مطعم ميجانا اللبناني .. Mijana

,

,

مطعم ميجانا : مطعم يقدم الاكل اللبناني اللذيذ واللذيذ جدا .

مكانهم : في بالكوت , والحين فتح بمجمع 360 بس باسم ثاني اسمه صبح ومسا ..

المطعم ادمنته أنا وأم فلان ..

لأن اكلهم بصراحه طعمه خااص جدا يعني مستحيل تحصل نفس الطعم بمطاعم لبنانيه ثانيه ..

,

المقبلات

سلطة قيصر , نفس سلطة السيزر بس الاسم يختلف

الطعم حلوه ماشاء الله بس انا افضّل إنكم تطلبون بدالها سلطة لسانات ,, سلطة رهيبه الي يحب لسان الخروف راح يدعيلي بس للأسف ماصورتها .

.

( تحـــديث )

وهاذي سلطة اللسانات اللذيذة

وبعدين طالت اعماركم على طاعة الله سبحانه طلبنا حمص باللحمة والصنوبر لذيذ جدا جدا

وفيه بعد حمص بيروتي خيالي جدا

وبعدين طلبنا طبقي المفضل الي يعذبني عذااااب

فتة لحم ياجماعه الي مايحبها راح يعشقها بس جربوها وعطوني رايكم

وبعدها الأطباق الرئيسية

الطبق الأول

لحم شقف مشوي أو الي احنا نسميه تكه ..

طري جدا جدا جدا بدون مبالغه وطعمه ماشاء الله حلووشويتهم مضبوطه يعني ماكو حبه محترقه وحبه زينه

والطبق الثاني

اسمه داوود باشا : عبارة عن أرز مع مرق كفته لحم ..

الفاتورة كانت 19 دينار تقريبا

, , مطعم ميجانا : مطعم يقدم الاكل اللبناني اللذيذ واللذيذ جدا . مكانهم : في بالكوت , والحين فتح بمجمع 360 بس باسم ثاني اسمه صبح ومسا .. المطعم ادمنته أنا وأم فلان .. لأن اكلهم بصراحه طعمه خااص جدا يعني مستحيل تحصل نفس الطعم بمطاعم لبنانيه ثانيه .. , المقبلات سلطة قيصر , نفس سلطة السيزر بس الاسم يختلف الطعم حلوه ماشاء الله بس انا افضّل إنكم تطلبون بدالها سلطة لسانات ,, سلطة رهيبه الي يحب لسان الخروف راح يدعيلي بس للأسف ماصورتها . . ( تحـــديث ) وهاذي سلطة اللسانات اللذيذة وبعدين طالت اعماركم على طاعة الله…

تقييم مطعم ميجانا اللبناني

جودة الأكل - 8
الخدمة - 8.5
المكان - 8
السعر - 8.5

8.3

ممتاز

المطعم يعتبر من أفضل المطاعم التي تقدم الأكل اللبناني

,

,

47 تعليق

  1. بالعافية عليكم، وشكله حلو والله.. أحب مثل هالأكلات بين فترة وفترة
    شكرا للمراجعة اللطيفة يا لطيف 😀

  2. مدونتك تجوع ..
    جهد تشكر عليه
    :
    تصلح مقيم للمطاعم .. وعلى فكرة ناقصك عمود في جريدة و عندها ستضمن دعوات من المطاعم المختلفة و بالمجان

    • بعد شنسوي صار احترافنا مطاعم 🙂

      والله يعيننا على الإثم برمضان ههههه

      بالنسبة لمقيم أعتقد تو الناس علي وفكرة الجريدة حلوه اذا كانت المدونة مشهورة ويكون تقييمي على نقاط رئيسية واضحه

      ذيك الساعه راح أعيش دون ماجله طول عمري لأن اكثر مشاريع بالكويت مطاعم 🙂

  3. يا حلالالاوة ..

    والله شكل الأكل لذيذ وشهي ..

    عندهم حلوم مشوي شي خيالي .. بس مثل ما قلت المكان لك عليه شوي ..

    أنا رحت له أول ما فتحوا الكوت .. قبل سنتين ..

