الصيني مايعمّر ! iphone Dock

 

 

تكلمت عن هالدوك سابقا وانه صيني ماهو أصلي واشتغل معاي زي الفل الا اني كنت اذا ركبت فيه الآيفون يختفي فيه الصوت فا قلت قد تكون بسبب فتحة الـ AUX ويمكن يحتاج وصله

رحت وشريلته الوصله واول ماركبتها الوضع صار لا صوت ولا شحن !!

قلّبته يمين ويسار وركبته على اجهزة ثانيه خرطي عطاني عمره 🙂

 

المهم اني ماترددت بطلب Dock من موقع Apple الأمريكي وهاذي ثاني تجربة لي مع الستور الأمريكي لأبل ، الطلبية الأولى كانت ipad2 وتم الغاء الطلب وهاذي الطلبية الثانيه تم شحن القطعة وان شاء الله توصل سالمه غانمه لبى قليباتها 🙂

 

كلفني هذا الدوك الأصلي 35 دولار = 10 د.ك + التوصيل 4 د.ك = 14 دينار كويتي .

 

 

9 تعليقات

  1. مهبول يآبو فلآن !

    والله لوي مكانك بآطلب 5 صينيات آوفر لي 🙂

    لو خرب الآول ، رح للثاني ، ولو خرب رح للثالث ، وهكذآ ، الين توصل لقيمة الدوك الآصلي ، اشتر لك واحد من آلل ^_^

    • عاد والله سعره مو رخيص شاريه ب ٦٠ ريال وجودته عاليه بس ما ادري اشفيه طلع مهبول 🙂

      الأصلي وبس والباقي خس

  2. اي ليش شريته ههههه
    بس زين سويت اشتر اصلي وريح بالك
    تكسره بالعافيه

    • قلت بيضبط معاي للأسف بس اعتقد واير الـ AUX هو الي خربه ولا كان شغال زي الوررد

  3. والله الصيني يفك ازمة يابو فلان

    لولا الله ثم الصين كنا رحنا وطي من زماان هههههههههههه

    يالله موفق ابو فلان

    • اي والله صدقت لولا الصيني جان دافعين اضعاف مضاعفه على القطع الأصلية

      لكن بعض الأشياء تحتاج الأصلي فيها

  4. بالعكس شي يعمرر أفضل

  5. أنا كل ما أحاول اطلب يطلع بس اب أمريكا. تقدر تشرحلي شلون قدرت تطلب للكويت. يعطيك العافية.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *