عدستي الجديدة من كانون Canon 24-70 f2.8 II

 

canon 24-70 f2.8 ii

 

لاتكاد تخلو حقيبة أي مصور من هذه العدسة الجبارة من شركة كانون التي تعتبر من فئة عدسات الوايد انقل لتصوير المناظر والطبيعة وتصلح ايضا لنصوير البورتريه بفتحة 2.8

هذه العدسة لابد منها لكل مصور لقوة اداءها وتعدد مهامها وهي تعتبر من عدسات الاصدار الفاخر ذات الشريط الأحمر التي تعتبر من افضل ثلاث عدسات لدى كانون

سعر العدسة في موقع أمازون 655 د.ك من غير تكاليف الشحن وقد تجدها في بعض المواقع بسعر ارخص وبفارق ٣٠ دينار تقريبا ، لكنني وجدتها لدى محل AABworld في الكويت بسعر مناسب جدا بعد الخصم 680 د.ك مع كفالة لمدة سنتين .

 

استمتعت جدا بأداء العدسة خلال رحلتي الأخيرة الى برلين وشتوتغارت وميونخ قبل شهر تقريبا وهذه بعض اللقطات من خلال العدسة الجديدة

 

IMG_7234 copy

IMG_8459 copy

IMG_8201 copy

IMG_8081 copy

IMG_7641 copy

 

العدسة فيها اصدارين يرمز للاصدار ورقمه بحرف الـ i  عدستي هي الاصدار الثاني والفرق بين الاصدارين في الوزن ووجود قفل للزوم بالعدسة وتغيير طفيف في حدة الصور لصالح الاصدار الثاني .

 

 

18 تعليقات

  1. ماشاء الله مبرووووك ودلع نفسك زين تسوي

    والصور روعه ماشاء الله

    الي اعرفه ان العدسة مافيها ماتع اهتزاز لاهي ولا الي قبلها واختيارك موفق جدا

    • الله يبارك فيك يابومحمد وشكرا للإطراء

      صحيح مافيها مانع اهتزاز لتخفيف الوزن ولانها اصلا تستخدم مع كاميرات 5 دي والي بمستواها وبالتالي ماتحتاج لمانع اهتزاز غالبا

  2. احمد عبدالله

    ماشاء الله تصوير جميل وعدسه رائعه

    بس غاليه والله بالسعر

    انا عندي سفره قريبه وابي عدسه للتصوير البورتريه وبعض المناظر الطبيعيه

    ابي تكون بعدسه وحده وسعرها جيد شنو تنصحني فيه من خبرتك

    كامرتي كانون ٥٥٠ دي

  3. الصور اللي مصورها اكثر من رائعه بس انت معدل عالالوان او مضبطهم ولا دايركت العدسة تعطيك هالكواليتي ؟

    • اي نعم

      كل المصورين لابد يعدلون على الصور وكل صوره عالميه او عاديه لازم يتم عليها التعديل ويبقى الفن في التقاطها ولحظة الالتقاط

  4. اتمنى تعذرني اخ ابو فلان برد على استفسارات الإخوان ،
    ابو فلان : ماشاء الله .. عرفت تختار هالعدسه ند شرس للـ 24-105 ويتفوق عليه بفتحه العدسه الأكبر
    وحده من افضل العدسات المتواجده حالياً حتى ونتايجها جداً ممتاز خاصه مع الإبديت الإخير لها صارت افضل من القديمه

    بومحمد : فعلاً العدسه مافيها ثابت اهتزاز لا الاصدار الجديد ولا القديم

    أحمد عبدالله : 24-105mm انصحك بهالعدسه سعرها حول ٣٦٠٠ ريال سعودي / إماراتي اما بالكويتي ماعندي فكره =)

    فاعل خير : الإغلب يعدل على صوره حتى اشهر وافضل المصورين في العالم لان مرات تخونك الصوره وانت تشوفها على الكاميرا وبعد ماتنزلها على اللابتوب تتفأجى ان ناقصه تعديل في الإضاءه او الحده او او او لذلك الاغلب يستخدم ويعدل ..

    بالتوفيق يا ابو فلان ومنها للإعلى عقبال مانشوفك شاري المارك =)

    • اشكرك اخوي زايد ماقصرت 🙂

      والله المارك هي المشروع القادم لكن اعتقد انها فوق احتياجاتي انا تصويري غالبا في السفر او في طلعات الربع بالبر ولا الشاليهات

      يعني انا مو من النوع الي اطلع واصور بالشروق ولا الغروب او افتر بالكاميرا عشان صوره 🙂

    • احمد عبدالله

      مشكور ياخوي على الرد على الاستفسار وراح اشووف هالعدسه واجربها

  5. وايد عجبتني ورحت بشتريها من AABworld الي بالشاميه بس قالي البايع سعرها ٧٠٠ وله رضا ينزلي فلس .. وقلت له انك شريها ب ٦٨٠ ، لكنه رفض ،، على العموم شريتها

  6. ابو فلان : انت استخدمت مع العدسه أي كمرا ؟؟ لان عدستي 550 d وابغى اتاكد اذا تعطيني نفس النتائج الي طلعت معك وهل يوجد زوووم بلعدسه ؟؟

  7. فيصل بوغازي

    السلام عليكم ،،،العدسات اللي ذكرتوها وايد ممتازة ،،،،بس اذا تبي حدة وعمق اكثر بالصورة ، استخدمها مع كاميرا فول فريم ،،وبعدين اعطيك معلومة اصلا مو كل المصورين يعدلون على الصور ،،،والمصورين الممحترفين مايعدلون على صورهم ،،ولا ليش محترفين ،،،التعديل اذا تبي تضيف اسلوب خاص على الصورة ، او للعرض في الفليكر ،،،،وتحياتي للجميع

  8. اخوي انا عندي كانون دي ١١٠٠ تنفع العدسه عليه او لا تخبر انا مصور نصب وكذا

  9. اخوي الله يسعدك انا ناويه اشتريها ان شاءالله وكاميرتي ٦٠٠ دي هل راح يكون اختياري صحيح لهالعدسه ام لا – بحكم انو مافيها مانع اهتزاز – وشكراً

    • العدسة جبارة وهي عند كل مصور اداءها رائع جدا

      بخصوص مانع الاهتزاز يحتاجه المصور فقط في التصوير بشتر بطيء بدون ستاند وهذا الشيء مافي مصور محترف يسويه

      عدم وجود مانع اهتزاز ليس سلبي في كل عدسه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.