    • يامرحبا مليار

      يله ان شاء الله تتزوج وتروح للمطاعم أكثر مني

      بس ماكو احد يروح مطعم كشخه يطلب حلوم ههههه مطعم الفرع يسويلك اياه ههههه

      ذكرتني بروحي لما أبوي يودينا مطعم ومكشخنا أطلب عيش مشغول ودياي مقلي ههههه لو أقعد عند يدتي أحسنلي

  4. ممتاز ممتاز
    احب الأكل نفس هذي النوعية من المطاعم
    عساه عافية عليك وعلى الأهل
    يبيله تجربة على يوم ان شاء الله

    • أخييييرا عجبك شي بوناصر

      يله ان شاء الله نكسب أجر تروح تطلع أم ناصر وتفرحها بهالمطعم ههههههه

      وتهد المطاعم الهنديه

      والله يعافيك ويخليك يابوناصر

      ودي اعزمك بس أخاف تطلب شيشه وتخربها ههههه

  5. جاردينيا_2000

    بالعافيه

  6. عليكم بالعافيه

    ما طلبتوا ورق عنب ولا فتوش وبطاط محمره هذوله احلى شي 🙂

    اقتباس –> “” يكفي إنها وافقت علي يوم الزواج وهذا اكبر دليل على ان ذوقها جميل ههههههههههه “”

    لوووووووووووووووول مشكله الثقه :q

    انا ججربت ميجنا وفيلا فيروز وصباح ومسا كلهم حلوين ما عرفت افرق بينهم 🙂

    الله يعطيك العافيه 🙂

    • الله يعافيج

      ايوااا هاذي الردود الي تزيد المنيو 🙂

      ورق عنب المدام تطلبه بس انا ما احبه والفتوش ماطلبنا لأنه كله حاط ببالي انه مافي شي يديد بس بجربه ان شاء الله

      والبطاطه المحمره تم اضافتها للقائمة

      شكرا للمعلومات القيمه 🙂

      الثقه مو مشكلة حلوه بس لاتزيد عن حدها ;-p

      أعتقد ان أصحاب هالمطاعم كلهم واحد بس يغيرون الأسماء عشان يتحكمون بالأسعار ويزدون وينزلون على حسب المكان والاجار

  7. اشوه علقت هههههه :q

  8. السلام..

    حاطه صبح ومسا بللستة المطاعم اللي بجربهم بس مليت من اللبناني :\

    نسيت شبقول :s

    عموما بالعافيه يارب..

    • وعليكم السلام ورحمة الله

      راح يعجبج ان شاء الله

      وانا اذا مليت من أكل معين خلاااص أقطعه شهر وأيوع نفسي وأروح مره ثانيه 🙂

      والله يعافيج وحياج الباري

  9. لا النمره غلط

    طلع اسمع البطاط بطاط بالكزبره ههههههه

    اي اهما نفس الشركه بس الاسامي تختلف

  10. تصدق يابو فلان

    ذكرتني بطباخ الوالدة دايما تسوي هالاكلات
    داوود باشا والفتات والسلطات

    عجبني حمص باللحمه والصنوبر شكله يشهي

    اذا تحب الاكل الي يندرج تحت الفتات واخواتها
    جرب اكله اسمها صاجيّه راح تعجبك، هالاكله حلاتها بلبنان ولا بسوريا انا اكلتها اول مره هناك

    • ماشاء الله عيل ماتختاج مطاعم 🙂

      والله يخليلك الوالده ويرزقك الي تطبخلك طبخ كويتي :-p

      والله بسألهم اذا رحت للمطعم وبجربها ،، اما سوريا ولبنان ماطبيتها ولن اطبها

      • بعد اذا ماتعرف تطبخ كويتي شتحرا منها هذي

        وليش ماتبي تطب لبنان وسوريا
        ترى كل ديره فيها الزين وفيها الشين

  11. ونسيت اقولك بالعافيه عليكم
    ولو اني جاي متاخر

  12. صج ذووووووووووووووووووووووووووووووووووووووق

    لأني أموووووووت على هالمطعم صراحة بهبببببببببببببببببل

    الحمص باللحمة والصنوبر يدوووووووخ ما ذقت مثلة

    وجبده الدياي تهبل صراحة رووووعة المطعم

    بس ساعات يخوره بالسمج ههههههه

    • اووووه شكلج مطيحه فيه ؟!

      بيني وبينج السمج اذا مو من ايد وحده عمرها ٥٠ وفوق وكويتيه ماينفع

      اللبناني مال حمص ولبنه وزيتون مو سمج ..

