أداة لتغيير ليتات البيت ..

رحت اليوم محل  ACE هاردوير

ولقيت هالشغله الحلوه حق الليتات بدال لاتحط دري وماكو طوفه ماتكفخها وانت صاعد فيه للدور الثاني

هالشغله تريحك تخليك تبدل الليت بدون لا دري  ولاهم يحزنون

سعرها 2.500 كنت باخذها بس للأسف كانت تحتاج عصاية وقالولي العصاية خالصه قلت ماكو فايده ..

9 تعليقات

  1. The yellow one next to it in the picture is much better. I actually had it for like 5 years now and it’s amazing. You can find it at any far3 jam3eya lawazem 3a’ela. It comes attached to a multi length stick.. .

    • سبحان الله عاد تصدق كنت بصور الثانيه واحطها معاها بس شكلها مايساعد حسيتها مو شي

      بس يقولون إسأل مجرب ولا تسأل طبيب وان شاء الله اجربها دامها بلوازم العايله موجوده

      يعطيك العافيه

  2. عند يدي وحده من هالطقه قديمه وليلحين عنده

    انا اخاف ابدلهم احس بينفجرون 🙁

    • الله يحفظه ان شاء الله

      فعلا هالسوالف تلقاها عند الشيبان لأن الشايب اذا تقاعد ماعنده شي يسليه الا الحديقه او البيت وأغراضه 🙂

      انا اشوفها أأمن من التبديل العادي لأنها من بعيد لي بعيد

  3. هذي الاداة تصلح للمبات القديمه العاديه على ما اعتقد

    بشقتي انا حاط لمبات اللي اسمها لمبات التوفير؟ وهذا النوع من اللمبات ضروري ينمسك من جسم اللمبه الراكب بالهولدر مو من الجزء اللي يضيء وبعدين احط اللمبه بكيس جمعيه واصك الكيس زين علشان ما ينكسر ويطلع منه الغاز السام

    • ايه صحيح

      لمبات التوفير هشه بسرعه تتكسر

      بس معلمومة انه فيها خاص مضطر أول مره أدري عنها الصراحه كل الشكر لك يابوحمد

      انا كنت أبيها حق الليتات العاديه الصفره لأن التوفير فعلا ماتنمسك بهالأداة

  4. يبيلها والله ، لأن انا اعاني من سالفة الدرج والسقف عندي عالي ، وخاطرة الزلقة للردج في السيراميك
    بمر آخذ نفسها

  5. اختي عندهم الصفره اللي يمها..
    وايد زينه..
    كذا مره رحت لهم شفتهم يغيرون لمبات لوول بهذي !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *