مدونة أبوفلان تقنية ، أخبار ، تجارب شخصية ، مطاعم ، سياحة
شراب اللوز أو كما نسميه ( البيذان ) من أفضل المشروبات المنعشة بالنسبة لي
المشكلة أنه هذا البطل الفاخر الماثل أمامكم يصعب الحصول عليه كما يصعب الحصول على الفوتكا ” سابقا ” حيث عانيت للحصول عليه
مالقيته بالجميعات ولا بمراكز سلطان وأخيرا لقيته في محل تمور في مجمع الكوت !! بسعر 1.5 د.ك
طريقة اعداد البيذان : هي وضع كمية مقدارها ملعقتين كبار أو أكثر في كوب وخلطه مع الحليب واضافة الثلج بحيث يكون بارد جدا
أو يخلط بمقدار أكثر مع ماء ويضاف اليه الثلج .
أول مره أسمع فيه ومو موجود عندنا
ومن صورته ما يجذبك 🙁
يمكن من معروف عندكم بالسعودية بس عندنا مشهور جدا
صدقت..احلى مشروب..
مشروب العافية
ربي يعافيك ومنور يالحبيب
على الأقل هذا “الفوتكا” حلال ودي اجربه ولا مرة ذوقته 🙂
حياك الكويت نشربك منه 🙂
شراب حلو بس ولا مرة جربته مع الحليب، مع الماء فقط 🙂
اشلون طعمه مع الماي ماجربته ولا مره ؟
دايم أشووف اخواني يشربوونه
بس مافكرت اجربه لاني ماحب الحليب
يمكن اجربه مع الماي !!
هالمحل صوب مركز سلطان؟؟
من زماان مارحت الكوت<<
ايه صوب مركز سلطان مقابله
احنا بالبيت ادماااااان هالبيذان !
نحط وياه شويه ماي ورد و قفشة شكر .. يصير لذيذ حيل ..
ابوي من عمر كله اييب لنا اياه
بالعافيه
بجرب معاه ماي الورد يعطي نكهه
ولا مره جربته
ابوفلان .. المشروب له فوائد صحيه
او اثار جانبيه ..
🙂
له نكهه خاصه عاد ما ادري عن فوائده بس ماله اضرار والحليب زين طبعا
اي والله اختفى من السوق فجأه ماتحصله الا بالحسره مادري شنو السبب…
لا هالمحل عنده كميات بس المفروض يتم توفيره بالجميعات
اول مرة اسمع به
جربه مره بتحبه كل مره
البطل شكله حده جذبي 🙂
يبي الي يجربه
بلغنا اذا صار فيك شيء بالأول هاهاي
عوافي
ههه ابشرك هذا خلص وفتحت الثاني والحال عال العال بس مزااااج يابوناصر يبيلك تجربه
تلقااه بالميره 🙂
بس للأمانة انا اشتريته السنة اللي طافت ولا حتى فتحت البطل
ماحبه
بس رمضان ابوي يالله لقاه
لقى ماركه لبنانيه اسمها جنى بس اختي تقول مو حلو طعم هالماركه :p
هذا افضل ماركة وكل المحلات تستخدمها ويلقاه موجود بالكوت على طول اييب منه هالمحل
Jarrib Baithan Shuwaikh http://ansam518.wordpress.com/2010/02/16/almond-shake/
3ajeeeb
ana a7eb el baithan akthar min el vimto eb wayed
عاد ان شاء الله يضيف له شي مميز لان هالنوع كل محلات العصير تستخدمه بس يمكن يزيدون عليه شي مثل ماي ورد وجذي
شكرا لج
هذا شيء يوصوني أهلي أجيب منه كل ما رحت الكويت !
أنا ما أحبه حيل بس هم يعشقونه !
اوصيك ونفسي بالإكثار منه تراه زين 🙂
الله يزيد النعمه .. مشروب غريب صراحة ؟
عموماً عوافي بوفلان 🙂
اللهم آمين
ربي يعافيك
بو فلان ماجربت ماركة الرفاعي ؟
بس احنا نشربه بالماي أحسه ثقيل بالحليب
لا والله جربت غير هالماركه وصبيتها بالمغسلة على طول
كنت اشوفه بفرع كيفان قطعة ٧ قبل, مادري اذا مازال موجود.
هلا بو فلان…..
والله شكله حلو بس في عمري ما جربته …
يمكن اذا زرت الكويت بجربة….
و هذا الفيديو هدية مني لك ابو فلان…
http://youtu.be/UogM8FevbNM
السلام عليكم في شراب البيذان يبيعونه جاهز مع الحليب في مراكز سلطان والجمعيات بطل نص لتر اسمه فارم ينحط في استاند فيه ثلج انصح انكم تجربونه الصراحة لذيذ ومعياره صح والله يوفقكم
موجود ومتوفر عند الوكيل طوال ايام السنه مؤسسة حمزه عباس مقامس بالشويخ مقابل دوار الفحم
عمري ماجربته بس بجربه واخبركم بطعمه