مدونة أبوفلان تقنية ، أخبار ، تجارب شخصية ، مطاعم ، سياحة
تكلمت قبل فترة عن طلبي لغطاء شفاف للآيفون ( اضغط هنا )
لكن حصلت مشكلة وهي أن البائع نفدت منه الكمية وأعاد لي المبلغ وقدم لي عرض بطلب أي غطاء آخر مجانا 🙂
وبالفعل قمت بطلب هذا الكفر الرمادي الذي كلفني فقط ٤ د.ك سعر التوصيل
الغطاء جميل لكن ملمسه خشن نوعا ما ويبقى الكفر الأصلي أفضل ملمسا وشكلا ولكن لمن يحب التغيير فشكل الغطاء جميل ولونه كذلك
أيضا الكفر ليس فيه حماية زجاج كالموجوده في الأصلي
شخصيا عاجبني الوضع بهذا الشكل حبا للتغيير وحتى يظن البعض أنه الآيفون 5 نزل 🙂
غطاء ممتاز ،، تتهنى فيه ويريح الغطاء الزجاجي
هذا مفروض وقته وقت البر تطلع وتروح وتحطه بأي مكان ما تخاف عليه من الخدوش والطيحات 🙂
عاد بسرعه يتخدش شكله لي الحين ماحاشه شي چايد
بصراحه حلو وحسافه ماياك الشفاف اعتقد بيطلع احله
اعتقد اني بطلبه 🙂
بالعافية
حلو والله
الله يعافيك ، عيونك الحلوه
.
– طالع رسمي الآيفووون ..
يبي لك سيقـار كوبي وتكمل اللوحة الفنية خخخخ
تتهنّى فيه يا رب
يكفينا الشر 🙂
بس لو يتم تغيير الغطاء الأمامي بيطلع شي خطير
عليك بالعافيه ،، بس شوف الموقع هذا شغل بروفشنال بالكفرات
http://www.colorwarepc.com/p-236-iphone-4.aspx
شكله اظن ستكر او شي جذي ماشفتهم عدل بالايفون
ابوفلان اذا ممكن تحط اللنك مال الشخص الي يبيع هل كفرات…
http://r.ebay.com/6fx492
ماشاءالله حلو عليك بألف عافيه
بالمبارك ايفون 5 المغشوش ( :
ربي يعافيج
شلون اطلبه
بالعافيه يابو فلان
الي طلبته الشفاف موجود بموقعي المتواضع الاصلي كرستال ٩ دنانير مع التوصيل التقليد بلاستك ٤ دنانير
http://Www.6alabaty.com
الله يوفقك ويفتح عليك
الغطاء مره حلو شكله ماشاءالله الله يهنيك فيه,, بس حبيت اسأل لو طلبته ممكن اي محل يركبه لي؟؟ وهل شكله من الامام غير ولا كيف؟
التركيب جدا سهل اسهل من تركيب اغطية نوكيا 🙂