موسم البنك !!

.

البنك : بفتح الباء والنون وسكون الكاف .

عبارة عن كشك صغير تلقاه داخل الجمعيات أو بسطة عند الدوار يبيعون مايسمى بالبَنَك والحب الشمسي والترمس

البنك وتوابعه عبارة عن مسليات وقت مشاهدة فلم أو قاعد بروحك بالديوانية أو حاضر مباراة 🙂

.

.

يمكن هالبقوليات أو الحبوب مشهورة في الكويت وأعتقد في البحرين

أما السعودية والإمارات وقطر ما أعتقد عندهم منها

.

يوجد منها أشكال وأنواع منها البنك الايراني والبلغاري والتركي

بالنسبة لي أفضل البنك البلغاري لأن حجمه مناسب وبسرعة ينكسر

.

الموجود في الصورة هو بنك تركي ويعتبر الأكبر حجما ويحتاج قوة فكية لكسره 🙂

.

.

اشلون ناكل البنك ؟

الحبه يتم كسرها
وأكل الحبه الي داخلها وطعم البنك يكون مالح جدا

.

.

47 تعليق

  1. هههه .. ما شاء الله عليك .. 🙂 شرح جميل ..

    بس البنك التركي يبيله چلابتين .. يكسر الفك قبل الضروس ..

    بس ما ذكرت اسعاره !! وإشلون يبيعونه ؟!

  2. شوقتني على البنك يا بوفلان وصاج البنك التركي يابس يبيلة قوة تكسرة

  3. أنا من سكان السعودية
    لكن البنك الي تتكلم عنه الصراحة ما أعرفه =)

  4. شنو بنك بالانجليزي احد يعرف يا جماعة؟

  5. خوش تقرير وفعلا مثل ما قلت هذا موسمه، بس ما يندرى هل للبنك فوائد طبية مثل المكسرات ولا لأ؟

    • ما اعتقد له فوائد أحس سلبياته من الملح الي فيه وتكسير الضروس أكثر من ايجابياته

  6. تبااارك الرحمن

    كفيت ووفيـــت……..

    هذاا وقته عااد

  7. ههههههه انت تحفة

    الموضوع جدا جدا شيق و ملفت

    ماشاء الله عليك

  8. أفا عليك أهم شي الحب الشمسي 🙂 هذا معروف عندنا خاصة أهل الاحساء .
    البنك غريب أول مره اسمع فيه جد اشتهيته ، هل هو معروف باهالاسم في كل مكان
    الترمس حلو والله زمان عنه خبري فيه يوم كنت صغيره
    غريب البجله مب من ضمن القائمة والا لها وقت معين عندكم ؟

    خاطري اذوق ( الرهش الكويتي ) يقولون طعمه ألذ من اللي ينباع عندنا في السعودية .
    حلو الموضوع .

    • هو عندنا معروف بكل مكان بهالإسم

      ماعرفت شنو البجله ؟ يمكن قصدج الباجيلا لها محلات خاصه يبيعونها نخي وباجيلا وآش 🙂

      الرهش فعلا شيء يتميز فيه اهل الكويت أهل البحرين كلهم يشترونه من عندنا

  9. من وين يطلع البنك ؟

    • شجر خاص يكون لونه أخضر في البداية بعدها يتم تنقيعه بماي وملح وتنظيفه والله اعلم

  10. الحب والترمس وهالاشيا كلها معروفه
    بس البنك صراحه اول مره اشوفه 🙂
    هاللي تكسره ومن داخل مالح!
    بشوفه فالقريه الكويتيه – فالقريه العالميه لول
    وبنشوف شورك يا بوفلان!

  11. الله شوقتني على البنك
    يبيله بلغاري “احسن نوع” بس كل مارحت جمعيه ما القى بلغاري كله يقولونلي ماكو 😐

    قبل فتره كان اكو واحد كويتي يبيع بنك بالدوار
    اللي عند هارديز بالشاميه مخلوط بكمون و مادري شنو
    عجيييب
    و سمعت ان راح جنوب السره بس مادري اي صوب

  12. موضوع غريب عن البنك ماقريت عنه من قبل أشكرك على إحياء التراث 🙂
    بنك جمعية القادسيه ممتاز ونظيف
    بس وين النقل عن الموضوع هم حلو 🙂

  13. أ أخوي الي تسأل عن البنك الي كان بالشامية وراح جنوب السرة حبيت أفيدك ان اهو بضاحية الزهراء ..
    أول ما تنزل من اشارة خيطان تدخل أول يمين للزهراء
    تكمل سيدة يجيك دوار تلقاه موجود وعليك ب1000 عافيه..

  14. مشكور على الموضوع
    اقول
    وين يبيعون البنك اليابس
    عند العطار ؟؟؟

  15. السلام عليكم

    انا ادور هالحجم في الامارات كلها بس هب لاقنه ههههههه اللي عدنا صغير بس هذه شكله مغري ,,,, شكرا عالمعلومه ياخويه
    مره الاهل ردوا من الكويت و يابولنه هالبنك و طلع تركي آخر شي

  16. اخواني الكرام البنك نوع من اطيب المكصرات وفي فواد كثيره تقويت الظهر وتحسين قوت البصر ايستخرج منهو الزيت وهاذه الزيت خالي من الكسترول تكون الاشجار في مرتفعات الجبال العاليه جدأ وطبيعي اميه في الميه
    اخواني الاعزاء الذين يرقبون بلحصول كميات من البنك
    او فتح المشروع بيع البنك في اي دوله خليجيه ناحنو في تم السعداد للعمل مع اي شخص يرقب بذالك او مراجعة العنوان التالي الكويت امبارك الكبير القرين القصور قطعه 5 جمعية القصور رقم 2 ارجاء الاتصال علي الارقام اتاليه الكويت 0096555300045او 0096565658890ايران 00989161133375 او بعنوان الاكتروني
    moh10913@yahoo.com
    hoasmm@gmail.com
    0 0

  17. الي يبي بنك موجود عندي بلغاري فرش مع تركي حاضرين

  18. شباب وين يبيعون البنك التركي في الكويت

    اللي يعرف الله لايهينه يعلمني

    وانا في الانتظار

  19. مرحبا للجميع
    ممكن توضح لي كيف يطبخ البنك الخام
    حتي يصبح جاهز للاكل
    انا شريت من تركيا خام فيه قشره خارجيه بس مو عارف كيف اسويه مثل اللي بي صوره جاهز للأكل
    اذا ممكن ولكم كل الشكر

  20. بـــــنك بــــلغاري ، بـــنك تركي ، بـــنك إيراني ، جديد فرش . للطلب والتوصيل في الكويت وخارج الكويت جمعية القصور التعاونية / للطلب يرجى الاتصال على الارقام التاليه 0096565658656
    ٠٩٦٥٦٥٦٥٨٦٥٦
    0096565658890
    ٠٠٩٦٥٦٥٦٥٨٨٩٠
    نحنُ في خدمت زبائنا الكرام

  21. البنك مستحيل تلاقاه بسعوديه انا اليوم طلبت 30 دينار لان صراحه شي رهيب. رغمن انه يهلك الاسنان بس رهيب ومتنسيه فيه بعد

  22. البنك شي عجيب كل انواعه

  23. تسلمون يالطيبين علي المعلومات … عندي استفسار وش يسمون البنك بالتركي؟ ووين ممكن يتلقي في دبي؟

  24. مشكور على هالمعلومات . من زمان و انا ادور عن صورة للبنك ، نسمع به في مسلسلاتكم الكويتية وصار عندنا فضول نعرف شنو البنك .. الله يعطيكم العافية

  25. مشكور على هالموضوع الجميل بصراحة صحيت الذكريات عندي
    انا مواليد دولة الكويت واحن دايما لايامي فيها وكل ما اعرف انو في حد بيزور الكويت اوصيه يجيبلي بنك ما اقدر استغني عنه صارلي من حرب الخليج ما زرت الكويت بس عزاءي في البنك

  26. البنك مكسرات جميلة كنت في الكويت ويوميا وأنا طالع من المدرسة كنت اشتري كيس بنك وتركت الكويت من 22 سنة وكنت مشتاق اطعمه جدا بس كنت سمعت ان طريقة تحضيرة مش اد كده

  27. البنك 3 انواع الصغير الايرانى الكيلو من 2.5د.ك الى 3د.ك الوسط البلغارى ب14د.ك والكبير التركى ب18د.ك الاسعار هنا بالدينار الكويتى يوجد بسوق المباركية بالكويت عن المحلات الايرانية وفى بعض الجمعيات التعاونية داخل المناطق الكويتية وفى واحد بدوار الفنطاس لسه واكل منه اليوم وامس

  28. طعمه رائع جدا

  29. البنك الحين اصبح ارخص من قبل بي كسير وانا شريت الكيلو بي 8دناير التركي جاهز

  30. السلام عليكم اخواني ، أنا من دبي حبيت اعرف لو في محل يوصل بنك تركي للامارات ، و اذا يوصل ممكن تزودوني باسم المحل و رقم التواصل

  31. عايشه خليفه

    هل توجد اداه لتكسير البنك؟ غير الاسنان

  32. من اين يأتي البنك؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *