مدونة أبوفلان تقنية ، أخبار ، تجارب شخصية ، مطاعم ، سياحة
اتصلت بالأمس بمطعم كنتاكي بعد سماعي بخبر رفع سعر التوصيل الى 400 فلس !
وبالفعل أكد لي الموظف الخبر
زيادات الرواتب الى الآن لم يتم الإنتهاء منها بشكل نهائي يعني الوضع أصبح بمجرد أن يشتم التاجر رائحة زيادة رواتب الا ورفع أسعاره !
جشع مابعده جشع من أيام التوصيل كان مجاني والآن أصبح بسعر 400
,
يبيلهم حملة عليهم ، سولنا هاستاغ يا ابو فلان نستلمهم فيه
أخاف يطلعلنا ميسي يدافع عنهم سرو لزيز 🙂
انا حالف ما آكل من كنتاكي ياجماعه اطلب والطلب يقولون نجي بعد 45 دقيقه ويجوون بعد ساعه ونص وجاني الطلب الدجاج يابس وبارد وماينوكل والتوصيل اخذو علي 400 فلس وترى من زمان تم تطبيق هالشيئ
بارد لان التوصيل بعز البرد بسيكل و صندوق المونيوم شي طبيعي بيوصل بارد
لكن نفس حالتي من زمان ما اطلب منهم
ما اردى من المربوط إلا المفتلت !!
كل مطعم اخيس من الثاني ، منو ياكل فيهم اصلا
كل المطاعم التي على شاكلته، وكأن مكونات طعامهم إما فضلات الباقي من المأكولات أو أنها تصنع لتغذية البهائم ..
لا طعم .. لا جودة .. لا سعر .. لا خدمة ..
قاطعوهم .. ليس بسبب الجشع فحسب، بل أن وراء كل مأكولاتهم إلا المصيبة والأمراض ..
بالفعل مع أن جودة أكلهم سيئة جدا مازالوا يرفعون الأسعار
أعتقد أن الشعب يحتاج وعي ليقف ضد جشع شركات أمريكانا
حتى دجاج تكا
الظاهر كل شركات أمريكانا السياكل تصرف بانزين اكثر الظاهر
والله ماكو الا نوقف ضدهم ما نطلب منهم شنو وين قاعدين كل ما صار شي زادو اسعار مابقى الا يخلونه دينار التوصيل
الخرافي = جشع 🙂
3aib 3laik
خلك واقعي حبيبي الديره شركه الخرافي ماسكه كل مناقصاتها وروح شوف التنمية !
افضل جسور بالعالم ؟؟ حارة وحدة ونص !
افضل شوارع ؟؟ تمشي تكسر سياره اللي وراك
افضل مباني ؟ يخر ماي !
خدمة سريعه ؟ ينبني اليوم يخلص بعد ٥٠ سنه وبعد الافتتاح تعديل وتطوير !
فعلا جشع وطمع والكويت ماراح تتعدل الى بالتعاون مع شركات خارجية نفس جسر جابر !
أصلا ما أدري شلون الناس ياكلون منه؟
والا هارديز!!!
وع
نصيحه لاتاكلون وجبات سريعه مو زين احنا بيتنا
كلش ماياكلون وجبات سريعه وماصار لنا شي:)
يعني لازم نسوي حملة ضد الي يطلبون من كنتاكي وهارديز 🙂
بوفلان
انا الحين اكتبلك وأكل الهارديز جدامي 🙂
توني طالب منهم ونفس سعر توصيل !!
أخاف بس كنتاكي زايدين ؟
باتصال شخصي مني للمطعمين ابلغوني انهم رفعوا الأسعار
كل شركات أمريكا رافعين السعر حتى دجاج تكا
شوف الفاتورة 🙂
التوصيل معاهم ماكان مجاني أبدا كان 100 مادري 200 فلس … الزيادة مالها تبرير خاصة مع وجود (السياكل) اللي اصلا ماتصرف بانزين وايد وفوق هذا الاكل بارد ومعرق
قاطعوهم
الضبط
سياكل + أكل بارد + نفسية سيئة = ومع ذلك رفع اسعار
شحلآة المطعم الهندي لول ارخص وتوصيل ببلآش
وأكله احسن منهم لول
يعيش المطعم الهندي !
الله يديم الرخص بس اهم شي النظافة 🙂
اقطع تمنع
وعو منو يطلبهم منهم اصلا !!!
الله يديم النعمة اصلا مفروض يتسكرون مرة وحدة …
مشاءالله كلكم ماتطلبون منهم
عيل الزحمه كل يوووم من منووو
اطلب الطلب مايوصلون الا بعد ساعه وثلث
والمشكله من الجووع اكله
بييكم يوم سعر التوصيل اعلى من سعر الوجبه 🙂
الحمدلله عندنا البيت مقاطعين هالمطاعم من زماااااااااااااااان
و استغرب من اللي ليما الحين ياكل منهم 🙂
ماكو احسن من اكل البيت على الاقل كل شي جدامك نضيف
صحيح الواحد مرات يشتهي ينوع و ياكل من بره في كم معطم
اكلهم جوده و نظافه شغل مرتب و اذكر مره ذكرت اسماءهم
في احد البوستات ماراح اسوي دعايه ولكن هناك الكثير افضل
من المطاعم المذكوره اتمنى الكل يقاطعهم و نسأل الله العفو و العافيه
ابوفلان انا اجزم انك ماتهمك 400 بما انك تروح مطاعم وتدفع دينارين على البيبسي ولكن هالحملة كرهاً بسياسة الخرافي.
تكلمت عن كثير من المطاعم الي رفعت اسعارها مثل تشيليز او ستار بكس
اذا أخطأ الخرافي نقوله أخطأت واذا غير الخرافي أيضا
مو معناه اني ادفع دينارين على بيبسي في مطعم سعره واحد بأن غيره يستغل رفع الرواتب ليرفع من خدمة توصيل سياكل ؟!
أكره مطعم بالنسبة لي هو كنتاكي، والله يا جماعة جودة ما فيه وأكل أي كلام وما فيه طعم..
ما أدري ليش فيه بشر يحبونه وميتين عليه !!
من أسبوع طلبت وجبة من كنتاكي والله ما قدرت أكمل نصها، والميراندا أعوذ بالله كأني أشرب من بالوعة وإنتوا بكرامة..
حلفت يمين إني ما أطلب منهم وما آكل من أكلهم حتى لو كان آخر مطعم في العلم وكان أكلهم ببلاش..
أنا أعتبر أنه معدتي بالوعة وأقدر آكل شيء، حتى السوشي النيء ولحم تماسيح الأكلات الغريبة آكلها، ولكن مثل كنتاكي أبداً ما راح آكل !!!
ما فيه بعد ماكدونالدز (في فئة مطاعم الوجبات السريعة)، جودة ونظافة ما فيه أحسن منها، وموظفين بشوشين ويتعاملون معاك بكل إحترام..
(هذا في دبي، ما أعرف يمكن الوضع مختلف في باقي دول الخليج)
يااااا عزتيلك يا اسماعيل –هندي الفرع–
مشكل حبيبي ولا شباتي من الصبح نص دينار تعشي فريجكم كله وشغل عدل مدل بس عادي يجيك مغص شهر او سنه لووووووول
بو فلان والله لو نسولف مني الين باجر محد راح يقاطعه
الشعب السعودي صملة ماشاء الله عليهم اما حنا محد يرد على الثاني نفس ما صار ايام ثورة الاقتصاد والمشكلة العالمية كل الناس قاطعت وسوت الى الكويت زادو اسعارهم 😀
خله يولي من زينهم اوصخ مطعمين بكل المقايس
يازين ماكدونالدز وبرجر كنج يعتبر احسن من الاثنين
مدري مين اللي للحين ياكل منهم !! تكرم النعمه
اللي يقهر ويشب التسبد ان الحرم المكي والمدني كله هالاثنين خلوهم ابرز واقرب مطاعم الفاست فود للحرمين والزحمة اللا معقوله دايما حولهم !
الحين شريت قهوه قبل شهر كان سعرها دينار وميتين فلس واهي قهوة قولد هاوس امس شريتها وانصدمت دينار وثلاثميه وتسعين فلس
لهدرجه الشعب غبي في عيوني الحكومه !! هذا الشي الي لاحظته مع اني مو دقيق مو لاحظه ياليت الكل يجيك
سلام
انا من زمان قاطعهم اكلهم مايجيب الا المرض … مدري وش كان محببني في وجباتهم على انها تجي بارده حتى لو كنت بالمطعم وبطلب 5 دقايق وجيبون الاكل وطبعا بارد + يابس + ومدري كيف الله يديم النعمه اصلا مافي احسن من اكل البيت اما هالمطاعم ماوراها غير التسمم والمرض حتى لو ماظهر عليك الحين على المدى البعيد يظهر ..
( شكرا أبو فلان 🙂
هاشتاق للحبايب
#مقاطعة_امريكانا
صراحة انا اكلت من كنتاكي ومرضت شهر كامل كل يوم من مستشفي لمستشفي وارتفاع في الحرارة وهذا بسبب الجراثيم في اكلهم والله ياجماعة شفت الموت بعينه الحمد لله علي كل شي مافي زي اكل البيت من يد انت واثق فيها ونفس طيبه خاليه من الغش الله يحفظكم