مدونة أبوفلان تقنية ، أخبار ، تجارب شخصية ، مطاعم ، سياحة
شركة viva ستطرح غدا خدمة جديدة وهي انترنت بسرعة تصل الى 42Mb
قمت بالإتصال بالشركة وأخذ معلومات عن الأسعار :
* الإشتراك الشهري بدون الإلتزام بعقد سعره 26 د.ك , وقطعة الإتصال سعرها سيكون بـ 60 د.ك .
* عند الإشتراك لمدة سنة سيبقى السعر نفسه 26 د.ك شهريا ، وتحصل على القطعة مجانا .
تنبيه ؟
* جميع الشركات في الكويت بدأت باستخدام سياسة الإستخدام العادل وبالتالي سيكون التحميل محدد بسعة 2 غيغا فقط في اليوم .
اذا 7.2 بطيئه و تفصل فـ شلون هذي ؟
و فوق هذا شبكتهم مو هذاك الزود !
قبل لاتاخذ من اي شركة اتصالات متنقله , الانترنت جربه من اي صديق في منطقتكم وأكثر الأماكن الي تتواجد فيها
عندي اشتراك ٢١ ميغا وطلع كلام فاضي الابراج الي تدعمه محدوده في اماكن قليله جدا
هذا ٤٢ ميغا من غير دعم الابراج لهذي السرعه هني المشكله
المفروض قبل لا تاخذ تتأكد من قوة الإرسال وشخصيا غير مقتنع بالسرعات العاليه لسشركات الإتصالات المتنقله
نفس ماقلت في تويتر راح أقوله وأعيده
الموضوع يشبه واحد عنده فيراري ويسوقها بالجابرية
شنو تفيدني السرعة اذا كنت مرتبط بـ 2 غيغا ؟
انا اقولك شتفيد فيه اخوي فرانكوم
تفيد
بالتشيحط 🙂
لكن انا واحد من الناس استخدامي اليومي اقل من ٢غيغا
ياجماعة ٢٦دك بالشهر رخيص نسبيا
فيفا تعجبني بالمنافسة
معاك 26 ممتاز بس هل راح تستخدمه في كل شي ؟ يعني حتى في البيت .. أنا عندي راوتر من احدى الشركات صغير بو 4 ساعات (ماي فاي) .. تصدق اني ما أستخدمه لان مو كل مكان يضبط معاي وبالبيت السرعة مو ذاك الزود
على فكرة اشتركت بفاست تلكو
٢ميجا ٣اكس
٣٠٠دك بالسنة
يعني نفس السعر بس فرق السرعة
بالإضافة انه فاست تلكو ماعندها ليميت للإستخدام اليومي
صدقت اخوي فرانكوم
وانا اقترح على الشركات حاليا بعد تطبيق سياسة الاستخدام الظالم ان يلغون بعض السرعات العاليه على الطل ويفعلون سرعة ٥١٢ و ٢٥٦ علشان نرجع لي وره بدال مانروح لي جدام
اهم شي التجار مايزعلون
لابد لنا من وقفة قوية .. لازم نسوي كتاب رسمي نرفعه الى وزير المواصلات
بالضبط هذا هو
سرعة للتصفح واليوتيوب فقط !
والحين حتى الـ DSL ماناخذ راحتنا فيه حسبي الله عليهم من شركات
السرعه حاليا ليس لها اي فائده
والأهم ما في الموضوع هو الى متى سيتم التحفظ في القانون الجديد الذي يتيح لك باستخدام ٢ جيجا يوميا فقط
وانا ابصراحه تضررت لاني صاحب المدونة
صار الوضع غير محتمل للأسف من كل الشركات
حسب تحربتي مع فيفا السرعات كلها نفس الشئ يعني مجرد ارقام فقط حاليا اعمل على سرعة 21 وبصراحة ماتستاهل
ودمتم بخير
بس أرقام، فيفا وغيرها من الشركات.
لو يقولون سرعة التحميل مليون
راح تلقى النت بطيء
ديرو بالكم البلدية شاده حيلهم على ابراج التقويه لفيفا
والله ياجماعه انهم يبيلهم العين الحمره
بس لو نوقف ومانجدد معاهم الاشتراكات ونوقف وقفه وحده ضد هل مصخره اللي تصير لاوزاره تكلم ولا شي واللي يتكلم يسدون حلجه بهل رشاوي والفلوس
خلونه نقاطعهم والله مايعدي شهر الا يتراجعون عن القرار
وانا اول واحد
اقول الله يهدي شركة الفيفا وبس الكويت صغيره مو عارفين يسون تغطيه كامله وبسعوديه مسوين تغطيه كامله ليش لان هني في نصب وحتيال وبس
منو جرب زين سرعه21 هل افظل من 7.2
الله يستر لا يطبقون عندنا في السعودية سياسة الإستخدام العادل ..
حسبي الله عليكم يالشركات أولهم VIVA ..
سرعة 42 MB والاستخدام العادل 2 قيقا باليوم !!
شالفايده منها ؟
أذا سرعه 21.5 لحد الحين ماتوصل الي 14 MB ولا بس يظحكون على الناس .
اتمني من وزارة المواصلات تفعل قوانينها وتحط هيئة لها للانترنت بأسرع وقت على تصريحاتها الاخيره .
الدول الثانيه تطور بالسرعة والعروض وحنا نرجع لي ورا وزياده الاسعار لاحسيب ولارقيب وخدمات مش ولا بد !
لان سرعه 21.5 مقصود فيها ميغا بت وليست ميغا بايت … فالبايت = 8 بت
انا اشتريت من فيفا واخر شي طلعت المنطقة اللي انا فيها شبكتها ضعيفة . طبعا لما اشتكيت رحت المطار وطلعولي الخريطة وقالولي فعلا منطقتك الارسال فيها سيئ ، قلت لهم الحل قالولي نرجع فلوسك .. وطبعا ردت فلوسي بعد ٤ اشهر وبواسطه ههههه فأنصحكم قبل ما تشترون تعطونه المنطقة والقطعة والشارع .. لا تستهين حتى بالشارع على حسب قوله ان الشارع يفرق معاك.. وجزاك الله خير .
في السابق كان المتنفس الوحيد هو شركات الــ DSL … لكن الآن اصبحنا محاصرين من جميع الجهات … مع الأسف ننتظر تشريع ينصفنا من مجلس الامة … ففي المملكة العربية السعودية سرعه الــ 20 ميغابت سعرها 505 ريال أي ما يعادل 37 د.ك في الشهر و 4925 ريال في السنه أي 360 دينار في السنة وفي المقابل سرعه 512 في الكويت شهرياً 30 دينار غير رسوم التركيب و الخدمه محدوده في سياسة الاستخدام العادل . ومع الخصومات نجد أن السرعه التي تكافئ سرعه 20 ميغابت في السعر هي سرعه 4 ميغابت ب 375 دينار ..
وضع الانترنت بالكويت مو عاجبني 🙂
سرعه سيئه وشركه اسوأ اخوي اشترك فيها واخذتها من عنده تعطييك نفس سرعه ال 7.2 وال 21 اللي يبي يشترك انا انصحه بشركه زين اشتراك ال 21 ميغا عندي ومجربه الداونلود ماينزل عن ال 500 كيلوبات واحيانا يوصل معاي لي 1 ميغا ..وانت حريين بالاختيار ..انا حبيت اقولك تجربيتي ..
اذا متاحلي ٢ قيقا بس عيل شحقة اشترك
يعني مادري اهم شيقصدون يعطونا سرعة قويه على سعة صغيره ؟؟ والله الشرها مو عليهم علينا احنا الي راضين بكل شي
ترى فيفا بس حجي تعال وقت الصج تلاقي السرعة ما تجي ربع اللي يقولون عنه
انا كان عندي انترنت رحت قطيته بويهم ودفعت شرط جزائي وقلت للموظف
ادفع 150 دينار ولا يجيني ضغط من ورا شركتكم
لازم وقفه ضد شركات النترنت والاتصلات هذولي ما يخافون ربهم، والشرها علينا الي ساكتين بس انا وعد مني من ناحيتي راح اتحرك بالي الله يقدرني عليه
صراحه شئ يضحك :
سرعة 7.2 تعطيـك 2 الى 3 ميغـا
سرعة 21.6 تعطيـك 4 الى 5 ميغـا
وراح تكون سرعة 42 تعطيـك 6 الى 8 ميغا
ههههههههههههههههه
يلعبون على الناس وفوق هذا كله يقولك استخدام عادل .. صراحه لازم يرفعون سرعات الانترنت ويقللون الاسعار ويشيلون الاستخدام الباطل عشان الناس تطور ويصير الشغل كله بالانترنت والمعاملات بالانترنت وكل شئ يصير بالنت وتنحل الكثير من المشاكل
شباااب ال٤٢،٦ راح يكون استخدام عاادل بس مو ٢ غيغا باليوم راح تكون ٥ غيغا باليوم!
انا موظف بالشركة والشركة طاايح حظها!!
ودي اوضح اكثر لافائده من الكلام وتكلمنا وكلامنا ماينسمع يعني عمك اصمخ لو اتكلم من اهني لي العمر كله ماكو فايده مايرد الحديد الا الحديد هذول يلعبون لعبه كبيره اكبر من موضوع اثنين قيقا وغيره والمشكله انه مسموح لهم يعلبون لو يحرقون العميل عادي عندهم حبيبي لي درجة اني دقيت عليهم اقولهم هذا غلط ليش تزلون السرعه يقول ندري انه غلط شنو تبي تسوي يعني يعني ابوقك ابوقك بعلمك وله من وراك والي عندك سوه يعني شغل احتراف بالبوقه انا بس ودي اعرف وين حماية المستهلك ووين دورهم وله بس اسمهم ياجماعه والله ضعنا الله يستر من الجاي الله يكون بعون الجميع