إبرة فيتامين د ، لا يحوشك !

 

 

تحدثت سابقا عن الأعراض التي جعلتني أتوجه للمختبر لعمل فحص فيتامين د

وبالفعل ظهرت النتيجة بنقص شديد في الفيتامين وصرف لي الدكتور 5 إبر من هذا الفيتامين بواقع إبرة كل شهر 🙁

 

قوة الإبرة ذكّرتني بإبرة جازورا يادافع البلا 🙂 تچوي چوي

 

 

إبرة يجلس الألم بعدها لمدة أسبوع !!! والله انها قشرة صراحة 🙂

نصحني الدكتور قبلها بلبس فانيلة cut وشورت وأروح أتمشى ع البحر بالشمس بس جونا الصراحه مايساعد الساعه 4 الفجر درجة الحرارة 40 !!

 

71 تعليقات

  1. احمد العوضي

    ماتشوف شر يابوفلان والله يعينك على الابر صج صج تچوي تچوي هههههههههههه والله يعينك والله .

    بس وين سويت هالفحص اي مختبر ووين اي منطقه وجم كلفك؟ لان والله يبيلنا اسويه!!!!!!!!

    • سويت التحليل بمختبر ياكو الي عند مستشفى للعدان بمسعر رمزي بالنسبة للمستشفيات الخاصه

      سعره ١٤ دينار

  2. سلامات سلامات 🙁

    ماتشوف شر ان شاءالله

    🙁

  3. نادر ابو جاسم

    ما تشوف شر يابو فلان وتحسب الاجر إن شاء الله

    ههههههههههههه
    صراح الموضوع بصوب وصورة جازورا بصوب
    شنو الي ذكرك باشخصيه (جازورا)
    بصراح حسيت بعوار الابرة
    اضحك الله سنك  

  4. احمد المهنا

    سلامات يا زميل المهنه بس جنه الدكتور بالغ لأني أخذ بس ٣ابر مو خمسه

  5. ابرة فيتامين D اللي تاخذنا ممنوعه في امريكا وكندا لأنها تسبب فشل كلوي

    المهم ما تشوف شر

  6. انت محتاج تتعرض لاشعة الشمس واهيه احسن من الابر وايد واحسن وقت يكون من بداية الشروق لين الضحى العود هذي اكثر اشعه مفيده للجسم

  7. سلامات
    ماتشوف شر ان شاءالله

    والله يعينك علي ابرة جازورا 🙂

  8. أجر وعافية يا أبو فلان، بالنسبة لي فأنا منتظم على تناول مكمل غذائي عبارة عن فيتامينات ومعادن، وأبيك تفكر وتستشير بهالموضوع.

    • الله يعافيك ويجيرك من النار

      أعقتد أنها فكرة ممتازه وتحتاج استشاره

      ماقصرت

  9. ابو فلان ترا الابره لاتعتبر انها يعني تعور ولا شي بالعكس وايد خفيفه لما تدش انت اول ماتشوفها راح تخاف انت بس تقول للممرض شوي شوي يدخلها شوي شوي بسكات فعاديه وتتعرض لاشعه الشمس بكثره لانها وايد مطلوبه حق العظم والشغل وحسب اللي يقولونه ان اذا ماطقيت هالابر اذا كبرت تييك هشاشه العظام اتمنى اني افدتك

    • هو القصد انها بعد مايخلص منها ب ٨ ساعات تقريبا تبين معاك حرارة الدوا الي حطلك اياه ولا طقة الإبره تهون

  10. أجر وعافية بو فلان …

  11. هههه ماتشوف شر يالحبيب .. تمشى بشمس الكويت غنيه بالفيتامينات هههه

    • اي اضحك اضحك 🙂

      الشر ما اييك يالغالي وشمس الكويت لو فيها فيتامين ماشفتنا مسوين فحوصات كل ست اشهر

  12. نسيت اقولك … خل مولودك الجديد عسى الله يطرح فيه البركة يتعرض للشمس بفترات معينه يفصخونه ويحطونه عند الدرسشه اذا عندك مكان مضرب للشمس .. عشان باجر مايصير مثل ابوه

