مطعم ستون جريل .. Stone Grill Restaurant

.

مطعم جريل ستون يقع في شارع سالم المبارك في مجمع أمنيه التجاري .

المطعم أكله عادي لكن مايجذب فيه هو طريقتهم في تقديم الستيك وبعض الأطباق الأخرى لتطبخها أنت بنفسك على الطاوله .

.

المكان صغير الصراحه الطاولات تقريبا كلها عشر طاولات .

.

.

.

و هذا المنيو : الإختيارات فيه مو وايد لكن في من كل الأصناف الستيك والبحري والدياي .

.

.

أول ماتقعد ع الطاوله يحطونلك هالخبز مع زبده وخل البالسميك وخلطه بهارات هنديه .

.

.

.

المقبلات

.

شوربة ربيان كانت عادية جدا ومالحه وفيها حبة وحده ربيان 🙁

.

.

الطبق الثاني بروشيت الفطر : عباره عن فطر مقلي محشو بالسبانخ والجبن

بما أني أنا الي طالبه فأنا أحب الفطر والربع نص ونص وياه وبالتالي الطبق بالنسبة لي حبيته .

.

.

وهذا يمسونه فلاينج بولو : قطع دجاج مقليه مع السمسم والصلصه

الدياي كان عادي جدا الصلصه كانت حلوه

.

.

هذا الطبق عجيب شكله وطعمه جيد جدا

اسمه كارباشيو لحم البقر : عبارة عن شرائح لحم بقر متبله مع سلطة الروكا

.

.

سلطة جرجير

.

.

الأطباق الرئيسية

أهم مايميز المطعم هي الأطباق الرئيسية وطريقة تقديمها

وطبعا يخيرونك تبي انت تطبخ ولا هم اييبولك اياها جاهزة

.

أول شي يلبسونك غطا عشان ملابسك ماتتوصخ مثل صدرية اليهال 🙂

وبعدها اييبولك هالصخره الحااااره مع الصلصه والخضار وتكون مرشوشه ملح خشن وفلفل

.

.

وبعدها اييبون اللحم انا طلبت فيليه والربع طلبوا ريب آي

.

الأول الفيليه والثاني ريب آي ولمعرفة الفرق بينهم راجع هالموضوع

.

.

بعدين عاد اييك الجرسون يعلمك اشلون تطبخها وبعدها تعتمد على نفسك

.

.

.

الستيك عادي جدا لكن ممارسة الطبخ على الصخره تجربه جميله جدا وفكرة فريدة

أنصح بزيارة المطعم لتجربة طبخ الستيك والتمتع بأكله والتحكم بمدى نضج قطعة اللحم الخاصة بك

.

التقييم

المكان 7 / 10

الخدمة 9 / 10

جودة الأكل 7 / 10

السعر 8 / 10

.

أسعاره غالية عند مقارنتها بمستوى الأكل الي يقدمه

.