ماذا يمكن للأنثى أن تهدي الرجل ؟

,

كثير من النساء يسأل هذه الأسئلة :

1- شنو أهدي زوجي ؟

2- أخوي بيتخرج شنو أهديه ؟

3- ابي هدية حلوة حق زوجي ؟

4- أبي أهدي أخوي هدية ومحتارة ؟

,

فأنا هنا سألخص الموضوع بإذن الله وأبسطه مع عدم الإستغناء عن مشاركاتكم :

أولا : قبل التفكير بالهدية أنظري لحال الرجل وحددي أي نوع من الرجال هو :

1– رجل يحب مشاهدة الأفلام ويهتم بطقوسها ويعيش الجو عدل ..

فهذا ماذا يمكن أن تهديه :

تلفزيون حديث اذا كان لايملك تلفزيون ذو تقنية حديثة مثلا ..

,

أو سستم ستيريو  ..

,

2– رجل يحب الكشخة والبدل والساعات وازقرتي على قولة الكويتيين ..

ممكن ان تهديه مثلا ..

ساعة حلوة

,

أو قلم كشخة

,

جوتي أو نعال عزكم الله

,

بوك ( محفظة )

,

ملابس شبابية ( بدل – ملابس رياضة – تيشيرتات ) أو تقدرين تعطينه كوبون هو يروح يختار ..

بس أهم شي ينحاش من الوردي 🙂

,

أو إذا كان رسمي وكله مغتر تشتريله ( شماغ – غترة – بزمات – خام دشداشة )

,

3– رجل يحب التقنيات ..

يمكن أن تهديه مثلا ..

لابتوب ماك 🙂 أو أي ماركة أخرى

,

تلفون آيفون أو بلاك ميري 🙂 <<< سميته ميري لأنه كله قرقر واجد

,

4- رجل يحب السفر ويغير جو ..

تحجزيله تذكرة لدولة يحب يزورها أو ليلة بفندق اذا كان متزوج او شاليه ليلتين ..

,

5- هدايا عامة لكل الرجال ..

بخور ودهن عود

,

نظارة شسمية

عطووورات ..

,

6- أو تريحين نفسج وتعطينه كاااااش 🙂

,

أتمنى من أي شخص عنده زيادة يزيد حتى يكون مرجع ويفتكون الحريم من الحيرة في اختيار الهدية 🙂

وأي هدية مناسبة يتم اقتراحها سيتم ارفاقها بالموضوع باذن الله

,

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

66 تعليقات

  1. أهم شي الكاش
    🙂

  2. أهم شي ينحاش من الوردي 🙂

  3. ممممم برضو الخيارات قليلة ، لما أهدي أحب تكون هديتي خونفشارية ، مشكلتي مع هدايا الرجال إنهم يحبو تكون الهدية مفيدة ! غير البنات ممكن أهديها حاجة لو بريالين لكني أتفنن في إخراجها ، صح ما بيكون مكانها إلا جوة الدولاب أو امكن فوق التسريحة لكنها تحتفظ بها طول عمرها 🙂

    وزيادة على ما ذكرت ياخوي ، الكتاب هدية جميلة جداً 🙂
    وفي الأخير يبقى الكاش أحسن شي ههههه

    موضوعك جداً رائع يعطيك العافية ..

    • صحيح الرجل لايهتم بالشكل كثيرا

      يعني بعض الحريم الى الآن محتفظة بهدية عبارة عن ميدالية جيبها زوجها بداية الدوام

      لو الرجل تهدينه ميدالية بيحطها بدرج السايرة وبعد فترة ينظف السيارة ويقطها من الدريشة 🙂

      الظاهر الكل اتفق على الكاش

  4. ماجد الشتوي

    اذا زوجته ، تهديه صمتها وتعطيه خصوصيته.

    • لا يارجل لايوجد إمرأة صامته ولو وجدت فهي إما فيها مرض أو غير طبيعية 🙂

      يا اخي هاذي الحياة اذا لم يتواجد فيها الرجل الصبور تفشل

    • سيدي الكريم نحن النساء ممكن أننا نتحدث كثيرا وممكن أننا نريد التدخل في خصوصيات الرجل لكن هذا من حرصنا على الرجل و إهتمامنا به فمن الممكن أنك تتعود على تدخل المرأة في كل ما يخصك ولكن عدم تدخلها يدل على بداية فتور العلاقة بينكما وعلى كل حال أنتم الرجال تفكرون في هذه الأمور ببساطة لكن المرأة تعطي كل تفكيرها لمثل هذه الأمور لانها تستغل أي فرصة لتعبر للزوج عن أقصى جبها له

      • كلامك صح ، الرجال شوي معقدين يعني اذا اهتتمت بهم ما يعجبهم وإذا ما اهتتمت بهم ما يعجبهم ، والله ما عرفلانكم الصراحة ، وشي المرأة تحب تهتم بكل شي يخص الرجال وايضا تتمنى انه الرجال يسوي نفس الشي ، هههه وشكرا

  5. اغلب النساء ذوقهم الرجالي خااااايس (يعني ما يعرفون يهدون هدايا رجاليه) ، الكاش افضل في هذه الحالات او كوبون من محل معين

    • لا بالعكس من واقع خبرة الحريم ذوقهم حلو

      ياما ياتني ساعات و عطورات حتى الفلوس طريقة تقديمها تشرح النفس مع انها هي بحد ذاتها تفتح النفس 🙂

  6. السلام عليكم و رحمة الله و بركاته

    واااو والله حلوين ! و مكلفين !

    الكوبون مادري احس فيها تقييد يعني الا تشتري من هالمكان فأفضل شي مدام دافعه عالكوبون اعطيه الفلوس كاش
    بس عاد جــــــم ؟

    و احلىىىى شي ردك على تونا !! احنا الاشياء تقعد عندنا سنييين ! و انتو تقطونها من الدريشه 😐

    بس ترا صج احنا نقط عالتغليف مرات سعر الهدية او نص سعرها !؟ التغليف و الفناتق صايره غاليه : \

    و انا اهديت مرتين هدايا
    مره طقم عود و بخور من الشايع حق امي
    و مره شريت كره سلة حق اخوي و ليلحين من سنتين ما لعب فيها 🙁

    وايد طولتها و هي قصيره

    ثاانكس على البلوج

    • وعليكم السلام ورحمة الله وبركاته

      الكوبون فعلا فيه تقييد بس انا خليته في المكان المناسب اذا كان ريال يحب البدل وهالسوالف فأي فلس بييله بيروح يشتريله بدلة
      وبعدين عشان التنويع والواحد اذا صار بايده كاش قد يروح يقطها على خرابيط ماتنفعه وبالتالي انت تقيده 🙂

      الحريم اذبحونا بالاستقبالات وكل يوم والثاني ابي صندوق ابي ورد ابي كرت ابي ابي ابي …. 🙁
      وآخر شي الهدية خاتم وحاطينها بصندوق كبر صندوق البرتقال 🙂

  7. بس على فكرة الكاش مو حلو بحق الي تبي تهديه
    ما ادري شلون ما احس انها هديه واحس انها ثقيله شوي

    الهديه لازم تكون من ذوقك وشي يذكرك فيه اذا اهوا شرا شي بالفلوس ماراح يذكرك الا بالمبلغ يوم يبي يرد الهديه

    • بالعكس مثلا هدية نجاح ولا تخرج , عمتك و لا خالتك تعطيك ولا اختك الكبيرة

      أشوفها عادية فلوس وجاتك تصرفها بشي تحبه وتستفيد منه

      ما اشوف فيها شي

  8. موضوع رائع وجميل وعبقري حبيب قلبي ، الحلو انه خفيف مو طويل ويوصل الفكرة ببساطة 🙂 احسنت 🙂 نشرته بين خواتي ؛)

  9. المقصود بالهديوة هو التعبير عن الحب
    يكفي كلمة الله يخليلي ياك
    اكبر هدية

    🙂
    سرني التواجد هنا

  10. تحفة هالموضوع 🙂
    وعلى قولتك من الآخر كاش وخلاص
    تحياتي

  11. موضوع جميل جداً واختيارات موفقه

    باعتقادي اذا احببت اهداء اي شخص هديه ممكن تاخذه معاك السوق تمشون وتشوف ايش اللي يجذبه في المحلات واللي يسأل عن سهره وعن مواصفاته او اهتمامه

  12. جنه الموضوع نغزه حق ام فلان؟!

    :q

  13. انا اقول افضل شي طريقة الكاش او تاخذه معاك يختار اللي يريده

  14. خواتم أحجار كريمة، مسابيح، كتب نادرة، تحف وآثار هم بعد تصلح أفكار حق الهدايا.

  15. الله عليك ..

    موضوع جمييييل وخفيف ..
    وچان حطيت iphone 4

    أعتقد مبطي ماجتني هدية : ))

    فديت عزوز 🙂 🙂

  16. اي هذي المواضيع الي تساعد , الحين داخل علينا العيد ,, مدري ايش اهدي ابوي ! المشكلة اهديته كل شي انت ذاكره في التدوينة ,, ولو عطيته كاش ما بيقبلها مني :p

    من جد الرجال لغز كبير !

  17. صراحة خيارات حلوه واجد
    واهم شيء في الهدية المعنى و المغزى انشاء الله لو بريال او بالف ريال

    • أشكرك أخي الكريم خالد

      فعلا قيمة الهدية تسقط اذا نظرت الى من أهداها إلا عند بعض الناس

      فيحب أن تكون فاخره وغالية لتكون مناسبة لشخصه الكريم ورحم الله إمرئ عرف قدر نفسه

  18. أنا شخصيا أحذر من هدية (الكاش) لأن بالأخير بتقولك: (اشتر لي فيهم هدية) لول
    شكرا على الموضوع الطريف، بدت تطلع خبرة العلاقات الزوجية :p

    • شخصيا الكاش يستخدم مع الي عرف حالته اذا كان مفلس عطه

      بس اذا عنده فلوس وتعرفه مايمسك الفلس نفس واحد ببالي لاتعطيه كاش لأنها ماراح تقعد بايده وبيصرفها على شي تافه

  19. walla fkrat ilkaaash hathe e3jbtnii walla 😛 ya3nii o ahwa ykoun thweq o ygoum yshtrelha shay men ikaashh ily 3a6ta 😛 wla shrayek :P!?

  20. حلووو الموضوع

  21. موضوووع وااايد حلووو استفدت منه
    بس ليش ماتفكرون فينا حنا الحرييييم

  22. السلام عليكم…
    يعطيك ألف عافية على الموضوع….
    وبالفعل هدايا الرجل تعذيب نفسي…
    حبيت اتقاسم معاك يا أبو فلان خبرتي مع الهدايا الرجالية …
    1_ ساعة
    2_بوك+ ميدالية من نفس الماركة
    3- طقم عطر
    4- مسباح
    5- كوبون مساج ودايم آخذ من men time اللي بالمهلب … يعتبر الأفضل حسب راي زوجي..
    و آخر هدية بعيد ميلاده كانت
    6- قطعة خام حق دشداشة وغترة من ماركة جفنشي
    والأخيرة وايد مفيدة على قولة زوجي وفرتي على روحة البلوكات..
    ان شاء الله اكوون افدتك والقراء ..

  23. لاخواني انا ما افكر اهديهم لانه ما عندهم غرفه انا وش اجيب هديه بيت مصرت هديه ياللله فكرو وش اهديهم<<<>>>>>

  24. في فن اسمه فن اختيار الهدايا

  25. السلام عليكم

    شكرا بصراحه بس انا اضيف

    انه مع ضغوطات الحياة << بدينا فلسفة

    الواحد محتاج تغيير بمعنى تغيير

    يعني تحديد مبلغ وقدرة

    حق رحله لمدينة الترفيه

    (((الملااااااااااهي))) والعبو واستانسوا واضحكوا من قلب

    او شاليه بسبح خاص وخوا راااااحتكم ع الاخر

    والله يسعد كل شريك يفكر يسعد شريكه ولو بالشيء البسيط

  26. ليش اعطيه هديه المفروض اهوه الي يعطيني مو انا حتى لو كان يعطيني على طول ماعطيه

  27. موضوع مرا حلو..

    طيب انا عيد ميلاد ولد خالتي الشهر الجاي ايش

    ممكن اهديه وللمعلوميه ذي اول مره اهديه

    ابغا شئ مميز هوا عمره 17 فأيش تحسون انه مناسب له..

    وشششوكرا

  28. او صورته رسم هذا شي واجد كول اند نايس او كوبه عليها شي اناسب المناسبه الي بتهديها فيه او فانله تتطبع عليها نفس كوب اكون شي تقديري وليس مادي

  29. سلاسل فيه صورت او جوال بلاك بيري او ايفون ايباد جزمه مع بنطلون وتي شيرت بيكون مناسبين حق جزمه

  30. ايه اكتر هديه مناسبه اهديها لمدرسى في عيد ميلاده؟؟؟؟؟؟؟؟؟؟؟
    ارجو الرد بسرررررررررررررررررررررررعه

  31. السلام عليكم ورحمة الله وبركاته
    اخواني اخواتي تكفون ابي منكم طلب ابي هديه كشخه ورووووعه اهديها لحبيبي يوم زواااجه اهديها وتكون غاليه لكن ماتبين عليها غلاتها بس تكون كشخه وابيه يلبسها بيوم زواجه واكون مشاركته بكل لحظه بحياته تكفون ياناس ابي منكم تدلوني وتعطوني ابي هديه خوووش كشخه وتهبل ابيه لمايشوفها هو نفسه يفول كلفتي ع نفسك مهمايكون المبلغ يكون اهم شيء تكون روووعه اهم شيء اعطيه هديه لزواجه

  32. السﻻم عليكم اخواني انا صراحه مني عارفه ويش اهدي لي زوجي بس غير الساعه وذا كله الي قلتووه انتو لنه كله سويته صراحه ابي شي ثاني يكون حلو وتقدير له ولي غﻻته وقدره

  33. انا لا افضل الكاش يا اخواتى مع احترامى برايكم ولكن انا من رايى يذهبون الى مكان وتشوف اية الحاجة اللى اعجب بيها وتشتريهالو وتعمليهالو مفاجاءة وهتكون احلى مفاجاءة لية

  34. مرحبااااااااااااا
    ابي هديه جك حبيبي
    بس هوه بعيد عني شو تنصحوني اعمله ردووووووووو عليه بليززز

  35. انا اقول حسب دوقه او بالاحلى لو تعطينه بوسة رح تكون اجمل هدية

  36. انا عن نفسي
    جبت علبه هديه صغيره
    وحطيت اول شي جوال بي كرتونه
    و حطيت فوقو شوكلاتات مثلا تويكس وجالكسي وكدا شكلت
    غطيت الجوال ومابان اعطيته وقلتلو دا اللي قدرت عليه
    وكانت مفاجأة حلوه حمدالله وعجبتو

  37. طيب اللي للام وش اعطيها

  38. بدي مساعده بليز لانو ئرب عيد الحب ومحتاره

  39. ارجوكم ساعدوني محتاره

  40. م أعتقد أنه فيه شي يعجب الرجال غير الكااااش
    م ينفع الورد ولا الساعات ولا أي شي ف نصيحتي علييييكم بالكاااش ….

  41. افضل هدية للرجل اذا كان عزوبي

    تسددون مخالفاته وتسفرونه

    من قلب الحدث 🙂

  42. ههههههههههههههههههههه التعليقات خورافيه وخصوصًا تسددون مخالفاته واللي تقول عطيه بوسه

  43. محتاااارة جدا ماعرفت اهدي شو لحبيبي فكرت بعطر بس كل عطر عنده فيه الف راييي ساعه واعطيته جوال وعنده بس احترت كلكم رجال بس قولو لي ايش ممكن شي اعطيه لرجل يفرحه ويعجبه ويكون شي مختلف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.