مدونة أبوفلان تقنية ، أخبار ، تجارب شخصية ، مطاعم ، سياحة
اليوم وصل الجهاز عن طريق شركة DHL وللأمانة فالجهاز لما طلبته كنت متردد فعلا في اقتناءه ليس لعيب فيه وإنما ليس لي حاجة فيه أبدا ولكن مع ذلك طلبت حبه واحده فقط وقلت قد أستخدمه وقد أبيعه واليوم بعته فعلا 🙂
أفضل Review للجهاز
بعض المتابعين كان ينتظر تجربتي للجهاز وللأسف خذلتهم هالمره لكن يوجد ريفيو أعتقد أنه شامل كل شيء وممتاز بل فوق الممتاز لكنه بالإنجليزي تجدونه هنا ( اضغط هنا )
وبانتظار تجربة الأخ هورنت صاحب موقع waw.cc للجهاز فهو دائما مايتحفنا بتقاريره المميزه
الجالاكسي اس ٢ جهاز قوي جداا واعجبني لكن حبيت اسألك من وين طلبته وكم طلع عليك مع الشحن
طلبته من هالموقع handtec.co.uk لكن اذا بتطلبه اختار التوصيل للكويت عن طريق DHL
كلفني ٤٥٦ باوند يعني تقريبا ٢١٠ دنانير
مبروك عليك أهم شي الحين العربي 🙂
ربي يبارك فيك
العربي يمكن آخر الشهر يكون رسمي والآن موجود التعريب بالمنتديات
مبروك الوصول ومبروك البيع
في التوفيق ان شاء اللة
ربي يبارك فيك يالحبيب
ليش بعته ؟؟؟؟؟
ما عجبك و لا تفضل تلفون اخر عليه ؟؟؟؟
لا والله بالعكس خوش جهاز لكن ماني محتاجه ابدا ابدا ولا الجهاز لايعلى عليه اسرع جهاز على وجه الأرض والى الآن الطلبات عليه وصلت ٣ ملايين طلب
هلا بوفلان…. اقدر اسال كم جمركك مع هالجهاز
لأني اليوم انصدمت من د اتش ال… دفعوني جمارك ٢٥ دينار على شحنة وزنها كيلو و نص، و قيمتها كلها ١٢٠ دولار
فعشان شذي ودي اعرف كم كانت جماركك على جهازك اذا ممكن
دفعت بالضبط 15 دينار لكن انا دافع للموقع بدون لايكون عندي صندوق عند دي اتش ال
لا ن الموقع يدعم التوصيل الدولي
انا نفس الشي دافعة الشحن من امريكا
بس اليوم د اتش ال حاسبوني على الجمارك…. ٢٥ دينار كاملة
اضطريت ادفعهم، و لكن اشتكيت عندهم و قلتلهم يردونلي فلوسي
انت مبلغك معقول… التلفون سعره ٢٢٠-٢٤٠ دينار و وزنه مع الشحن ممكن يكون شوي أقل من كيلو
بس انا اصلا ماطالبة الا خرابيط سخيفة، لا فيها تكنلوجيا و لا فيها قيمة
حسبي الله على د اتش ال….. ماحب هالحركات ابدا
إذا قصدج عن صندوق بريد أمريكي تابع لدي اتش ال ,, نصيحة لوجه الله وخري عنهم
اعتقد شركة ثانية اسمها بوردر لنكس هي اللي قايمة بأموري صناديق الدي اتش ال و يحسبون الشحنات على الوزن الحجمي ,, يعني تدفعين التوصيل أضعاف
دشيت صفحتهم على الفيس بوك و لقيتها متروسة شكاوي و كلها متعلقة بسعر الشحن
أتذكر واحد منهم طلب كبوس “طاقية بيسبول” حاسبين الوزن الحجمي كيلو و نص !!!!!
أما إذا موضوعج مختلف ,, هذي نصيحة للإخوان و الأخوات متابعي المدونة 🙂
سامحنا يا بو فلان عالإطالة و الخروج عن الموضوع
لا والله لاهو تابع لهم ولا شي… يوم ييت اشحن، خيروني بين د اتش ال و فيداكس… اخترت د اتدش ال….. الشحن كان ٥٨ دولار فقط
الي انا قاعدة اتحلطم عليه اهو مبلغ الجمارك…. ٢٥ دينار حق جنطة كاميرا على غطاء بطل و اشياء تافهة، قيمتهم ماتيي ٤٠ دينار على بعض
التلفونات والكمبيوترات ماعليها جمرك في خمس اصناف الجمارك ماتاخذ عليهم فلوس
أما الأشياء الثانيه فيها جمارك لكن مو بسعر كبير فقط 5% من السلعه الي تتجاوز 100$
والله قلت حق د اتش ال نفس الكلام
الجمرك اللي انا دفعته يعادل ٧٣٪ من قيمة اغراضي
واللي يزيد الحرة، انه د اتش ال مقتنعين انه المبلغ صحيح، و انه رسوم بيان البنك و شهادة التجارة و رسوم اخرى هي اللي تسببت بضخامة الجمرك
ماني مصدقتهم طبعا. انا نادر ما اطلب اونلاين، هذا يمكن اول طلب لي من ٢-٣ سنين… و لكن دايما اقري البلوقات الثانية، و لهذا عندي فكرة عن اجور الشحن و الجمارك
و للامانة، محد دفعوه اللي انا دفعته
٧٣٪ جمرك!!
سلام عليكم
شلونك بو فلان انت قلت بتسوي تقرير لو موقايل احسن لاني بانتظارك لاكن خذلتنا الله يسامحك اتمنى تلتزم بكلمتك بالمستقبل وتقبل كلامي بدون زعل.
وعليكم السلام ورحمة الله
يسلمك ويعافيك ربي العالمين
فعلا كنت متردد بين استخدام الجهاز وبيعه ففضلت بيعه لعدم حاجتي له ابدا
لكنني عوضتك بتقرير شامل كامل وهو افضل تقرير للجهز ما اعقتد إني راح أسوي نفسه تقدر تطلع عليه
وابحث لأخيك سبعين عذرا
مبروك علي جهاز
مبروووك
شفت شكلة وااايد حلوو
بس هم نبي منك Review عنة
شجعني اطلب وااحد
ابو فلان الحين كم كلفك حق الشحن والجهاز بالريال السعودي ؟
اقل من 3000؟