مدونة أبوفلان تقنية ، أخبار ، تجارب شخصية ، مطاعم ، سياحة
مطعم ذا بوتشر : مطعم جنوب أفريقي متخصص بتقديم لحوم الستيك بالإضافة الى الأكل البحري
مكانهم : الأفنيوز جهة المطاعم الدور الأول
بداية الجلوس يقدمونلك الخبز وثلاث انواع من الزبدة وصلصة صويا مع زيت الزيتون مع قطع نقانق بالصلصه كلها لذيذه
المـقبــــــــــــــلات
شوربة مشروم لذيذة جدا مع الليمون والفلفل الأسود
طبق محار بالكريما , الصلصة لذيذة لكن المحار كانت فيه زفرة خفيفة جدا ، الطبق جيد بالنسبة لي
طبق ربيان بالكريما والجبن والبقدونس طعمه لذيذ جذا أنصح فيه وبشده مع الليمون طبعا 🙂
وهذا طبق فلان ولدي عبارة عن نقانق لحم مفروم مع بطاط كانت حلوه مع أن شكلها مايوحي لكن طعمها جميل
الأطبــــــاق الرئيــســـــــــــــــية
المطعم لديه تشكيله رائعة من الستيكات بجميع أنواعها مع منيو صغير يشرحلك كل قطعه وشكلها ونوعها
هذه الستيكات تستطيع اختيار الحجم الذي تريده والصلصه التي تكون مع طبخ الستيك اما صلصة المشروم او الفلفل الأسود أو الباربكيو
ولديهم قسم خاص تستطيع الشراء من ستيكاتهم للبيت او للشوي في الرحلات والطلعات
وقع اختياري على ستيك ريب آي كان جيد جدا فقطعة الريب آي غالبا مايكون نصفها طري ومليء بالدهن ولذيذ ، والنصف الآخر ناشف شوي ، ومعاه بطاطه حلوه هي حلوه فعلا 🙂
اختياري للطبخ كان well Done ومع الفلفل الأسود
طبق أم فلان كان عبارة عن قطعة ستيك فيليه عنيفة هالقطعة وطرية جدا ويفضل انك تطلبها Medium well في المره القادمة سأطلبها بدون شك
معاها صلصة المشروم والمشروم سوتيه
التقـــــــــييم
المكان 9 / 10
كبير جدا وواسع
الخدمة 7.5 / 10
مرتين يوصلون الطبق خطأ غير الكلينكس الي لازم تطلبه والقفاش بعد 🙂
جودة الأكل 9 / 10
السعر 7 / 10
كل شي لحاله حتى الصوص مع الستيك سعره اضافي والماي بدينار ونص 🙂
وهاذي الفاتورة
أخيرا وليس آخرا :
اشرايكم باللوقو الي ع الصور ؟ هذا افضل ولا القديم ؟
بصراحه اللوقو اليديد احله و اكشخ وبل عافيه 🙂
شكرا لك ولرأيك الجميل
عساه ما يحدر إلا بالعافيه 🙂
الوقو الجديد ماخذ حته
المقبلات لحالها تشبع ،، خصوصاً إن مزاجك صعب بالأكل أحياناً
ربي يعافيك 🙂
يعني عجبك اللوقو ! زين والله عجبك شي p;
بالعاااافيه يا أبوفلان 🙂
يعافيج ربي
السلام عليكم…
🙂 اول شي بالعافيه بوفلان..
ثاني شي المطعم رحتله من فتره والخدمه كانت اي شي ماوصل الطلب الا بعد ساعه الا ربع ( 45 دقيقه )
وعليكم السلام ورحمة الله
الله يعافيك وفعلا الخدمة كانت شوي بطيئة بس الأكل للأمانه ماطول معاي
انا افضل اللوقو القديم وتزيد عليه صورة الكوب “:]
عليكم بالعافيه المطعم شكله يشهي
بيصير كبير يابو هادي ! بدون كوب اظن احلى
والله يعافيك يالحبيب
في هذا المطعم شفت رئيس الوزراء ناصر المحمد
ونعم بالجميع 🙂
بالعااافيه عليييكم
بس انا اكثر شي شتهيته المشروم المشوي يم يمي ^_*
الله يعافيك يابوعلي
اسمه سوتيه مشروم شي طيب صراحه
يامال العافية. شهيتني :(.
بجربه لاشك بروحتي القادمة للإفنيو. شي اخير, الشعار الأقدم كان أفضل بكثير, وله رونق احلى.
اخوى ممكن استفسار ليش اطالع فوق شنو ؟؟تشوف شى احنا مانشوفه مثلا !!!!!
ربي يعافيك
جربه وماراح تندم
الـ logo القديم أحلى وايد … و بالعافية خوش ريفيو و خوش مطعم شكله
الله يعافيك
المطعم ممتاز جدا وشكرا على الرأي في اللوقو
(والماي بدينار ونص) اف اف اف
يعني تقريبا بـ 18 ريال سعودي
بالعافيه على قلبك ابو فلان لكن لو اني منك اخلي تقييم السعر 0.5% ويمكن كثير ههههههههههههههههه
ههه لا شي متوقع في المطاعم عادي جدا
والله يعافيك يالسَلَمْ
بالعافيه وتصوير ملكي
يعافيك ربي والله يخلي الآيفون 🙂
عوافي على قلبك
الله يعافيك يابوجاسم
allah 7da ybela m3na ams mt3shi hnak lol 🙂
b5t9ar mn a7la m6a3m elsteakat blkuwait 🙂
mako 3laihom uhwa w meat company w goucho grill 🙂
bs madre laish astans 3laih uhwa akthr mnhom 🙂
w b3d as3ara wayd ar7m mnhom 🙂
bl3afya w ahnek 3le5tyar 🙂
w 9j ena mrat y6wl 3la ma yo9l el6lb bs 7da yswa eln6ra 🙂
فعلا أسعاره أرحم من الي ذكرتهم وعندي ستيكهم افضل بكثير من ستيكات قاوتشو قريل
الله يعافيك
ونااااااسه بو فلان والله اول شدني اللوقو اليدي تحفه والله وحيل حلوو وطريقتك لما حطيته كانت رهيبة
والتصوير كان خورافي keep going
والمطعم ماشاء الله شكله روعه ويبيله تجربه ..
من كثر ما اسولف بوفلان حط عن المطعم الفلاني وبوفلان قال امي حفظت الموقع وكل ماقلت شي والا معلومه يدية قالت اكيد هذا بو فلان 🙂
تسلم ايدك يالغالي 🙂
ياهلا فيج أختي أميره وشكرا على الرأي باللوقو
الله يحفظلج الوالده ويطول عمرها على طاعته أتشرف بمتابعتج
لما يكون التصوير ممتاز، فالأكل حتى لو ما يسوى يبان إنه لذيذ 🙂 لكن من وصفك للمطعم شكلة ألذ بكثير ..
أما اللوقو، فأفضل القديم، لأني أول ما شفته قلت أكيد أبو فلان جاب الصور من موقع ثاني. غير كذا المدونة عربية وناطقة بالعربية والمحتوى بالعربي فاللوقو لو يرجع بالعربي أفضل، إعتزازاً باللغة والمحافظة على طابعك الخاص ..
هذا رأيي الخاص ..
بالفعل المطعم جدا لذيذ كما أراه شخصيا
يمكن ليش جديد اختلف الوضع معاك
لكن فعلا اذا صار كل شي عربي صعبه يدخل الإنجليزي عرض 🙂
مطعم جيد واحلا شي السلطة اليونانية شغل عدل لازم تجربها 🙂
مو من ربع السلطات وايد 🙂
جربت المطعم جدا ممتاز بس عيبه ان مكانه ازعاج وصاير على دوار لو كان على الواجهه المجمع وفى مكان هادى يكون افضل وبالعافيه بوفلان بس يبيلك منقا للتحليه
بالفعل كنت بكتب هالشي لكن بما انه له مكان ثاني غير مزعج ومغلق نوعا ما افضل من الي عند الممر قلت مايحتاج اذكر هالسلبيه
اي والله المنجا خلصت اللهم بارك
الصراحة من مطاعمي المفضله و امس ماكل فيييه ههههه والله ليتك مجرب الكبدة مالتهم شي عجييييب
جبدة الدياي ولا لحم ؟؟
la chabdat deyay ele 3ndhom w 5osh shy wallah ;p
المطعم حيل أي شي مقارنة بالسعر وبالأكلات
يعني لو تبي ستيك في مطاعم احلى منه, تبي باستا في احلى منه
أنا طلبت عنده ستيك مع بطاطه مهروسه والصراحه مو شي كلش وندمت اني كليت منه
ما انصح فيه كلش
يمكن كان اختيارك للستيك خطأ ؟
بالعافية عليك يابوفلان والله جبتها على الجرح وانا حدي جوعان
بالنسبة للوقو افضل القديم وهذا مجرد راي وانت اختار الي يريحك
اللوقو القديم أحلى بس لو تصغره أفضل.
عليكم بالعافية. دايما أمر عليه هالمطعم وأتردد وما أجربه بس صج صج شجعتني أعزم أمي وأختي عليه بعد الامتحانات ان شاءالله.
يعطيك العافية
أفضل مطعم يقدم ستيكات بالنسبة لي
صج اذا ودك تشبع وتتمتع بالاكل
مالك الاهم هالمطعم
السلطات شي ثاني عندهم
بالعافية بوفلان 🙂
بالعافية و يبيله تجربه 🙂
بالعافيهـ..
لا ها اللوقو احلى..^^
انصحك تسوي تقرير عن مطعم PF chang
عليهم ديناميت شرمب . مو طـبـــــــــــيعـــي
بالنسبة للمطعم ، هنا وعافيه على قلوبكم
اما اللوقو ، عندنا مثل يقول قديمك نديمك لو الجديد اغناك
يعني القديم وبس
وشكرا على موضوعك
بالعافيه….
المطعم شكله حلو للامانه يعني
بس ماجربته لانه انا ماحب اغامر مع نفسي الا اذا احد نصحني بمطعم
وارد واقووول بالعااافيه يعله احلى من طعمه
انا رحتله مره و كان الستيك مو مستوي و ستيك ريلي يااابسه و السيرفس مو قوي
لا يخسي لا اهوه و ابوه و لاجده و جد جده و طرايفه كلهم يقصووون علاي ، عيل ماي ب 1,500 يخسي و الله الشره مو عليه على الاثول اللي يشتري منه .
انا آسف جدا على الكلام
بالعافيه مطرح ما يسرس يمره يا بو انوااااااط
شعليه اخذ من جيسه و عايده مو تعبان بالفلوووووس
القديم أحلى بوايد تصدق أني مالاحظت اللوقو إلا لما كتبت
أخر الموضوع
بو فلان انا حاليا بمطعم بوتشر المدير لويس راضي شاف الموضوع واطلع على كل شي وعلق على كلمة القفاش وعلق على الخدمه انك معطيها 10/7.5 عموما يشكرك ويقول خدمة جميله من بو فلان اللي عملو واخذ عنوان سايتك علشان يطلع على باقي المطاعم عندك وانا اشكرك لانهم اهتمو فيني كثير وباجي التقرير لما اكل الستيك اللي نفس ستيك ام فلان واعطيك رأيي
اولا اشكرك انك وصلت لهم الموقع 🙂
وعوافي على قلبك الأكل وبشرنا عن رايك بالستيك
باك يا بو فلان شكرا لك لآنه المدير اهتم فيني كثير وعطاني كرت Loyalty Card الكرت هذا تأكل عندهم 5 وجبات 6 فري والمدير لويس راضي ماقصر سجلي اني زرت المطعم مرتين علشان يطلعلي 3 وجبات بعد زياره وأخذ ال6 بلاش 🙂 عموما يسلم عليك ويقولي قول لآبو فلان يزورنا وراح اعطيه كرت فيه اربع زيارات مره وحده يعني ناقصك بس وجبه وحده وتصير طبقت الكرت كله وتأخذ وجبه بلاش واكيد راح يعطيك انت كرت وام فلان كرت وعيالك كرت علشان تصيرون قروب بو فلان بلاش :))) تستاهل يابوفلان وعلى فكره الجرسون يقولي انت ثاني واحد يفتح الآيفون ويخلينا نشوف مطعمنا بموقع بو فلان 🙂 سويتلهم دعايه عموما انا مأنصح انك تأخذ الستيك فيليه ميديوم ويل لآني جربتها طلع فيها دم بس كانت لذيذه وتستاهل معدتي 🙂 عموما طلبت عندهم الفيليه ستيك والمشروم اللي انت طلبته وطلبت صوص المشروم وفعلا كان سعره بروح 400 فلس شي رمزي وطلبت شوربت البحريات كانت جيده اظن شوربه اللي طلبتها انت افضل المشروم بالفلفل الآسود واخذت دايت كولا طلع الحساب 15.700 سعر معقول لآنه الوجبه قيمه وماحسيت بدسم حسيتها كتير مهضومه 🙂 عموما هذا رقم المدير لو حبيت تكلمه يابو فلان 22597100
رقم ثاني
22597089
اسمه لويس راضي شخص محترم جدا واسلوبه راقي مع زباين ودود كتير كتير وشكرا للآلك يابوفلان 🙂
شكرا لك مره ثانيه على الاهتمام يا اخوي ناصر
بالنسبة للستيك المفروض مايكون فيها دم وهذا الشي الي خلاني امدح القطعه لان لوفيها دم ماكليتها ولان طريقة الميديام ويل مايكون فيها دم بس تكون فيها لون وودي خفيف من داخل
الكروت هاذي خاشينها عننا 🙂 دام جذي بروحلهم واقولهم عطوني انواط بدال كروت 🙂
ملاحظه لي نكين عندك ناصر العجمي على الايفون مخزن وN-a-s-s-e-R
على الكمبيوتر 🙂 علشان تعرف رد من اي صوب كمبيوتر او فون :)))
تستاهل كل خير بيعطونك نوط بو ١٠٠٠ ومن ناحية الدم المفروض مايكون ولونها وردي من داخل عموما طعم الستيك لذيذ وخفيفه على المعده