مهم قبل طلب الآيفون 5 : أسعار الآيفون 5 في ستور أبل الأمريكي والبريطاني

 

 

مثل مايقول المثل الطيور طارت بارزاقها ، بعد فتح باب الحجز على الهاتف آيفون 5 وزاد الطلب على موقع أبل البريطاني أصبحت مدة الشحن تفوق الثلاث اسابيع وكما نعرف فأسعار الهاتف في الستور البريطاني أغلى من سعر الستور الأمريكي او الكندي بسبب ارتفاع سعر الضريبه الى 20%

 

بالنسبة للستور البريطاني فأسعار الجهاز كالتالي شامله الضريبه :

١٦ غيغا = 240 د،ك تقريبا بالريال السعودي = 3255 ريال

٣٢ غيغا = 275 د،ك تقريبا بالريال السعودي = 3690 ريال

٦٤ غيغا = 322 د.ك تقريبا بالريال السعودي = 4300 ريال

 

أما الستور الأمريكي فمشكلتنا معه أنه لا يسمح بالتوصيل الى صناديق البريد وبالتالي يقوم بالغاء الطلبات عادة

الستور الأمريكي حاليا يوفر الآيفون 5 المغلق مع شركات الاتصال الأمريكية ومع عقود سنوية

لكن بعد اسابيع سيتم توفير النسخ المفتوحة من الآيفون 5 بأسعار ارخص بكثير من النسخة البريطانية وبالتالي الأسعار ستنخفض

 

سعر الآيفون5 في الستور الأمريكي والذي سيتم عرضه بعد اسابيع :

١٦ غيغا = 185 د،ك تقريبا بالريال السعودي = 2440 ريال

٣٢ غيغا = 210 د.ك تقريبا بالريال السعودي = 2820 ريال

٦٤ غيغا = 240 د.ك تقريبا بالريال السعودي = 3190 ريال

 

* لكن كما قلت المشكلة انه لايمكننا الطلب من الستور الأمريكي سيستفيد من الاسعار السابقه من يدرس في امريكا او له قريب هناك

 

 

 

 

68 تعليق

  1. بو فلان يعني قصدك اذا نزل بامريكا مفتوح اسعار بريطانيا تنزل ؟

  2. مرحبا اخوي معلومتك غلط للاسف انا طالب من الستور الامريكي ابل تي في وكيبل وايفون ٤ اس ويشحن الي شركات الشحن لاكن مو ارامكس ولا فيزا كويتيه لازم امريكيه واذا حاب الطريقه انا حاضر ايميلي عندك

    • ياهلا اخوي فهد

      الاكسسوارات يوافقون عليها وانا شخصيا طلبت الدوك من موقع ابل الامريكي ووصلني بفيزا كويتيه وعنوان كويتي

      لكن الأجهزة يلغونها بسبب الفيزا وبسبب صندوق البريد

      ومثل ماتفضلت لازم فيزا امريكية وبريد غير ارامكس مثلا ، وهذا الشي مو الكل متوفر عنده الكل يبي يطلب بالفيزا الكويتية وصندوق ارامكس

      • اخوي صدقني انا طالب ايفون وابل تي في لاكن في طريقه تصير وسهله وثانيا الفيزا الامريكيه متوفره للكل يقدر يسجل فيها بس شرح الطريقه وخلاص وانا لو مو بياناتي موجوده بالموقع جان طرشتلك صوره دليل وانا حاضر اذا تبي الطريقه
        وشكرا

    • شخص من البشر

      عاد شهالحركات ! قول ! شنو بتبيعلنه الطريقه يعني بأستثان الاخ ابوفلان ؟

    • لو سمحت اخوي ممكن ترسل لي الطريقه؟

  3. شخص من البشر

    انزين اذا عندي حساب paypal اقدر اشتري من الامريكي ؟

  4. الطريقه مو حق واحد مبتدأ بالطلبيات لازم واحد عارف وانا لو الجهاز متوفر جان طلبت الحين مع تسجيل فيديو ودزيتلك انت بس طبعا
    والعين ما تعلى عالحاجب 🙂 انت البوس

  5. انا طلبت الايفون 4 اس من الستور الامريكي وببطاقة الخير لبيت التمويل الكويتي و الصندوق ارامكس والحمدالله وصل الجهاز والي اعرف ان في ناس طلبوا ووصلت اجهزتهم وفي ناس ما قبلت معاهم البطاقة.
    وبعد ما وصل جهازي راسلت ابل الامريكي عشان استرد الظريبة والحمدالله ردت فلوس الظريبة الى البطاقة.

  6. حبيبي بو فلان يعطيك العافيه على الطرح المفيد ،، خلنا نكون صريحين شوي ،، الكويتي مو فارقه معاه 30 ولا 40 دينار أنا توني طاقلي 2 من الستور البريطاني واحد و أبيض و الثاني أسود سود الله ويه تيم كوك فلسنا ،، العب على المضمون و ريح بالك و لا جشع و نصب التجار عندنا و أييك الموظف ملوت الشركات الإلكترونية عندنا و يقولك بض حظرتك التلفون ده ،، و آخر شيء يزلغك ب 300 دينار على 16 غيغا و تلقاه مظروب بعد. ،، نصيحة للعموم طقه من البريطاني و إسمع التهاني ،، قطيت شعر و أنا بمكاني شتبون بعد. ،، و على قولة صاحبنا ،، ستيف جوبز. صاحبي و رفيجي و رفيج رفيجي

    سلام عليكم

    • هههههه بوجمال ذبحتني صحيح لكن اذا طالب اربع اجهزة نفس حالتي تفرق يالحبيب حرام تروح منك ١٨٠ دينار ضرايب الواحد حتى لو عنده فلوس يحاول يشتري بالمعقول والارخص طبعا مو بخل لكن فقط للجشع

  7. هذا الرابط ممكن يكون مفيد للطلب من الستور الأمريكي
    http://i3rab.com/forum/viewtopic.php?t=17348

  8. يرجى الإنتباه يا جماعة قبل الطلب والتأكد من طلب الآيفون الصحيح واللي تشتغل فيه خدمة lte في بلدكم، لأنه الآيفون الامريكي غير عن الآيفون الأوروبي في دعم الشبكات الجيل الرابع، حيث على سبيل المثال شبكة الجيل الرابع عندنا في الإمارات تشتغل على الباند 3 بتردد 1800 ميجاهرتز فيجب طلب الأيفون 5 بنوع Model A1429 GSM الذي يتم بيعه في أوروبا وآسيا فقط، ولا ما راح يشتغل على شبكة الـ4G.

    http://www.apple.com/iphone/LTE/

  9. ليش كاتب الاسعار بالريال السعودي مو الدينار

    هل المدونة كويتية ام سعودية؟

    • مكتوبه الاسعار بالدينار الكويتي + الريال السعودي
      و لا تنسى دول الخليج اقرب لعملتهم الريال السعودي
      و الدينار الكويتي بالنسبه لهم غالي : )

    • مكتوبه بالدينار والريال للتسهيل على الزوار والقراء من عناء تحويل العمله

    • المدونة لكل العرب
      تحية لابو فلان من السعودية

  10. سؤال هل يمكننا طلب اي فون 5 من امريكا ,عن طريق شركه wordshop1 ?

    • مشكلة الامريكي احيانا يوافق واحيانا يلغي الطلبيات اما من الفيزا او من صندوق البريد

  11. انا حاليا بأمريكا ورحت الستور نفسه قالولي اذا طلبته لازم عقد لمدة سنتين!
    وراح يكون متوفر بالستور من يوم ٢١ لأي شخص يبي ياخذه مو من الانترنت
    وسألتهم متى اقدر آخذه بدون عقد يقولون انهم ما يدرون

  12. يعني اقدر اخلي صاحبي يشتريلي واحد من امريكا و يدزلياه ميل؟

  13. عبدالله القبيسي

    السلام عليكم

    بس حبيت انبهكم ان الايفون اللي من بريطانيا يفرق عن الايفون اللي من امريكا، بسبب تردد لل 4G. عندنا فالامارات الايفون اللي من امريكا ما بيشتغل لانه التردد اللي يستعمله 700 و تردد اتصالات 1800.

    http://www.apple.com/iphone/LTE

    هذا موقع ابل فيه كل Iphone مع التردد الخاص فيه

  14. شنو الفرق بين اذا شريته من بريطانيا او امريكا
    غير السعر و امور التوصيل و غيره اقصد الجهازين فيهم فرق
    ولا واحد منهم ما يدعم شبكه معينه مثلا و لا اثنينهم نفس الشي ؟؟

    الف شكر

  15. يعني اذا عندك فيز امريكي ينفع ؟ وهل اقدر اطلبه مع شركة ورلد شب ؟

  16. اانا بشتريه من لندن بشهر ١١ انشالله منها انطر واشوف سلبياته ومنها اوفر ال VAT ٨٨ باوند من المطار تردلي يعني يطلع علي ٤٤٠ باوند = ١٩٧ دينار

  17. بوفلان شوف اسعار كندا بس نبي شركة شحن من اهناك

  18. شدعوى ماتحط اسعار ديرتك لنا الله

  19. من امس قاعد احاول اطلبه مو راضي كنت حاط 300 الحين زود المبلغ 50 راح وافقوا على طلبي
    طلع 328

  20. انا بعرف الواحد يدش يقرا الموضوع وهو مغمض ولا شنو !!!

    الاسعار مكتوبه بالدينار والريال الحول الي قاعد يبجي ومسوي فيها ابو الوطنيه ويقول ليش ماحطيت السعر بالكويتي ياحبيبي انت لا تموت بس يامقطع الوطنية

    تسلم بوفلان ع الموضوع يمكن اذا حطيت الاسعار بالتومان بعض الناس بتستانس

  21. اخخخوي ابو فلان احب اعطيك معلومة بسيطة انا طالب ادرس في كندا تحديدا فانكوفر .. والايفون 5 مفتوح عندنا على كل دول العالم !

    موكد 100%

  22. السلام عليكم ورحمه الله

    سؤال بسيط
    لو طلبته من بريطانيا بيشتغل بالكويت ولا لا؟ لان في ناس يقولون اي وناس يقولون لا
    انا ابي اخذ رايكم واتكل علا الله

  23. ابي اضيف شي لسؤالي
    انا دشيت عالموقع وكاتبين شي عن gsm و lte و iphone 5 will not work with cmda-based carriers

    هالحجي عور راسي…. بيشتغل بالكويت ولا لاا
    وشكرا

    • الجهاز الي يشتغل عندنا هو GSM و 4G LTE مايشتغل عندنا الأمريكي لكني البريطاني يشتغل

      أما الـ CDM فهو خاص لبعض شركات الاتصال الامريكية فقط

  24. متى بينزل عندنا في الخليج ؟ نهاية 9 ولا 10 ؟

  25. الاخوة الكرام ارجوا الاجابة علئ سوالي
    ما الفرق بين الاستور الامريكي والاستور البريطاني
    من ناحية السعر والفرق و شكرا ؟

  26. السلام عليكم
    مشكور ابو فلان ع المعلومات الجميلة لاكن بوضح نقطة مهمة

    الجيل الرابع اللذي يشتغل في الوطن العربي تقريبا هو النوع البريطاني المفتوح نوع Model A1429
    (GSM model)
    هذا الافضل في كل شي ويشمل ثلاث ترددات واللتي من ضمنها الامارات والكويت والسعودية و… و….

    واهم شي توفير شريحة النانوسيم وهي نصف حجم المايكروسيم تقريبا

    وبعضهم يقولون لماذا التعقيد نقص الشريحة بحدود الذهبي ونرتاح لاكن اقول السمك يختلف من المايكرو الى النانو فانتبهو جيدا قبل الشراء
    سمك النانوسيم هو 0.67 ملم.

    والسلام عليكم ورحمة الله وبركاتة
    اخوكم/مشعل البراك من السعودية

    -ارجو من أبو فلان وضع هذا التعليق في اول الموضوع للتنبية فقط لاغير-

  27. زين يا شباب طلب مني الكارير (carrier)شسوي مقدر اسحب عليها لازم ؟؟؟؟!!! شسوووي

  28. ان الايفون ييعتبر من احدث الاجهزه في العالم لذا فهو احدث من الغلغسي s3

  29. اخوي انه طلبت الايفون الفعه الثانيه مفروض يوصلي من سبوعين لي ٣ يعني من ١١ لي ١٧ تقريبا ممكن يوصلي قبل هل وقت ؟؟

  30. أنا صراحه مافهمت شي من اللي تقولون بس اخوي بيمشي لبريطانيا بعد ١٠ ايام اقوله يجيب لي ولا لا أخاف آسريهما وأتوني ما يشتغل عندنا بالسعوديه .. !! وش اسوي ؟

  31. السلام عليكم
    اخوي انا طلبت الايفون 5 من الاستور البريطاني يقولون عنوان الفاتوره مو نفس الفيزا , مع اني طالبه الايفون 4 اس العام وما واجهة هذه المشكله !!
    اللحين برد اطلبه مره ثانية بس اخاف يلغونه مره ثانيه
    ابي اعرف عشان ما يلغون طلبي شنو احط مكان عنوان الفاتوره عنواني مال الفيزا بالكويت ولا عنوان ارامكس البريطاني؟

  32. ممكن ان اشتراي ايفوان ٥

  33. السلام عليكم انا راح اطلب من شخص بامريكا عارضهم بسعر منافس تقريبا ٢٤٠٠ وبلاك بيري بورش ب ٢٦٠٠ درهم وقال راح يرسله عن طريق ارامكس وغيرها انا نويت اطلب لكن كيف اضمن مصداقيته بحكم هو امريكي وعارض الموضوع في اكثر من منتدى سعودي وغير كذا تنصحوني بحكم اني ابي حهاز اكلم منه واصور فقط ولا كتصفح عندي الايباد مريحني الله يعكيكم العافيه

  34. اتمنا الرد من ابو فلان وش تنصحني ياخوي

  35. ي ليت من له واااااااحد
    يارب ارزقني يارب
    بتوووووفيق طررررررح مممميييييييز

  36. السلام عليكم
    اني عندي اقارب في اميركا ادا اوصيهم علي ايفون 5 ايكون مغلق يعني مفتوح علي الشبكه الامريكيه فقط اقدر اسويله جيلبريك ويشتغل عادي

  37. السلام عليكم يا اخون

    انا خالي في امريكا ويبي يجي بعد شهر وابي اطلب منه يجيبلي ايفون5 هل يشتغل عندنا في السعودية واذا مايشتغل في حل .

    وشكرا لكمم

  38. راشد العسيري

    كم سعر الايفون 5 لون ابيض في امريكا ؟

  39. يا ناس ياعالم بغيت ايفون صرت احلم فيبه بالمنام^_^

  40. ئديش سعربطلع يعني سعر الايفون بل ليره اردني

  41. ابي ايفون 5

  42. اي فون ٥s من مو قع ابل يشتغل في السعودية وهل تشتغل LTE
    موديل Part number: ME325LL/A

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *