مدونة أبوفلان تقنية ، أخبار ، تجارب شخصية ، مطاعم ، سياحة
قمت بتجربة هذا المطعم الذي يقدم بعض الأكل البحري من سمك وربيان مع بطاط شبس يتميز الشبس عندهم بأنه يشبه شبس البيت من حيث التقطيع والقلي
مكانه : في المنقف على الطريق الساحلي
ديكورات المطعم بحرية وجميلة الا أن رائحة المطعم من الداخل عبارة عن رائحة قلي ودهن لابد من أخذ شاور بعد الخروج منه 🙂
وهذا المنيو أمامكم
قمت بطلب طبق سمك عبارة عن قطعة سمك مقلية مع شبس ويقدمون لك معه صلصة التار تار وصلصة أخرى باربكيو مع خل التفاح
للأسف قطعة السمك كانت مليئة بالدهن بشكل كبير وبدون مبالغه لا طعم فيها كأنك تأكل بقصمات بالدهن فقط 🙁
أما الشبس فكان طعمه جيد جدا
الطبق الثاني روبيان بالبقصمات مع الشبس وايضا صلصة التار تار والليمون
طعمه جيد لكن عملية اخراج الربيان من السيخ كانت تؤدي الى خروج الربيان بدون البقصمات لأن المطعم يقوم بقلي الربيان مع السيخ الخشبي بالدهن !
يقدمون لك مع الأطباق ملح بحري خشن 🙂
التقــــــــييم
جودة الأكل 4 / 10
المكان 5 / 10
السعر 5.5 / 10
الطلبين كان سعرهم 11,500 د.ك عندما تقارن السعر مع جودة الأكل فبلا شك أن السعر يعتبر مرتفع
.
شكله حلو بس الطعم اهم من الشكل
عوافي يالكبير
الله يعافيك
القلب اهم من القالب 🙂
ترى السمك الي يقدمونه جم او الي يسمونه كريم دوري الي اهو سمك الزبال
كل المطاعم اظن تقدم هالسمك وهو سمك الجم الي محد ياكله عندنا او فيه نوع ثاني يسمونه cat Fish
ويقصون ع الناس يقولون هامور
بالعافية يابوفلان
يعني شنو احسن هالمطعم ولا شرمبي ؟
الله يعافيك
ما اردى من هذا الا هذا 🙂
بس لو بختار اختار شرمبي
مريت عند هالمطعم ومافيه زباين كلش شكله بـيـقـلـب قهوه وشيشه بعد هالبوست لتغطية الخسائر.
صور الاكل تلوع الجبد 🙁
أخ مبارك اسماعيل شنو مطعمك المفضل؟!
مطيحين فيه الأمريكان وانا اخوك
احس انه شرمبي احسن منه مليون مره!
نفس النظره
كتبت عنه تقرير مصور بتويتر، قبل شهر تقريباً، لو قريته كان الـ 11.500 اللي دفعتهم .. بمخباتك الحين يابو فلان، مطعم سيء جداً، ولما تقرا المنيو تحس انه مطعم عالمي، بس من أول قضمة للسمكة .. تدري إنه سيء 🙂
شخصيا اعتمد على تجربتي لأني كثيرا ما سمعت راي اشخاص في مطاعم طلعت حلوه
مو طعنا فيك 🙂 بس التجربة الشخصية افضل وانا أخوك
الخلاصة انك تاكل بطاط مقلي بالبيت من ايدين ميري أحسن وارخص ÷÷÷هههه
مشكور بوفلان بعد هالعرض المفصل
مالك أمل أطبه
عجبنا الملحوظة ( لابد من أخذ شاور بعد الخروج منه)
الوصف جاب لي الجوع وان مخزن قات 🙂
يعطيك العافية
ودمتم ســـــــــالمين
جربته بعد ان قريت عنه مدح في بعض المدونات والصراحه ذهلت من طعم السمك العادي جدا (مثلج فيتنامي اللي بالجمعيه نفس طعمه) وحسافه على المشوار . وياريت المدونات الثانيه ايصيرون حيادين مثل الاخ بوفلان