مدونة أبوفلان تقنية ، أخبار ، تجارب شخصية ، مطاعم ، سياحة
هذه هي أسعار الآيفون 4s على موقع أبل ستور البريطاني مع احتساب الضريبه
ذكرت سعر الجهاز في بريطانيا فقط لأننا في الكويت لايمكننا الطلب الا من المواقع البريطانيه لأن شركات الشحن توفر لنا صندوق بريد في هذه الدوله
الا أن مايعيب الطلب من بريطانيا هو وجود ضريبه تجد أسعار الموقع أغلى من غيره من مواقع أبل كالألماني والفرنسي مثلا
هناك موقع آخر يمكنكم طلب الآيفون 4s منه وهو موقع handtec.com.uk مايميز هذا الموقع أنه يعطيك خيار توصيل الجهاز الى الكويت مباشرة ولايحتسب ضرايب على الطلب ، ويقوم بتوصيل االهاتف عن طريق شركة DHL ويضيف سعر التوصيل ( 26£ )
الا أن أسعاره تظل أغلى من موقع أبل البريطاني
الصبر ،،، لين توضح الامور
ممكن تشرح لنا شلون نطلب عن طريق الموقع البريطاني بالتفصيل إذا ما عليك امر .. انا جربت احط عنوان بيتنا بس ما يصير ..
لازم عندك حساب بأحد شركات الشحن الي توفرلك صندوق بريد في بريطانيا
يعني اسجل في ارامكس ؟
شكرا بو فلان … الموقع هذا مضمون ولا لا واكو احد طلب منه لآنه انا اشوف فيه Paypal واظن موقع يضيف الخدمة هذي اكيد مضمون بس لازم اسأل قبل لا اطلب
اللي جرب يفيدنا وشكرا لكم
ايه نعم مضمون وانا طالب منه امثر من 7 مرات
انا الحين في بريطانيا وبشتريه وبطلع فاتورة التاكس فري وارد فلوس الضرايب بمطار هيثرو جذي بشتريه بسعر ارخص من الكويت وامريكا
صحيح لكن الله يعينك ع الانتظار والضرايب مانقدر نرجعها الا بالحضور شخصيا للي باسمه الفاتوره
يعني بالفصيح سعر الايفون عندنا راح يكون كالتالي
iphone 4s 16GB = 300kd
iphone 4s 32GB = 350kd
iphone 4s 64GB = 400kd
ملاحظة: هذه الاسعار قابلة للزيادة بنسبة غير معلومه تبعا لمدى درجة جشع التجار….
بالضبط بس بعدها باسبوع بتنزل عشر دنانير 🙂
شكرا على التويت شريته من موقعhandtec وماكنت عارف شلون اشتريه من ابل البريطاني واشحنه النرويج وال ebayاسعارهم غالية ، اتابعك باستمرار واستفدت منك كثير الله يوفقك
العفو يا أخوي محمود
وع البركه مقدما
من سابع المستحيلات ادفع 3660 ريآل تقريبآ
على نسخة آخرى للآيفون 4 .. آبو فلآن ، يبدو لي فيك “فسقة” على قولة شيآبنا ^_^
هذه نسخة جديدة من هاتف جديد لكن بنفس القالب القديم
مشكلة الناس تفكر في مظهر الجهاز للهياط فقط ولا يعرفون المواصفات الداخلية للجهاز
على الي اتذكره كنت تسبه في تويتر ..
توني وطالب وكنت حاط العنوان على ارامكس بس كنسلوا الطلب الحين حتى من بريطانيا ما تقدر تطلب للاسف
http://imageshack.us/photo/my-images/97/screenshot20111007at114.png/
طلبت والحمد لله وافقوا على الطلب
حاول تعيد ادخال العنوان بشكل صحيح
احّد جرّب Ebay ؟ انا في امريكا واشتري منّه على الرغم انه مو مضمون 100 % لكن في كثير تجار مضمونين وبأسعار ارخص من كل المواقع بدون مبالغة …. جرّب تطلب منّه وما راح تتحسّر بأذن الله ، بس قبل ما تطلب اقرى الشروط عدل …. اكرر ان بغيت تطلب اقرى كل الشروط الي يسردها البائع وافهمها عدل لأن في بعضهم يكتب شي كأن التلفون بالكرتون والبائع ما عنده علم ان كان يشتغل ولا لأ ويكتب ان مافي امكانية لأرجاع الجهاز وهكذا وعليك باجي الغمنده عاد …. لكن عموما Ebay رخيص وفيه شي طيّب
الأمريكي بيكون مقفول لذلك احذر من الطلب من شخص امريكي
الا بعد شهر 11 راح توفر ابل امريكا الجهاز بشكل مفتوح رسمي
اخواني سعره راح يكون ال64 328 دينار انا طبته ودفعت عن طريق الباي بال مضمون والشحن خمس ايم او اقل
ع البركه 🙂
اخوي fhd طلبته من وين بظبط من نفس الموقع هذا handtec
ولا غيره وشكرا
الاخ فهد طالبه من هاند تيك
فيه طريقه مفيده للاشخاص اللي لهم اقرباء او اصدقاء في امريكا
تشترونه من متجر ابل الامريكي [ببطاقات الفيزا السعودية او الكويتيه مايشترط تكون امريكيه]
تشترونه من الموقع الامريكي وترسلونه الى بريد اصدقائكم اللي ساكنين هناك
وهم يرسلونه الى بريدكم الامريكي في واصل او ارامكس او غيره
هالطريقه جربتها اكثر من مره وتمشي تمام
صح فيه ضريبه ولكن اقل بكثيييير من ضرائب بريطانيا
افضل شي انك تطلب الايفون من المتجر البريطاني
طلبته عن طريق فيزا التمويل
خصم المبلغ بس ماوافقو عالطلب
طالبين billing info
جاري مراسلتهم وارسال صور الجواز والفيزا .. 1/0
انصح الراغبين بالجهاز بالتريث قليلا لعدة اسباب:
– عادة الدفعات الاولى يكون فيها عيوب تصنيع ( الايفون في النسخ السابقة و الايباد خير دليل ) .
– الانتظار مفيد لمعرفة تجارب الآخرين في مشاكل الطلبيات و افضل مكان للطلب منه .
– في شهر ١١ القادم ( بعد اقل من ٢٠ يوم ) سوف يفتح الباب للطلب من المتجر الامريكي الي بالنت و هو ارخص من البريطاني بـ خمسين دينار كويتي تقريبا .
و الي وده يشتريه بسعر اكثر من قيمته الحقيقية
الله يوفقه ( فلوسه و اهو ابخص )
عين العقل