بعض العطورات الفرنسية المفضلة لدي

.

ذهبت اليوم الى معرض العارضية للعطور وقمت بشراء بعض العطورات بما أن الصيف قادم وراح وقت الشتاء الخاص بالعطورات العريية

قمت بشراء مجموعة جميلة من العطورات المفضلة لدي وبعضهم بنصيحه من الشباب في تويتر ماقصروا

.

.

Creed  الأبيض هذا دمار شامل سعره 33 د.ك

قوتشي الي على يساره بـ 18 د.ك

CH جميل وبارد هذا العطر بـ 15 د.ك

والأخير بولو الأزرق أول مره أشتريه خطير صراحة بـ 13 د.ك

.

لمشاهدة قسم العطورات في المدونة ( اضغط هنا )

.

35 تعليق

  1. carolina herrera
    اختياار موفق

  2. عبدالعزيز

    اخوي بوفلان ترا اسعارهم وايد غالية عندي لك خوش محل بيعجبك ان شاءالله اهو بالديرة بعمارة السيارات مقابل سوق المناخ الدور الارضي تلقاه بالزاوية اسمه القزاز الذهبي عنده عطورات اصلية وعنده اصلي بس تعبئة المحل وهذا اللي الناس يتعنون مخصوص علشانه جربه ومانبي غير دعواتك الطيبة 

    • والله ياعبدالعزيز دورت وبحثت وكل مكان يطلعلي مكان ارخص منه

      قلت ما اكو الا اثبت على شي واحد وانا أخوك

      وشكرا على اقتراحك يالحبيب

  3. أحلي شي باللنك إسم منطقتنا
    ومبروك عليك هالعطور تتهنئ فيهم

    • العارضية أعرف فيها واحد ينقاله بوراشد هو الي محليها 🙂 ولا يهونون الباقين 🙂

  4. فاطمه الكندري

    تتطيب بطيب الجنه ان شاءالله وكل اهلك واللي يعز عليك واهلي وكل زاير لهالمدونه المبروكه( :

    Creedو قوتشي وايد خنينين وأحبهم لو هي ذبيحه ما عشتني ( :
    اما بولو الازرق ما شميته, بوفلان ياخوي جان على الاقل رشيت لنا من البولو الازرق بالمدونه على الاقل نشم ونعطيك راينا فيه

    بارك الله فيك وقواك الله ( :

    • جزاج الله خير

      طولي ع السماعات وضغطي على صورة العطورات راح ترشم السماعات تيست للعطر 🙂

  5. السلام عليكم

    ويعطيك العافية على هذا التقرير

    وعندي استفسار
    هل عطور معرض العارضية أصلية ١٠٠٪١٠٠؟

    لأني دايم اسمع عنه وأسعاره ممتازه

    وانا صارلي اكثر من سنتين مااشتري من الكويت
    كله اشتري من الانترنت
    وأشوف اسعار معرض العارضية مقارب لأسعار الانترنت ومرات اقل

    • نعم أصلية على حسب تجربتي هناك من يقول انها غير اصلية

      سؤال أخوي هادي ؟

      تشتري من الانترنت يعني من بره من لندن مثلا وأمريكا ؟

      اشلون توصل الكويت الي اعرفه ممنوع توصيل الأشياء السائلة

  6. خوش اختيار والله انصحك ببلو شانيل

    • شكرا بومحمد على الاقتراح

      الكل قالي عن هالعطر ويمدحه يبيله أجربه

  7. يلقية ولابسة حجاب بو تفخة بس ماركة

    الناس يشترون غرشة وحدة مو خمسين الف غرشة

    شكلك مو شايف خير

    • فليقل خيرا او ليصمت ..

    • حبيبتي شكلج حوله انا كل اللي شايفتهم ٤ غراش مادري الخمسين الف وين شايفتها

      انصحج تروحين اتغيرين قاعة البطل اللي لابستها او سوي ليزك يمدحونه

      بعدين من حجاب بو تفخه عرفت انه مستواج عطر الهندي اللي يحوس بالدوام و محد مربحه غيرج

      وعليك بالعافيه ابوفلان

    • أقووول هيلقيه أم تفخه انتي ما جربتي تييج كفخه على هالتفخه اللي فوق دماغج أشكالج اللي مو شايفين خير وبعدين شعرف المعيدي….!
      ترا يمدحون طيور الجنه مال بو 100 فلس هذا مستواج و يخب علييج بعد ،،،!

  8. إلي على يساره ؟؟

    مو على يمينه 😀 ؟

    تأكد 😉

  9. الي على يساره من صوبي وعلى يمينه من صوب العطر لا تدقق وايد 🙂

  10. شفت كرييد و تذكرت المقلب اللي صار فيني

    شريت مرة كرييد هدية حق زوجي من محل بالأفنيوز طلعت علي 53 دينار

    طلعت منهم تمشيت لين وصلت الشايع… ولا عندهم نفس الكرييد اللي شريتها نفسها نفسها اب 28 دينار!!! نفس النوع و الحجم و اصلية طبعا

    سوق السلاح عندهم وايد عطور بس مادري ليش احس ريحتهم مضروبة كأنهم تقليد بس في وايد ناس يحبونهم

    و اذا في مجال تجرب عطر بعد اكو عطر ريلي يستعمله ماكو مثل ريحتة خنيييينة لون القرشة رمادي ماركةnarciso rodriguez انصح فيه

    • هلا فيج أختي دندرمه

      مو خوش مقلب كللش او انا منج بروح أحاول ارجعه بأي طريقة لو أحرق نفسي 🙂

      نرسيسو ماعجبني مره جربته ما ادري ليش قد تختلف الأذواق وأشكرج على الإقتراح

  11. يا ام حجاب بو تفخه الله يسلمج هذيله اسمهم عطورات والمفرد عطر والقرشه الي انتي تقولين عنها تنباع بالمباركيه الي انتي تشترين منها هناك

  12. اكيد انتي مقيمه بالمباركيه من الحجاب بو تفخه و القرشه هذيله وايد اشوفهم هناك

  13. على جم قرشت الجفنشي ام حجاب بو تفخه !؟١.٥٠٠ كاااااااااك

  14. لوسمحت عطني قرشتين سي كيه قرشه دينهل

    كاااااااك

  15. محمد ابراهيم

    http://www.aperfume.info/2011/perfume/%D8%B4%D8%B1%D8%A7%D8%A1-%D8%B9%D8%B7%D9%88%D8%B1-%D9%85%D9%86-%D8%A7%D9%84%D8%A7%D9%86%D8%AA%D8%B1%D9%86%D8%AA/
    اخواني الكرام هذا الموقع يشرح الشراء من موقع عطور ارخص واصلي من اسعار السوق

  16. السلام عليكم ورحمة الله وبركاته..

    ابوفلان انا ابي اخذ بالقليل عشر عطورات جديده لاني معرس..

    وبدش سوق الحره بعد شوي العصر وانت شرايك منو الارخص واللي تثبيته اقوى ؟؟
    واذا رقمه عندك حطه لانه في عطورات ابيها موموجوده بالكويت بشوفها عنده او لا ويعطيك العافيه

    • وعليكم السلام ورحمة الله

      مبروك اولا

      وهذا رقمهم 24317979

      وراجع قسم العطورات كاتب انا مجموعه من العطورات بس الي بالصوره احرص عليهم كلهم ممتازين

  17. هلا ابوفلان بس ابي الفرق بالاسعار بينهم وبين الحرة..

    وقريت كل قسم العطور وعساك ع القوة

  18. باشرنا بوفلان كلها ثلاث ساعاات واكون بالحرة وماودي اوهق نفسي

  19. هلا اخوي ابو فلان

    فيه مواقع بعضها امريكي والآخر لا
    وعندهم خدمة توصيل للكويت على شركات خاصه هم يتعاملون وياهم
    والعطورات اصليه

    وفيه موقع ممتاز دايم اطلب منه واصلي وأسعاره مقارنه بالكويت فرق شاسع بأغلب العطور
    حتى ارخص من بعض محلات امريكا العادية

    واذا بغيت انت او اي من زوار المدونه اي مساعده بالمواقع مالت العطور أنا حاضر

  20. أعجبني قسم العطورات اخوي بوفلان . جهد تشكر عليه . والله يهدي أصحاب التعليقات , بعالم ثاني .

  21. جهراوي مردد

    CH
    عجيييييب وريحته بارده ومميزه
    جاني هديه وادمنت ريحته صراحه
    وفي واحد ثاني نفس الماركه بس لونه اسود

    حلوين حيل حق الصيف

    يلا اختيارك حلو
    عليك بالعافيه .~_^

  22. والأخير بولو الأزرق أول مره أشتريه خطير صراحة بـ 13 د.ك

    احلى وااااحد وريحتة قوية احبة

  23. محمد العجمي

    خووووش عطوراااات 🙂

    بس يابوو فلان ،، معرض العارضية للعطور كل اللي عنده اصلي ولالا ؟؟

    لحد يخلينا نشتري منه ونتوهق :@

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *