مدونة أبوفلان تقنية ، أخبار ، تجارب شخصية ، مطاعم ، سياحة
بعد خمس سنوات من آخر رجيم استطعت فيه انزال وزني من 102 الى 77 خلال سنة ، عاد وزني مره أخرى بسبب ترك الرياضه وقلة الحركة والغذاء غير المنتظم
قررت أخيرا اعلان هدنه مع المطاعم وايقاف القيد قليلا لتجربة الإشتراك مع شركة لو فات خاصه وان الكثير ممن جرب الاشتراك في شركات التغذية هذه استطاع انقاص وزنه بشكل كبير خلال اشهر
قبل اسبوع بالضبط اخذت موعد مع أخصائية التغذية في LoFat للاشتراك معهم في نظام غذائي للحمية
الشركة لديها عدة اشتراكات :
بلاتيني وهو عبارة عن ثلاث وجبات يوميا = 199 د.ك لمدة شهر
ذهبي عبارة عن وجبتين فقط ( غداء + عشاء ) يوميا = 164 د.ك لمدة شهر
فضي عبارة عن وجبتين ( فطور + غداء ) يوميا = 129 د.ك لمدة شهر
اللؤلؤ وجبة واحدة ( غداء ) يوميا = 99 د،ك لمدة شهر
وقع اختياري على الاشتراك البلاتيني تقوم بتوقيع العقد ثم الدخول على اخصائية التغذية التي تقوم بقياس الوزن والطول وكتلة الدهن ونسبة السمنه
ويتم سؤالك اذا كنت تعاني من اي مرض مثل الكوليسترول او الضغط او السكر او غيره ليتم تحديد نوع الأكل وكميته
ثم تقوم باعطائك اوراق لتقوم انت بتحديد واختيار نوع الأكل في كل وجبة وتختار بنفسك الفطور والغداء والعشاء
حاليا مضى يومين من بداية وصول الوجبات اي من تاريخ 2012/4/8 وبعد اسبوعين ستكون لي مراجعة مع العيادة مره اخرى
يجب علي ممارسة الرياضة مع الأكل وبالفعل بدأت من يومين رياضة المشي لمدة 45 دقيقة وسأكتب اكثر من موضوع عن تجربتي
هذا وزني قبل الرجيم 100.9 وبعد اسبوع سأوافيكم بالنتيجة 🙂 قول ماشاء الله
ما شاء الله نفس وزني
ننطر النتيجة
تابع النتيجة الي تطلع معاي وقرر
ولو انه الآن عندهم اشتراك بسعر 159 لمدة عشر ايام
ما شاء الله
إلي يشوف مصيبة غيره، تهون عليه مصيبته
،
🙂
ههه السمنه مصيبه صحيح اوافقك
ماشاءالله و الله يوفقك بنزول وزنك بكل عافيه
بس استفسار..اشلون اكلهم لذيذ؟؟؟ و لا دايت كير افضل؟ لاني جربت دايت كير و كان حلو و بجرب لوفات.. بشنو تنصحني؟؟؟
والله ما اقدر اقارن بينهم لاني ما جربت دايت كير لكن لوفات وجباتهم فعلا لذيذة ما توقعتها بهالمستوى
توقعت اكل الرجيم بدون طعم بس تترس بطنك 🙂
حاليا عندهم عرض لمدة عشر ايام
ماشاء الله .. مش حتندم .. وان شاء الله نشوف نتايج طيبه اخر الشهر
بالتوفيق
الله يسلمك عزيري تجربتك شجعتني ولا تعرفني انت انا صديق المطاعم 🙂
ممتااااز جدا ماشاء الله وزتك مرتفع كان المفروض تبدي هالخطوة من زمان بس راح نفقد تقاريرك للمطاعم 🙁
بالتوفيق وبانتظار النتائج عسى ربي يوفقك
لاحقين ع التقارير 🙂
الحين خلاص لازم تصير حملة توعية بعد حملة تقارير المطاعم 🙂
الله يسلمك اشكرك ياطارق
اخوي بوفلان ماشاء الله عليك
وننتظر النتيجه ونقرر <<ولله نتحتاج ننقص الوزن
باذن الله كل اسبوع بنزل تحديث للموضوع
للتوضيح مكانهم بنيدالقار مؤ الشعب …..أنا مشترك صارلي ٣ايام و أكلهم لذيذ و حلو و الله يوفقك و يوفقنا
صحيح الله يعطيك العافيه ببنيد القار
نصيحه يا ابو فلان من انسان جرب الرجيم والنظام الغذائي مرات لاتحصى
الرياضه والنادي بصوره دائمه اهم السبيل الوحيد حق صحه ونشاط ورشاقه
اما الامور الاخرى مجرد مسكن للالم مو دواء جذري له
راح تمل وترد تاكل
الرياضه المناسبه حق عمرك وصحتك ايجابياتها على حياتك تفوق تصوراتك
والله انا اوافقك الرياضة اهم من تقليل الأكل
لكن تدري الوقت أحيانا مايساعدك تمارس الرياضة بشكل يومي او دوري
حاليا ابحث عن نادي للاشتراك باذن الله
تحدي تحدي 🙂 الكل يصور الميزان !! تكفون لا يصير هاشتاق ميزان 🙂 موفق خير بس أهم شي الرياضة 🙂
والله فكرت اسوي مسابقة 🙂
الي ينزل أكثر ويصور وزنه بس يبيلها تنظيم قبل لا ابلش يمكن ع الاسبوع الياي اضبطها
شركة نصابة تخدع الناس ومديرها رمزى العريض اكبر حرامى
نصب عليا فى فلوسى منهم للة وحسبى اللة ونعم الوكيل
للأسف هالشركات ما اقتنع فيها و خصوصا اني الحين عرفت ان حتى ما طلبوا منك فحص دم بسيط و اكتفوا بسؤالك جم سؤال و السلام, و هذا بروحه سبب يخليني احس انهم تجاريين.. والشيء الثاني و مابي اخوفك ان مره من كم سنه جربت منهم ساندويش دجاج بالصلصه البيضه و طعمها للأمانه رائع ..ولاكن حاشني تسمم منها! .. ما ودي اضيق خلقك بس صج اتمنالك التوفيق و نزول الوزن الزائد بصحه.
انا نفسك كنت اعتقد انهم يطلبون فحص دم او على الاقل فصيلة الدم
لكن اعتقد كل برنامج غذائي يعتمد على خطوات معينه مثل لوفات او غيره يركز على تقليل السعرات الحراريه والرياضة
اما غيره مثل رجيم دشتي مثلا يعتمد على نوع احر وبعضهم يعتمد على الأكل غير المناسب لفصيلة دمك حسب دراسات هو يتبعها
لليوم الثالث الحمد لله الأكل نظيف وطعمه ممتاز قد تكون حالة او حالتين لا يوجد من هو معصوم
شكرا يابوفيصل
موفق موفق بوفلان و ان شاء الله تزل و توصل للوزن اللي تبيه او القريب منه
بصحه و عافيه اهم شي شد حيلك و الله يوفقك و اذا مفكر عقب تشترك انصحك
تغير السركه عشان ما تزهق وتمل من نفس الاكل و انصحك تجرب دايت كير ههههههه
الله يسلمك وويوفق الجميع
متشجع هالمره بشوف النتيجة وكتابة الموضوع اعتبره نوع من انواع الزام النفس على الاستمرار حتى اعطي النتيجة للمتابعين
التنويع والتغيير حلو لكن الشي الي جربته اخاف اغيره ويطلع اقل مستوى منه
ـاكد انه ماراح يطلع دون المستوى 🙂
يا أبو فلان أعتقد وزنك أرتفع بسبب روحاتك ل مطاعم الجديدة عشان تسوي تقرير عنه ومنها تاكل منهم لووول
بانتظار تقريرك عن هالـ رجيم…
وزني من قبل المطاعم وهو مرتفع
الشعب كله يحب المطاعم والأكل 🙂 لكن انا والبعض يحبون نقل التجربة والاطباق للناس
وان شاء الله التقارير قادمه باذن الله
اتمنى لك كل التوفيق
وزين تسوي اهم شي صحة الانسان وبانتظار النتائج من الاشتراك
قبل المدونات تسمع كل شي من وكالة يقولون فلان ضعف ويقولون فلان مانفعه
الحين كل شي موثق بالصور قواك الله بوفلان
بالضبط نقل التجربة حاليا من المدونين مؤشر ايجابي خاصه وانه يؤثر أو يخفز المتابعين
اشكرك لكلامك الطيب يابومحمد ربنا يوفقك دنيا وآخره
موفق يابوفلان والله إن السمنة مقرفة الله يخارجنا منها
مشكلتها مع التقدم بالعمر تظهر الامراض كلها فجأة من ضغط وكوليسترول وسكر وقلب وغيره
<<< 147 🙁
شد حيلك يله 🙂
عمري ١٦ و وزني ١٤٢
الله يحفظك احمد
دير بالك على صحتك
انا بعمرك كان وزني
قبل لاسوي رجيم دشتي
91 بعد مده 86
والحين تقريبا صار لي شهرين وزني
قبل كم يوم حاسبه طالع 71.4 بل ظبط
والصراحه انت الله يعنيك بعمرك هذا وزنك جذي مشكله هذي
بوفلان في فرع لهم جدام كويت ماجيك بعد الدوار جنك رايح الفحيحيل
صحيح هذا للي يبي يشتري غدا او عشا منهم يمرهم أكله ممتاز وخفيف
لكن للاشتراك لازم الفرع الرئيسي
خربكم محمد المطيري على اللوفات .. بس جنه الغيره بدت .. شد الحيل ووصل لي ٧٠ كيلو
بالتوفيق يارب , وخطوة مباركة ومهمه جداً
أنا بعد أسوي رجيم ورياضة اول ما بديت كان وزني 118 وصلت الحين 107 ولازلت مستمر والحمد لله ابي اوصل 75 او اقل شي 80 واشوف
بديت بنفسي واكثر شي ساعدني ولازلت مستمر فيه قياس السعرات الحرارية باستخدام موقع http://myfitnesspal.com وتطبيقهم على الأجهزة الذكية http://myfitnesspal.com/mobile بصراحه فادني كثير لأنهم يقولون الخبراء من أحد الأمور التي تساعد كثير في انقاص الوزن هي معرفة السعرات الحرارية بالأكل اللي تاكله وكثير من المأكولات مكتوبه السعرات تبعها حتى مطعم ماكدونالدز تحصلهم كاتبين السعرات في موقعهم لذلك احياناً اشتري من عندهم اقل سعرات سندويشه فقط مع مويه واستمر بالرجيم صح
بما انك متعامل مع شركه فماراح تشيل هم السعرات او الأكل لكن احنا عندنا بالسعوديه ما فيه شركات قويه مثل هالشركه اللي باين اكلهم يفتح النفس ما شاء الله
وبانتظار نتيجة وزنك بعد أسبوع واستمر ولا توقف
الغريب انك ما ذكرت اي شي عن الماء غريبه الشركه ما نبهتك عنه لأنه مهم جداً لإنقاص الوزن الإكثار من شرب الماء اقل شيء 8 كاسات انا على وزني لازم 12 كاسات يومياً وامشي عليها والحمد لله يساعدني كثير لأنه يساعد على إخراج الدهون والسموم من الجسم وكذلك يساعد على تعزيز الإيض اللي يحرق الدهون والماء يحسسك بالشبع وبديل افضل من المشروبات الغازيه او حتى العصيرات لأنها كلها سعراتها عاليه بينما الماء ما فيه اي سعرات ولا يسمن
طولت اعتذر لكن لأن من فتره وحياتي تتمحور حول الرجيم والرياضه والأكل الصحي وتحمست لما شفتك تتكلم عن الموضوع
تحيتي العطره
الله يعطيك العافيه وجميل ان يكون هناك منافس 🙂
انا مستمر باذن الله
وفعلا تم تنبيهي على الماء وشربه بكثره ومثل ماقلت 8 كاسات يوميا وانا مداوم على هالشي وشرب الماء فعلا مريح جدا وتحس براحه كبيره
كل الشكر على الروابط والمعلومات
الله يعطيك العافيه ابو فلان وبانتظار نهاية التجربة
اخوي عبدالملك
ياليت تبلغني بالشركات المماثلة بالسعودية
لعله يمدي انقص شويات قبل الزواج، لانه بعد الزواج الواضح اني ابصير دبل الوزن الحالي :p
الزواج يا تنفخ يا تنفخ
وثاني شي ليش ما خليت الرقم 110 كيلو مسوي لينا سلعة 0.99 مدمن على ابل
بس عليك بالسباحة ، الصيف جا وشد حيلك خلهم ينزلونك بحر من الكوت إلى كويت مجك يستلمونك وامورك سهلات
ونشوووفك على خير يا ابوفلان غالي
كلامي مزحه اظهار الابتسامه على وجهك
حبيب
ههه بوعلي خلنا على 100 احسن تبي تزيدنا عشره كيلو ياساتر
فعلا السباحه ممتازة لكن المشكلة وين النادي الي يوفرلك مسبح زين
لان البحر مايصلح تتبهدل على ماتدخله وتطلع منه
موفق خير يا الحبيب
شكرا يالحبيب
يالبطة .. خفف وزنك
إنزين واللي العكس ، يبي يمتن ..
عندهم برنامج لنا ؟ :/
والله ما اعتقد عندهم
ابلاش هذا الاشتراك عشان دعايه ولا شنو ؟؟
الاشتراك بسعر 199 وانا هنا انقل تجربة للمتابعين
السلام عليكم اخوي حابه اعرف شنو اخر ♡★اخبا★رك★♡ مع الميزان ؟؟ بشرنا في نتيجه طيبه مع الوقت الي بلشت فيه يعني كم الوزن مع الوقت علا كم كيلو نزل
يعطيك العافيه