مدونة أبوفلان تقنية ، أخبار ، تجارب شخصية ، مطاعم ، سياحة
.
.
الكاسبر سكاي برنامج فعلا قوي ولا يستهان فيه من ناحية الحماية للوندوز
لكن مايعيب البرنامج أنه ثقيل على الجهاز خاصة مع انطلاق النظام عند التشغيل
وأحيانا يسبب لك بطيء في تصفح بعض المواقع
ولذلك قررت بعد الإستعانة بالله ومشاورة الأهل والأصدقاء وسؤال الشيخ قوقل 🙂
أن أنتقل للحماية الألمانية ESET NOD32
البرنامج قوي جدا ولايسبب بطيء للجهاز
سعر البرنامج 5 د.ك بحولي .
.
طبعا أنا على يقين أن هناك من سيدخل ليقول : حوّل ع الماك وريح بالك وانا اقوله : صح لسانك ناطرين الماك ميني بس 🙂
ولو أننا لانستغني عن الوندوز وما أحب أخلي شي عندي بدون حماية
.
ما جذبني إلا تلفون ابو تريك بالصوره P:
وأزيد على ” غير للماك ” ،، غير للينوكس بعد وريح بالك
وشكرا لك 🙂
هذا للمهمات الصعبه 🙂
اللينوكس يمدحونه بس مالي خلق اتعلم خلاص 🙂
خاصة وانه قليل جدا مستخدمينه
عاد ,hd] كانوا يمدحون kaspersky بس كلش ما عجبني ضليت عليه جم شهر ومسحته ونزلت ESET NOD32 واااايد حلو ضليت عليه فوق السنتين والحين قاعده اسعمل bitdefender لا يعلى عليه وايد خفيف عالجهاز وحلو 🙂
والله نفس الحال عندي الكاسبر شريته يديد وباقي فيه 9 اشهر
وجرت المدعو NOD32 شهر وبعدين شريته
مبروك أنا عندي البرنامج بس الكامل
سعره على الانترنت اذا ماني غلطان 15 دينار
مالي خلق زحمة حولي
🙂
الله يبارك فيك
والله نفس حالتك شفت سعره غالي بالموقع
وسمعت انه رخيص بحولي وجيان مسوين عليه عرض بـ 4.500
ابشرك صاحبي رايح حولي يابلي اياه 🙂
على البركة ..
والله أنا عندي i mac .. وايد مريحني بلا ويندوز بلا هم 🙂
ماشاء الله أي حجم ومن وين اخذته ؟
مبروك بس في مشكلة بهل برنامج مرات يوقف البرامج الي تشتغل عن طريق الشبكة بس الحلو مايكمل وبرنامج جيد 🙂
بالفعل النود ممتاز ، سعره بجيان ب4.500
وفي نود سمارت سكيروتي هذا مع فايروول ، وسعره 7 دنانير
طبعا بالنت غالي جدا ، الا اذا اخذت حبتين ، يصير رخيص بنص السعر
ممتاز جدا البرنامج وخفيف
كنت اعاني من مشكلة عدم فتح بعض المواقع مع الكاسبر وخاصة موقع أبل
مبروك وزين سويت، آخر نتائج الإختبارات أثبتت بالفعل إن Kaspersky من أسوأ برامج الحماية من ناحية تأثيرها على أداء النظام، ولكن نعترف أيضا إن Kaspersky شرس جدا ولكن يا حلو NOD32 وهو يعمل بصمت ويوفر لك نفس الحماية “تقريبا”.
والله صدقت ثقيل لدرجة التأثير حتى على فتح المواقع
هذا بعد مو الانترنت سكيورتي هذاك الأصل فيه سوؤ الظن بالموقع هههه
النود حلو ياحلاته وتسلملي ع النصايح السابقه
حوّل ع الماك وريح بالك < انا قلتها
تبي الصراحه خوش اختيار والله
بكل حال من الاحوال انا مستخدم كمبيوتر وتحديدا ويندوز
ولا مره حطيت حماية ولا عمري راح احط انا احمي نفسي بنفسي
اعرف شلون استخدم الجهاز واتعامل مع الملفات وحتى بالنت اعرف شلون اتحاشى الملفات المفيرسة والروابط الملغومه خصوصا الي انتشرت في الآونة الأخيرة الدودة !!! كل الي بالمسن عندي مصابين بهالفايروس وتلقائيا يدز روابط وانا ما استقبل < بيقولك انه مهندس كمبيوتر لول
عموما انت كل الي عليك انت تستخدم الجهاز استخدام سليم وشرط الذكاااااء لان عيال الحرام ما خلو لعيال الحلال شئ
تسلم ايدك على هالمقالة
ايه بس دير بالك مرات اييك شي ملغوم ماتدري عنه
أقل شي نزل حماية ببلاش AVIRA
وشغلة ان الواحد يدير باله وماينزل اي شي ولا يقبل اي شي ممتازة بس وين ربعنا عنها مالك امل
الف مبروك …
بس ليش خذيت antivirus
مو internet security
?
يامعود شوي يعقدونك ويزيدون الحماية حبتين
هذا السكيورتي بكل شي يشك 🙂
خليك تشك بالماوس يمكن فيه فايروس 🙂
الكاسبر صار لي سنه استخدمه ..
بسراحه مأدي اللي عليه ..
أذكر اني اخذته ب 12 نسخه إنترنت سيكيوروتي ..
الكاسبر بالعكس قوي
بس عيبه الثقل فقط لاغير
ولا كحماية ماعليه كلام
أظن مع اول تروجان او فايروس بتقول وداعاً نود..النود خفيف لكن حمايته مو قوية من تجربة..
والله ماشاء الله مضبوط
وييين راحت ايام التروجان الكل يصيده الحين
أنا ودعت الكاسبرسكي منذ أن بدأت أستخدم ويندوز 7.
حولت للبرنامج الأبسط و الأخف Microsoft Security Essentials و طبعاً المجاني..
يمدحون هالبرنامج والله وقريت عنه
بس انا عندي وندوز اكس بي وبالتالي اذا طورته للـ 7 بستغني عن النود
السطر الأخير من تدوينتك، يجعل كل مستخدم للماك .. يبقق عينيه ويشغر فاه!
شلون ما تستغني عن الويندوز ؟
ان شالله بس يوصل اللي تبيه، وتعطيه حق عزوز يلعب فيه كانسة الألغام 😀