      احس ازفرة السمج تسوي حساسيه للبنانيين :-p

  13. السلام عليكم ورحمة الله و بركاته

    و بالعافيه .. الميجانا من المطاعم المفضله عندي …

    بس لما جربت الفرع الثاني له صباح و مسا ما عجبني مو هالي مو مثل إلي بالكوت هذولاك أكلهم أحله و السيرفز أفضل حتى الخبز في الكوت غير …

    و أكيد بالأول و الأخير مسألة أذواق ..

    بس بشكل عام الميجانا الأفضل في الكويت أكل لبناني ..

    • هلا أختي الجودي

      وعليكم السلام ورحمة الله وبركاته

      والله يعافيج ان شاء الله

      عاد ذاك اليوم كنت رايح حق صبح ومسا بس من الزحمه والازعاج قبل لا اوصل المطعم أخذت فوق تحت

      واشوى انج قلتي انه مو نفس ميجانا عشان اشطبه من اللسته

      الظاهر السالفه على الشيف شيفهم الي بـ 360 مو مضبوط 🙂

  14. هالمطعم من المطاعم المفضلة عندي

    وصج بطاط بالكزبرة عجيبه

    جوانح الدجاج

    الفتوش

    الحمص البيروتي

    مشكوووووووووووووووووووور علي التقرير

    وبالعافيييييييييييييييييية عليكم يارب

  15. عليكم بالعافيه

    مبين على الأكل لذيذ خاصه فته اللحم

    دخلت النت وقلت بخاطري انه اتغدا في مطعم

    وسويت سيرج الا القا مدونه حضرت جنابك

    فقررت اني اروح لمطعم لبناني ولكني راح اروح لمطعم الصنوبر

    بقول لك شغله

    وراح اوصيك على مكان تذوق طبق عندهم وان عجبتك ادعي لي
    اللي اهيا شيش برك في مطعم صباح ومسا لا تطووووفك

    • الله يعافيج

      يا هلا فيج بمدونة حضرت جنابي 🙂

      الأكل اللباني من احلى الأكل عندي بس يبيله شيف عدل مدل

      لأن صبح مسا هو نفسه ميجانا بس يقولون أكل ميجانا أحلى وانكع على قولتكم يالحريم 🙂

      وان شاء الله المرات اليايه اجربه باذن الله لج الشكر على الإقتراح

  16. هلا ابوفلان

    اليوم الله يسلمك رحت لمطعم صباح ومسا

    وطلبت منهم طبق الشيش برك

    الصراحه ما عجبني طريت على بالي لاني انا رفعت هالطبق فوق لك وسويت له دعايه ما حصليتش فكنسل الاقتراح

    لانه هالطبق يرفع الضغط مالح حييل

    واتفق معاك انه الميجانا ألذ

  17. روعة التقرير ابو فلان
    قواك الله

  18. روعة التقرير قواك الله

  19. والله يا بوعبدالعزيز ..كل ما ادخل مدونتك اموت من الجوع واطلع على طوول اقرب مطعم !! هههههههههههههههه

  20. لذييييذ احب اكلهم … بس الديكور يقمت !!
    وبالعافيه 😀

  21. عليك بالعااافيه بوفلان بس للعلم حق الي ما عنده خبر ترى ميجنا و وصباحو مسا و فيلا فيروز ومطعم لبناني كلهم شركه وحده ونفس المطعم بس تغير بالاسامي واذا تبي تاكد اسل القرسون باي مطعم من هالاربع

    • الله يعافيك ايه يالغالي سمعت بهالمعلومه بس للأسف مو كلهم نفس المستوى

      أشكوك

  22. بالعافيه ..
    ماشاء الله عليك ..ツ
    اسلوبك في العرض جميل

  23. مشكور بو فلان
    وجــــــــــــــــاري تجرب اكل المطعم

  24. مشكووور يابو فلان شغلك عدل

  25. انت رااااااااائع جد اعي الله انه يوفقك صراحه عمري ماشفت مثل هذى التقديم حتى في المرديان والشيراتون
    انت كذا d

  26. يعطيك العافيه بو فلان ع هـالتقديم الجميل والصور هي تعبر عن نفسها<فيس منهار ع الاكل .. وحبيت اقولك يابو فلان استأثمت فيني بصباح رمضان لوول ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *