مدونة أبوفلان تقنية ، أخبار ، تجارب شخصية ، مطاعم ، سياحة
حصلت بالأمس على راوتر شركة مدى للانترنت لتجربته وكتابة هذه التجربة بعد أن سألني عنها الكثيرين
شركة مدى تعتمد في تزويد الإنترنت على تقنية الـ WiMax بحيث تزودك بالإنترنت عن طريق أبراج خاصة بها
لذلك فكل منطقة تختلف فيها قوة الخدمة عن المنطقة الأخرى على حسب بُعد البرج وتوفره وقوة تغطيته
و الشركة تخبرك بذلك قبل الإشتراك
سأقوم بتجربة الخدمة بأوقات مختلفة من حيث سرعة التحميل ، والرفع والتصفح وسأنقل لكم التجربة هنا بعد ايام باذن الله
كنت عندهم قبل يومين
ولحين تغطيتهم سيئه لاغلب مناطق الكويت
محافظة حولي الوحيده الي مغطينها بشكل شبه كامل
اتوقع يبيلهم فتره طويله عشان يعدلون ويسنعون خدمتهم خاصه بعد الكلام الي حطه اخونا المدون q8lol
على ماقالوا التجربة خير برهان
شركة في بدايتها وجولها هوامير من الشركات المفوض ماتنزل السوق الا شغلها كامل
كلام سليم واعتقد الفكره جميله جدا ونحتاج الواي ماكس بالكويت فعلا !
سمعنا فيها اذا تذكر من الوطنية اعتقد سنه ٢٠٠٤ !
هذا راوتار جديد !!! شكله أفضل من اللي عندي
http://www.frankom.com/?p=27903
فرانكوم اليوم كنت عندهم في فرع الأفنيوز وسألت اذا الراوتر الجديد يفرق عن اللي عندي أنا وانت, الموظف قال ما يفرق شي.. الله أعلم عن صدقه أو كذبه عاد ما بندرى..
هل سرعة الانترنت مشتركة
قواك الله انا استخدم مدى بس للاسف السرعة ٤ عندي وجاري ياخذ ٩ يبدو هناك واسطه بالموضوع
السؤال هل هذا الراوتر شحن ولا دايركت كهرباء ؟؟
شركه نصابه انا مشترك من قبل شهرين وقالولي ان منطقتك فيها تغطيه . بعد شهر ونص صار الانترنت بطيء وكله يقطع اتصلت على الدعم الفني قالولي منطقتك مافيها تغطيه. قلتلهم شلون وانا من شهر ونص مشترك وكان كل شي تمام . جان يتوهقون ويقولون لي عطني رقمك وراح نتصل عليك بعد ما انلكم المهندس. وطبعا ماردو علي. اتصلت عليهم بعدها مليون مره وكل مره يعطوني عذر اقبح من الي قبل.
لا و بالغلط مره سويت ريستارت للراوتر فنمسحت البيانات فرحت لهم مجمع اوتاد اطلبوا مني 10 دنانير عشان يردون البرمجه
!!!!!!!
شركه فاشله استغلت وجود الكاب بالشركات الثانيه
اولاً انا مشترك معاهم ، منطقتي مافيها تغطيه و الداونلود معطيني ٢ ميغا ونص ، ومرات ١ ميغا ونص ، ثانياً انت يكفي كاتب اسمك فيفا الله يعلم منو تكون 🙂
ثالثاً اللي بيشترك معاهم يجربه اول اسبوع واذا ماعجبه .. يرده لهم ! وانا ماعجبني لان الداونلود ماتعدا ٣ ميغا ، والسبب منطقتي مافيها تغطيه 🙂
عاد أمس بالدوانيه يسألون عنه
بس شكله خرطي الشباب إللي معلقين يشكون منه
Mada shareka chathaba o yan9ebooon 3la ennas! galolina Mishref aqal shay 2mp o max 6mp! elli en7a9la 1mp o aqal. Allah laywafeghom nshallah!
MADA chathabeeeen o Na9abeeeeen
عفواً لا تظلمين ، جربي تغيرين مكان الراوتر وان شاء الله خير !
ولد عمتي يشتكي منها !!
تو الناس عليها
دخول بوسط المعمعة والإصدياد في الماء العكر لا أكثر !!
ملاحظة لشركة مدا او اي شخص في العالم :
الإنطباع الأول هو دائما الإنطباع الأخير
والإنطباع الي اخذوه الناس عنها مو زين ابد … تعال رقع الحين
تحياتي
والله أنا ساكن في ميدان حولي وبصراحة بعد معاناتي مع شركات أخرى وجدت أن تغطيتهم رائعة وخدمتهم جدا سريعة..
مرتين أو ثلاث يصير عندي مشكلة أطرشلهم ايميل عن طريق الموقع خلال أقل من نص ساعه يتصلون على رقمي ويساعدوني..
وبعدين يتصلون بالليل عشان يتأكدون ان المشكلة انحلت واني راضي عن الخدمة.. الصراحة ما قصروا معاي بالمرة وهذا كلام أسأل عنه يوم الدين..
قبل شهر بالدوانية كنت قالولي تبي انترنت قلت اي..قالولي هذا رواتر كاهو اخذه وياك البيت جربه الصراحة استغربت قتلهم ليش انتو ماتشبكون عليه قالو ماكو سيرفرس بالمنطقة جرب بيتكم… قلت لايبه خلني على وصلة افيفا عيل ابرك لي الصراحة مادري ليش جذي شركات الانترنت الي احسن وحده فيهم طاقه اسعارها فوق انشالله بعد القرار وزراة المواصلات نشوف شركة تبرد الروح
يبدو أنني سأُجربه
بانتظار تجربتك بوفلان
انا الوايمكاس عندي موجود
و قوة الاشاره تعتمد على حسب المنطقه
و انا اشتراكي من فاست تيلكو
و اسرع من الاشتراك العادي الـ dsl
الحين اللي عندي شغال عليه
بلايستيشن 3 و لابتوب و ايفون و 3 ايباد
و السرعه ممتازه عندي
و اسم الراوتر 3com
و السرعه عندي 4mb
و الحمدالله شغال 100% و ما يقطع ولا شي
الراوتر شبيه تماما بالواي ماكس تبع موبايلي عندنا بالسعودية بس للأسف السرعه 2 ميقا فقط
انا الصراحه تجربتي فيه فوق الخيال عندي بجابر العلي يوصل10 mgومرتاح منه ومن غير لمت
المودم شبيه جدا بمودم موبايلي في السعودية عندنا ونفس الخدمة واي ماكس
http://images3.souq.com/uploaded/110411/f2a4098d178b349639e400151ee26955_20887051561302521939.jpg
بالرقه النت الصراحه مالهم قوي ويخليك تنسى باقي الشركات
السلام عليكم ورحمة الله وبركاته ..
بالبداية إللي يقول إن مدى يصير بطيء ، فـ كل الراوترات تصير بطيئه سواء من زين ولا من فيفا اللي امدحوها أكثر شي !!
أنا بالنسبه لي إن مدى أحسن شيء بعد تجربة طبعا ! لأن مدى مافيه لمت على الإنترنت ” تحمل أفلام جديدة وبرامج” بدون ما تحاتي إنخفاض السرعه ! أما بالنسبة للشركات الثانيه الانترنت محدود !!
والسرعة عندي بمبارك الكبير زينه ما أقول إنها أفضل شيء !! لكنها زينه الحمدلله !
واسفه عالإطاله لكن أقول لا تظلمون وتذمون بالشركه تعلق الخ الخ ، الإنترنت بكل مكان يصير عليه ضغط ! شيء طبيعي 🙂