بس شكلك نسيت التقييم والاسعاار
وكل عام وانت بخير
يعافيك ربي
المطعم مسويله ريفيو اكثر من مره 🙂
ومدحي له كان بشكل بسيط في بداية الموضوع
صحيح وين التقييم والاسعار ؟؟؟
موجود ببداية الموضوع والسعر ماصورته وفيه اطباق ماحطيتها لان المطعم مسويله ريفيو سابق
كل عام وانت بخير يابو فلان
بس الوجبه حقت صاحبك فيها شي مو طبيعي ، ممكن اني فهمت غلط
انت تقول برقر بلحم البيكن bacon ، اللي اعرفه ان البيكن لحم خنزير الله يكرمك ياليت تصحح لي اذا انا غلطان
نفس المعلومة عندي
http://en.wikipedia.org/wiki/Bacon
بنفس الرابط تلقى المعلمة هذي:
Meat from other animals, such as beef, lamb, chicken, goat, or turkey, may also be cut, cured, or otherwise prepared to resemble bacon, and may even be referred to as “bacon”
مو شرط يكون خنزير
وانت بخير وصحه وعافيه
اعتقد اللحم المقدد جذي يسمونه يطلق على اغلب انواع اللحم الي تقدم بنفس طريقة الطبخ
فا يكون للغنم والبقر والرومي وغيره مثل الخنزير الله يعز الجميع
بالعافيه ابو فلان
ومشكور على البوست
بس حبيت اعرف شنو اسم اخر طبق بالبوست
وتسلم مقدما…
يعافيك ربي
والله ماركزت صراحه تقدر توريه الصوره 🙂
Next time try Veal Limone and also if you want salad try the hot beef and potato salad 🙂
اشكرج ع الاقتراحات سيتم تجريبها واذا اطلعت مو حلوه الحساب على حضرتج 🙂
LOL rabbina yostor
عوااااافي وربي يوووعاااان الله يهديك بس
الله يعافيك ياحيدر
متع ناظريك p;
الله من المطاعم المفضله عندي نينو
فسل ليموني عجيييب مثل ما قالت انسام
و بعد
روتيني “ميني بيرجرز” حلو
الريزوتو عجيييب بعد
سيزر سلاد حلوه
جكن الفريدو بعد حلوه 😉
افضل شي عندهم اليمني برجر جدآ لذيذه واللازانيا ولا اروع