مسباح كهرب بولندي

 

 

حصلت على هذا المسباح كهدية من أم فلان رضي الله عنها 🙂

شخصيا ليس لي خبرة كافية في المسابيح لكن أعتقد أن هذا النوع يتعدى سعره ال 70 دينار

ما أفضله في المسابيح هو هذه القصة التي تسمى البرميلية حيث يكون شكل الحبة على شكل برميل

هذا المسباح من نوع الكهرب البولندي وفيه 45 حبة والخيط من القطن لكن للمناسبات فقط

لدي في السيارة 25 مسباح من نوع الخمطة بربع للدوام والديوانيات التي يكثر فيها لصوص المسابيح 🙂

 

42 تعليق

  1. الله يرضي عنكم جميع ..

    وتستاهل ياابو فلان 🙂

    هديه رائعه .. الله يخليكم لبعض 🙂

  2. لا تاخذ الديوانيه واحد يجيك يقول عطني اياه وشوي وتقعد تسولف وتنساه 🙂
    عمليات السرقه في الديوانيه : مسباح ولاعه وزقاير
    وحالات نادره شمغ وغتر
    وتستاهل كل خير يا بو فلان لان ما شفنا منك الا كل خير

  3. ما شاء الله تستاهل كل خير يابوفلان

    بس دام الكركوشه سوده جان غيرت الارضية ..

    يبيلها ارضية بيج ولا رمادي فاتح 🙂

    • البيج والأرضية سوده أفضل الكركوشه ليست مهمه اشعرفااااك بالتصوير 🙂

  4. تستاهل يا بو فلان

  5. عبالي عارضه للبيع
    قلت بوفلان قلب المدونة منتدى المزاد ههههه
    بس ماشالله خوش مسباح تقطعه بالعافية

    بس مشكلة أزلية مشكلة لصوص المسابيح والله
    اذا رحت الدوانية ما اخذ معاي مسباح
    واذا اخذت اخذ بو ربع
    اما المسابيح الكشخة مثل ما قلت حق المناسبات

    لصوص المسابيح مو مخلينا نتهنى بمسابيحنا 🙁

  6. هاهاهاها
    شالديوانيه البواوقه xD
    انا اقول لا تروح لهم احسنلك

    و عليك بالعافيه
    ما قصرت ام فلان

  7. تستاهل كل خير

    المسابيح الكهرب فيهالالماني والبولندي والبولندي افضل على ما اعتقد واذا بتعرف جم سعره اعرف جم غرام المسباح

  8. سبحان الله ناس يهدونك مسباح تكتب عنهم بوست وناس يهدونك مسباح ولا حتي كلمتين شكر ههههههه

    ولا عشان مسباحي بو خمطه بربع .. ارحــل

    • ههههه هذاك أخذته على طريقة اللصوص ومبين عليك لي الحين تبيه وموناسيه 🙂

  9. مبروك تكسره و تقطعة بالعافية يا بوفلان

  10. تقطعه بالعافيه يابو فلان وتستاهل كل خير

    كويت بنق ..ارحل ههههههه

  11. اهم شي لصوص المسابيح هههههه

  12. هههههههههههه حلووووه لصوص المسابيح

    اي والله الواحد قام ما يشتري مسابيح غاليه

  13. هاهاهاها
    تعليقك كالعادة عجيب بوفلان
    الله يخليكم لبعض
    عاد انت صيح اطيب منها وعطها شيء ابو 1000 دينار أو أكثر

  14. لوووول ذكرتني بجدي يعشق السبح و يجمع و يشتري يا حياتي غالي و اخرتها تنلطش بس من مين؟! ً
    خوالي والا أحفاد العيلة !! P:
    تقطعها بالعافية و زي ما قال هورنت هديتك لها إن شاء الله تكون أطيب ؛)

  15. ماشاء الله خوش مسباح

    متى تجي الدوانية؟

    << ناوي عليه :))

    اللهم يجمع بينكم على خير

    ويرزقكم الذرية الصالحة

  16. ادام الله عزج يا أم فلان و يخيلج حق بوفلان

  17. مبروك المسباح 🙁
    ولا تتولع بالمسابيح ترى اغلى من الالكترونيات لول

    • لا عاد المسابيح فعلا استخسر فيهم الخمس دنانير بس لازم في واحد لزوم الملتقيات 🙂

  18. عاد تصدق ولا مره طلعت من ديوانيه و بيدي المسباح اللي دشيت فيه
    يا طالع وبيدي مسباح غيري او خالي اليدين 🙂

  19. ابراهيم الشمري

    عساه مبروك يابوفلان على المسباااح

    وانت صاج بسلافة حرامية المسباح

    مرة واحد خذا مسباحي وطبعاا مع الايام فر على كل الديوانية واخر واحد وقف عنده المسباح هو راعي الديوان الي هو ( الوالد ) وماقدرت اخذه منه وسكت

    والمسبااح كان غالي علي

    ويعطيك العافية على طرحك الجميل

  20. بارك الله لك في المسباح و بارك لك بام فلان ،،، اتمنى ان تقول لها احد اخوانك في المدونه يهدونك السلام و فعلا فاضله و بنت ناس من تهدي لبعلها هدية فبارك الله لكما ببعضكما و جمعكم في جنته برحمته و الله يديم عليكم

  21. تقطعه بالعافيه يارب
    والله يخليلك ام فلان
    ويرزقكم بالذريه الصالحه 🙂

  22. اول ماشفت الصوره قعدت ادور مسباحي قلت لايكون هذا هو P:

    على البركه تستاهل بس ترى شغل الخمطه بربع ماراح يقزر معاك اذا خذت ايدك عليه ، اسأل مجرب

  23. يعطيك خيره يا بو فلان
    ما شاءالله خوش مسباح

    ممكن اسم المحل نروح نشتري منه 🙂

  24. لصوص المسابيح اهون من لصوص الولاعات !! تصدق عاد
    الربع من نوع ثاني بس يصادرون ولاعات الزقاير الله يفك عنهم هالمصيبه.
    و بالنسبه للمسابيح انا هبيت فيها و يوم شفت السالفه بتوصل الي حذف نص الراتب على مسباح واحد الله هداني الحمدلله و الي عندي كافي. سكر الحفيز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *