مدونة أبوفلان تقنية ، أخبار ، تجارب شخصية ، مطاعم ، سياحة
فجأة وبدون سابق انذار تعطل عندي كمبريسور سيارتي الثانيه تيوتا اوريون ، وبما أن الصيف الى الآن ماخلص لازم اصلح المكيف
المصيبة أن سعر الكمبريسور بالوكاله يقارب الـ 250 دينار !! ظنيت وقتها أني أملك سيارة ألمانية سعرها 20 ألف ومافوق ؟!
طبعا بدون تردد توجهت الى السكراب لتستقبلني العصابة الأفغانية التي تعرف اسعار كل القطع بالوكاله وتخصم منها 30% وتبيع القطعة المستعمله بأسعار خيالية !
ثلاث محلات كان سعر الكمبريسور عندهم ب 130 د.ك ! وأخيرا وجدته عند صديق قديم بسعر 70 د.ك
توجهت بعدها الى الصناعية وبما أن بعض أصحاب الكراجات شبعانين فلوس أصبح يبحث عن الشغل الخفيف وكل واحد يقولك روح للمحل الفلاني والمحل الفلاني يقولك روح للثاني ، لأن تبديل كمبريسور الأوريون يحتاج أقل شي 3 ساعات بما أنه يحتاج تنظيف كامل قبل تركيب الجديد
آخر شي لقيتلي سوري قالي ابدله لك وشغل ايدي 40 دينار بعد خصم عشر دنانير بسبب وقوفنا مع الشعب السوري ضد بشار الجحش 🙂
بداية الأمر قلت السعر مرتفع لكنه قالي انت راح تكون موجدو وبتشوف الشغل وفعلا بدأ العمل من الساعه 3 ونص وانتهى الساعه 7 مساء اضطر خلالها لفتح الراديتر ، وراديتر المكيف ، وازالة الشوته وفلاتر الهواء ، وازالة المساحات ليصل الى البلف المسؤول عن التبريد وتنظيف بايبات الغاز …. الخ
نعيما سيارتي المروحه 🙂
حلوة تصوير HDR ..
جدا ممتاز 🙂
السلام عليكم
ابو فلان بسألك
الجحش اللي صنعها يصير لبشار
مبروووك على التبديل
بس فيه شي غرييب اول مره اشووف اوريون حمرا؟؟
مالقيت اله هلون؟
يبارك فيك ربي
لونها عنابي لكن التصوير غير لونها ثم اهم شي عندي نظافة السيارة بعيدا عن لونها بما أني أخذتها مستعمله
معوض خير 🙂
آمين أجمعين
عندي انفينيتي مروحه ايظا وسعر السلف بالوكاله 275 غير الشغل والمصيبه محد يصلح هالسيارات غير الوكاله يعني جي جي
اهم شي اللون
الله يعينك والوكاله سعرهم مايغشمر للأسف نار حامية
بالنسبة لي تعطل عندي كمبريسر سيارتي سوناتا 2011 وعند أخوي ورشة عطيته السيارة والمغرب جابها لي وماأخذ من فلوس
ماشاء الله المفروض كل عايله فيها شخص عنده كراج حتى لا يكون هناك نصب واحتيال
صراحه لون الأوريون مميز اول مره اشوفها بهاللون
عنابي دايم حلو 🙂
نعيما وصيفا باردا
بعد هاللفة بالصناعية و التشليح صرت خبرة هههههه
يا جعلها آخر الخرابات
والله من زمان نحوس بس صارلي ٤ سنوات مرتاح عندي يوكن مامريت الصناعية اللهم بارك لكن عادت ايام الصناعيه مع شرائي للأوريون للأسف
كانت عندي اوريون الله يقطعها مروحه وكلفتني الكثير وقطعها غاليه على شنو مدري ..
بعتها واخذت الماني مرسيدس ام عيون وحيل مرتاح معاها من ناحيه الكوالتي والمتانه .. وقطعها اسعارها معقوله ..
اي والله فرق بين السما والأرض
ابوفلان وين موقع السكراب اللي اغلب الكمبورسرات تكون موجوده في اي صناعيه وخصوصا اني من السعوديه وادور على كمبروسر ل سيارتي
موقعه قريب من منطقة الجهرا
يسكونها عندنا سكراب أمغره
والله او تبيعها وتاخذ بانيميرا احسن لك
الله يفكك من هالسياره المروحه
بانيميرا ها ؟ الله يرزقنا الجنه 🙂
تكفى عاد !! بآناميرا مره وحده لووول
الله يعز السيارات الثانيه !
ولا شنو كمبريسر ٢٥٠ دينار !!
بو فلان جنك ما تدري روح واسال عن المعاونيات بروحهم وشوف جم بس دق ع الاسعاف لانك راح تنصدم من السعر !
نفس حالتك .. كمبريسور التيما عندي ضــِـرب ..
بالوكاله 255 و السكراب 70 لي 120 .. بعدها حصلته
بالنت أصلي يا طويل العمر حاله حال الوكاله بـ 70
دينار و الشحن مو وايد والله .. ولما وصل الكويت ..
رحت للوكاله قالولي هذا الكمبريسور أصلي 100% .. !
يعطيك خيره و يكفييك شره
ايبااااه الحين الجو داخل سيارتك لندني
3ad 3andi aurion allah yister 🙁 … boflan mestans 3ala el hdr 😛
والله يابوفلان نحتاج الى كراجات توفرلك القطعه المطلوبه سواء من السكراب او من الوكاله او من برا يعني يخيرك
ويكون السعر بدون نصب وحتيال وشغل مكفول .. بدال مااتتعب ودور واهم شي العماله تكون ممتازه مثل اسيويا هنود وغيرهم
بس ضااهر هذي ماراح نلقاه الا بالمدينه الفاضله .. :))
صح كلامك أسعار عجيبة وغريبة
كمبروسر ماكسيما سعرة 250 دينار
بس تبديلة سهل مو مثل أريون
كمبرسر حوت s500 تصدق سعرة 150 وكالة
انا شريت الكمبريسور لسيارتي تويوتا كامري
من السكرات ب115 وشغل الايد 25
مع انه سيارتي 2009 وماشيه ٩٠الف بس
حلوه تضخم عالمي أنتو سبب التضخم وأغلى قطع غيار في العالم .. روحو شوفو السعوديه كم سعر السياره هناك وكم سعر السياره عندكم فرق مبكي وكذالك قطع الغيار
السلام عليكم ممكن عنوان الموقه الي طلبت منه الكمبريسور وجم كلف الشحن
ابو فلان السلام ممكن عنوان المحل بلصناعيه