    • يقولون لازم الشمس تحوشك بدون حتى حاجز زجاجي يعني ماكو فايده عن الدريشة لازم تحطه بالسطح عند الستالايت 🙂

  13. بصراحة انا مثلك الفيتامين د نازل وايد والدكتور يوم شافه رفض اطلع من المستوصف الا ماخذة الابرة! بس استغنيت عنها بحبوب قالي عنها الطبيب انها مو متوفرة في صيدليات الصحة او التجارية عبارة عن حبة وحدة بالاسبوع جرعتها خمسين الف تغنيك عن الابرة وعوارها.. طبعا اخذت الحبة من صيدلية مستشفى النفط وقاعدة امشي بالعلاج وبحلل بعد شهر لعل وعسى يتعدل الرقم 🙂
    سلامتك ان شاء الله وماتشوف شر 🙂

    • مرحباً. شنو اسم الحبة مالت مستشفى النفط اللي مو موجودة اي مكان؟ ضروري الله يخليج

  14. بو فلان اتحمل الشمس لساعة و لا نص ساعة أحسن من ألم الابرة لمدة أسبوع ،،

    تعالج بالطبيعة احسن من الابر <<< تتحرا عمرها مريم نور

  15. انزين بوفلان يليت لو تقولي اي مختبر اللي يسوي هالتاحليل

    وشنو الاعراض اللي تطلع ؟

    لاني من زمان ناوي اسوي تحاليل وقلنا بالمره نسوي فيتامين د ^_^

    وما تشوف شر هههههههههههه وحاس والله بالعوار

    • مختبرات ياكو عند مستشفى العدان تعتبر خاصه مدعومه من الحكومه وياخذون مبالغ رمزيه

  16. طهور و ماتشوف بس أنا أخذت أبرتين مره وحده و الحمدالله بسيطه و رتفع الفايتمين من ١٧ حتى وصل ٧٥ الحمدالله. المهم ماتشوف شر غالي و المهم ترى النفسيه.

    • الله يسلمك والشر ما اييك

      يعطون احيانا ابرتين اذا كانت مفعولهم اقل قوة

      لأن إبر هالفيتامين اما تاخذها مع بعض او كل اسبوع او كل شهر ولكل وحده قوة

      وسلامات ان شاء الله

  17. خالد العتيبي

    لا ما تشوف شر يا بوفلان عوافي

    و استحمل الابره اذا كانت لك فايده الصحه اهم شي

    و بشرنا عنك

    • الله يسلمك ويكفيك الشر

      والله نتحملها عوار الابره ولا عوار العظام الله لايورسك مكروه

  18. ما تشوف شر يابو فلان

    روح البحر منها تشمّس ومنها سباحة من بعد الفجر الى قبل الساعة ١١ الظهر

  19. ماتشوف شر للتوضيح الآبره حق اللي عمره 30 سنةوفوق بس لآنها تنفع معاه وألمها وقت ماتأخذها عادي لآنها ابره زيتيه لازم تسوي كره داخل وتبدأ تفرغ الدواء شوي شوي لمدة ساعات واحيانا تحس بالكره هذي لمدت اسبوع على الآقل شي طبيعي من ابره زيتيه مثل هذي واللي تحس بحرارتها أكثر ابرة فيتامينات بي كومبلكس اللي تأخذها يوم وترك 5 ابره هذي تقوي عندك الآربطه والعضلات والمفروض كل كويتي وكويتيه يروحون المستوصف يأخذونها لآنها مفيده للجسم وانا انصح فيها 🙂 وماتشوفون شر

  20. ما تشوف شر

    اجر وعافية

    ان شاء الله بعدوك

  21. ما تشوف شر يابو فلان أنا بعد اتعالج عن نقص هالفيتامين الله يكون بالعون بس

    بس أنا رفضت الإبر وعطوني شراب اشربه مع العصير .. قوطي مثل قطرة العين .. قوة ٤٥٠٠ وحده

    الغريب ان دكتور الوالده يقول اصحك تاخذه لانه يترسب ويسبب تسمم كلوي ماله علاج

    وقالي لا تاخذه الا في حالة نقص الكالسيوم فقط .. اصلا ما أوجدوه الا عشان هالحالات

    • والله ربعنا الدكاتره ماعرفنالهم

      واحد يقول الإبرة تسبب فشل والثاني يقول الحبوب والثالث يقول كلهم مو زينين احترنا وانا اخوك

      احنا بس ناخذ ونسمي وماكو الا العافيه شنسوي بعد

  22. ماتشوف شريابوفلان ترا ياخوي انانفسك وخت الابره ومعها حبوب لمدة شهر كل اسبوع حبه كتبها لي دكتور بمصتوصفنا بشويخ ب سكنية ولابرلمدة ثلاث شهور وشافي الله

  23. يا إلهي
    جاك ماجاني يابو فلان

    انا صرف لي الدكتور ٥ ابر فيتامينات
    ووالله بعد الابره اني اقعد نص ساحه ماتحرك متشنج
    تذبح الابره
    لونها احمر وثقيله احس بالمحلول وهو يدخل
    كنت اعاني من تنمل اطراف

    وسلاامتك والله
    ماتشوف شرر وخطاك السوو

    • المشكله انك ماتتحمل اعراض المرض ولا اعراض الابره ابن آدم ضعيف والله المستعان

      وسلامات بس عسى صحتك زينه الحين ؟

  24. تعال عندنا بالسعودية الجو حلو خاصة بحفرالباطن
    ما تشوف شر

  25. دكتور المستوصف غشني وعطاني ابرة قوتها 600 الف
    ومن بعدها ذبحني اسهال وتخبطات بالمعده
    وللأسف للحين عندي تنميل بالاطراف والم بالعظام مع اني ماخذها قبل شهر ونص

    • عبدالله ماتشوف شر بس المفروض انك مستمر على الآبر عموما اهي 3 ابر أقل شي واذا لونها احمر هذي سلمك الله B كومبلكس فيتامينات الآربطه وعدد ابرها 5 يوم وترك تأخذها واحتمال عندك خربطه بين بي كومبلكس وفيتامين د عموما 600 ألف كلام دكتور صحيح لآنها للناس الكبار وماتشوف شر

  26. ههههه الله يبعدنا عنها

  27. بو فلان انا مستغرب شلون دكتور صرفلك 5 ابر @@ جم نسبة فقر فيتامين د عندك والظاهر مشاء الله عليك عظامك كبيره لجذيه عطاك نسبه هذي على وزنك وطولك يصرفلك شي هذا 🙂 ماتشوف شر

  28. انا طلع فيتامين د عندي 6 ورحت مستشفى خاص وعطاني الدكتور فيتامين د الاصفر الشفاف مع حبوب سةدا والابرة ..
    والابرة مش عندهم لانها لا تباع ولا توجد الا في المستشفى الحكومي فقط وبحثت عنها وقالوا لي ممنوعة.
    ورحت عند مستشفى خاص لقيتها عندهم وقلت ابيها نصحني الدكتور اني ما اخذها لان مظارها اكثر من منافعها وان كنت مصممة قالي انصحك تروحي للمستشفى الحكومي عندهم احسن الانواع وهم يقررون .
    ولاحظت ان خواني (النسبه 5) بنت اختي (النسبه 4)حللوا وراحوا عند المستشفى الحكومي وما قالوا لهم ابرة عطوهم فقط الحبوب وقالوا لهم ناموا باشمس ..
    اخذت نصيحة الجميع ورحت عند المستشفى الحكومي وقالي انتي ما تحتاجينها وحاولي تتفادينها عطوني حبوب شفافة صفراء وقالوا بس اخذي هذي والصبح لما الشمس لونها احمر نامي بالملابس الداخليه تحتها او العصر لما تصير الشمس حمرا لان الافادة بهالاوقات وبعدها خطر ..
    وقالوا لي حللي بعد 3 شهور عندنا مش بخاص قلت اوكية وبعد 3 اشهر ارتفعت النسبه 10 ولله الحمد ..
    وصحيح اني ما انام كل يوم تحت الشمس بس معليه يا اخي تحمل الحر كلها 10 او 15 دقيقة ..
    انا ما صدقت النتيجة ويوم رحت لندن حلل زوجي وقلت خلني احلل معاه لقيته ارتفع اكثر من 11والحمدلله اختي قبلي راحت للمستشفى صار الحين من فضل الله 16 من 5 قبل وهي ما تنام بالشمس ولا تقربها ..
    وعلى فكرة انا بالندن سالت دكتور عام عن النتيجة وعن الابرة هل لو اخذها باكون احسن اسرع ..
    قام يأشرلي بيده ( انسيها انسيها خلك على ما انتي عليه لان الفرق زين خلال الفترة )
    يعني لو فيها خير قالي باعطيك اياها عشان يربح .
    وهذي تجربتي مع نقص فيتامين د اتمنى اني فدتكم ..
    خل الخاص وروح العام احسن لك .

  29. اهلين ، سلامات وماتشوفون شر للي عندهم نقص د ، أنا بعد عندي نقص واصلي سنة اكل حبوب ولا فيه فائدة بهلال الست شهور الاخيرة ارتفع من ١٢ل١٣ ، يعني بصراحة شي محبط ابي شي قوي ورفعة ولا اعرف مكان يعطي أبرة د والا اول من يروح أنا لأني مت من أعراض هال نقص . ابي اعرف موقع معين واثقين منه باي دولة من دول الخليج عادي ، وشكرا

  30. مرحبا
    انا غعندي نقص في فتامين “د” نسبتة “7.5” المفروض فوق الثلاثين وعندي موعد مع دكتوري يوم الاربعا عشان اضرب هالابره وقالي بيعطيني كورس 3 شهور
    تحياتي لكم

  31. ﺂنـﺂ عمري 32 ولي سنه اعاني مُ’ـَنْ نقص شديد ﻓي فيتامين د ونسبته 4 استخدمت حبوب ون الفا25’0 مكروجرام لمدة
    شهر وبعدها تغيرت الحبوب لتركيز اعلى وصارت 1 ميكروجرام استخدمت الحبوب لمدة سنه وارتفع 1 كان 4 وصار 1’5 ﺂلأﻟ̨م
    مازال مستمر الم ﻓي العظام واسفل الظهر والرجل اليسرى حراره ﻓي الجسم ورحت لدكتور ثاني استبدل الحبوب ﻹبر فيتامين د
    وصف لي 3 إبر بمعدل 3 شهور الشهر اﻻبر إبره والثاني نص ابره والثالث نص إبره
    امس ضربت اﻻبره اﻻولى مُ’ـَنْ وقتها وانا حاسه بألم متنقل ﻓي الهيكل العظمي ما ادري إذا كان ﺂلأﻟ̨م هذا طبيعي او ﻻ
    ﻣع ان اﻻبره تركيزها 300 الف

  32. السلام عليكم

    انا عمري 18 اعاني من نقص حاد فيتامين د والحديد واعراضهم الدوخه واللوعه والالم العظام وماقدر اوقف

    الدكتوره صرفت لي 6 ابر اخذت وحده وباقي 5 كل اسبوع ابره الالم شديد حسيت تخدر جسمي ونمت وصحيت وجسمي يعورني حيل

    وصرفت لي فيتامينات تنصرف لحالات النقص الشديد وحبوب هشاشه العظام لن اعاني من فقدان شهيه ماقدر اكل اي شي

    ونصحتني اقعد بالشمس

  33. حرام عليك .. خرعتني .. اشوا اللي خذيت الابره قبل اشوف كلامك .. والا جان ماخذيتها .. لاهنت شيل هالكلام لان صج اذا اي شخص بياخذ الابره وبيشوف هالكلام بيخاف .. عاد انا خذيتها والحمدلله ماعورتني يعني شي خفيف حيل ماكو شي .. بس كلامك يخوف .. ياليت تشيله ومشكور

  34. مرحبا,,اناطلع فتيامين د عندي 5 واصرفتلي
    الدكتوره علاج عباره 3ابر كل شهر ابره انا ما كان كل الاعرض عندي بس كنت احس احياناابي ابكي بدون سب وكسل بكل شي كنت احس اني ايديني حيل ضعيفات لما اشيل شئ ماكنت عندي الم بالعضام ولا خفقان ودوخه انصحكم تسوي تحليل لو عندك بس عرض واحد .. الابره ما تخرع وبعد سمعت انا اللي نازل عندهم حيل ما تنفع معهم الحبوب

  35. السلام عليكم اخواني وش سبب هذا المرض وشه اعراضه وكم يكلف التحليل

  36. متلعوز ويا الدكاتره

    السلام عليكم. طبعا انا 4 اشهر وانا احوس بالمستشفى بسبه اعراض دوخة وخفقان قلب واضطراب بالضغط وقلق وتنميل اطراف خاصه وقت النوم

    وبعدها قررت اسوي فحص فيتامين دال بمستوصف سلوى وطلع نسبته 11 والمفروض يكون 75 وفوق

    وصفلي الدكتور ابره قوة 600 وحده ابره كل شهر لمده 3 اشهر
    وبعد اسبوع قررت ازور دكتوري الي كنت اراجع عنده بالباطنية 🙂 بغيت شوية واطقه ضيق خلقي قالي كل مختبرات الكويت تطلع نسب منخفضه بس انت ماعندك اعراض نقص الفيتامين . ويوم اقرا بالنت نص الاعراض موجوده فيني . والله ماينعرفلهم هل دكاتره يعاملونك جنك ياهل

  37. باجر ابدأ اخذ اول ابره الله يستر :/

  38. يا اخوان مهمة فيتامين د توصيل الكالسيوم من الدم إلى العظم واللي ما ينتبه له مبكر يطيح في مشاكل اذا كبر
    والمشكلة عندنا في الخليج وهو منتشر بكثرة ان الشمس حارقة صيفا وشتاء نهمل الجلوس تحتها على العموم مهم الفحص الأول والثاني عند مختبر واحد لأن المقاييس متطابقة لكن لا تروح للإبر فورا أنا معي نقص حاليا حوالي ٢٠ قالي الدكتور خذ إبرة كل ٦ شهور والعافية للجميع

  39. السلام عليكم
    سويت تحليل د وطلعت النسبه 32
    وقرر لي الدكتور ابرتين شرايكم آخذهن او استبدلهن بحبوب
    افيدونا مأجورين

  40. تخيلي انا كان عندي 13 ومررررضت وعملت التحاليل ولاد اخدتها والحين جاتني زي ازمات القلب خفقان وشوي احس قلبي بيوقف وجسمي ينسل واصفر رحت لقيت السبب هو فايتمين د والحين سار 30 وقفولي الحبوب وقالو لاااازم ابر مع العلم عمري 23 سنة

  41. انا نسبة الفيتامين عندي 13 و لي سنتين و زود اخذ حبوب بأنواعها م نفعت و اليوم صرف لي أبرة أخذها و الشهر الجاي بعد
    انا مشكلتي عظآآمي تعورني و الركبتين ما أقدر أثنيهاا

    • السلام عليكم عايزه اسالك اختي أخبار فيتامين د عندك ايه احسن واخبار عظامك ايه اصل انا عندي نقص فيتامين د 13وباخذ حقن وحاسه اني عظمى بيوجعني مفيش اي تحسن وامتي مفعول الحقنه بيبدا

  42. هل من اعراض فيتامين د ورم الجسم بالكامل ومتي يزول وجزاكم الله خير

  43. استشاري فيتامينات

    يااخوان اكثر مشاكل العظام من نقص فيتامين B كوبلكس .. وجميع الفيتامينات تكمل بعضها اذا رفعت الدال لازم ترفع الكالسيوم واذا رفعت الكالسيوم لازم ترفع البوتاسيوم واذا رفعته لازم ترفع المغنيسيوم … ولا ماتستفيد ابدااا من العلاج وتضر نفسك والجسم راح يرفض الفيتامين اللي انت قاعد ترفعه لانه ناقصك فيتامينات ثانيه … نظم اكلك صحي واطلع فالشمس ونام فالليل واصحى بالنهار وشوف بعد شهر شلون النسبه ترتفع في كل شيء ✋🏻

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.