مطعم جاوتشو جريل .. GAUCHO GRILL

.

.

جاوتشو جريل : مطعم أرجنتيني يشتهر بالستيكات .

مكانه : فندق النخيل بالمسيلة .

.

بعض السلبيات :

1- المكان صغير نوعا ما بالنسبة لمطعم بجانب فندق .

2- يسمحون بالتدخين في المنطقة المخصصه لغير المدخنين مما سبب لي ازعاج كبير وضيقة صدر أنا والربع .

3- زحمة مصافط الصراحه .. بس فيه خدمة سيارات .

.

أول شي المنيو

.

.

بعدها اييبولك الخبز والزبدة وهالصلصة الحارة

.

.

بعد ماتشوف المنيو وتشوف أنواع الستيك وأسعاره

.

.

اييبولك اللحم تشوفه أمام عينيك وتختار الي تبيه

واذا تبيه ساده ولا مع تتبيله أو يكون الستيك مفروش أو متين

.

.

وقع اختيار صاحبي عبدالله على ريب آي الموجودة ع اليمين بالتتبيلة

والأخ diesel اختار الفيليه المفروشة الموجودة على اليسار مع التتبيلة

أما انا فاخترت قطعة الفيليه المتينة الي أعلى اليسار بدون تتبيلة

.

بعدها طلبنا المقبلات شوربة بطاط كانت جيدة لا شيء مميز فيها

.

.

وهاذي فطاير ذرة بالجبن كانت عادية جدا

.

.

كنا نبي نجرب طبق سجق النعام لكنه للأسف كان غير متوفر وهو مثل الطبق الي بهالصورة

.

.

بعد المقبلات وصل الستيك مع الأطباق الجانبية

.

الستيك بالترتيب ( ستيك ريب آي مع التتبيلة ) كان جيد جدا

بعده ستيك ( فيليه 400 غرام متين 🙂 بدون تتبيلة ) كان أفضلهم طعما

والثالث ستيك ( فيليه مفروش 🙂 مع التتبيلة ) أيضا جيد جدا بس ناشف شوي

.

.

.

.

الأطباق الجانبية كانت عبارة عن ماش بوتيتو مع صلصة الفطر

.

.

والطبق الجانبي الآخر كان عبارة عن فطر مشوي مع صلصة المشروم

.

.

وهذا عصيري أناناس مع الفواكه الإستوائية وبعض الحمضيات 🙂

.

.

التقييم

جودة الأكل 8 / 10

الخدمة 9 / 10

المكان 8 / 10

المشكلة الي حصلت انهم سمحوا لمجموعة من المدخنين بالجلوس في المكان المخصص لغير المدخنين

وبعد الاكل كل واحد ووحده ولع زقارته والمكيف دز كل الدخان علينا واحنا تونا مبلشين بالستيك

وانا والربع من النوع الي يتضايقون من ريحة الزقاير

نادينا المدير قلناله مايصير يدخنون في مكان غير مخصص للتدخين قال الخطأ مننا حنا ( يعني المطعم ) قعدناهم بمكان غير المدخنين مع انهم قالولنا نبي مكان التدخنين بس ماكان فيه طاولات

للأمانة حاولو يراضوننا بتغيير الطاولة لكن رفضنا شكلنا غلط واحنا شايلين قشنا ورايحن طاولة ثانية

وحاولوا بعدها ايضا يراضوننا بتقديم السويت مجانا لكن ايضا رفضنا وبيننالهم اننا متضايقين وفعلا كننا متضايقين

السعر 6 / 10

جدا جدا مرتفع مقارنة بجودة الاكل ومقارنة بالمطاعم الأخرى

المطعم لايستحق مبلغ أكثر من 45 دينار

لكن لما تشوفون الحساب تحت بالفاتورة كان مرتفع لأنهم كانوا حتى الأطباق الجانبية الي تكون مع كل طبق مجانا في المطاعم الثانيه أسعارها غير والصوص أيضا سعره غير

.

وهذا الحساب 🙂

.

.

أحلى شي كان اسم فلان موجود بالمنيو بقسم الحلويات << اكيد فلان بيكون سكر 🙂

.

.

المطعم بشكل عام ليس من النوع الذي يجعلك تشتاق لأكله مره أخرى أو تريد تجربته فعلا

هناك الكثير من المطاعم أفضل منه وأرخص

.