مدونة أبوفلان تقنية ، أخبار ، تجارب شخصية ، مطاعم ، سياحة
وصلتني اليوم الرامات الخاصه بجهازي Mac Mini لأن الجهاز يأتي مع 2GB رام ، بينما الرامات التي قمت بطلبها هي 8GB
الرامات من نوع KingSton عبارة عن قطعتين كل قطعة 4GB DDR3 وسرعتهم 1066 لأن الماك ميني لايتحمل سرعة أكبر من هذه السرعه
كلفتني الرامات 36 د.ك بينما سعرهم في الكويت تقريبا أكثر من 65 دينار
تركيب الرامات لايحتاج الى جهد وهو عملية سهله جدا في الماك ميني حيث كل شيء مصلع وواضح 🙂
ومقاطع الفيديو لطريقة تبديل الرامات كثيره في اليوتيوب
الآن أتمتع بسرعة لا بأس بها في جهازي على خلاف ماكان قبل وماكنت أعانيه من بعض التعليق بسبب البطئ في تشغيل عدة برامج
الأجهزة عموما كل شيء فيها يساعد على تسريع الجهاز فلا يكفي زيادة الرامات فقط للتمتع بسرعة ممتازه بل يجب أن يكون البروسيسور ممتاز والهاردسك أيضاحتى تحصل على أجنحة لجهازك وتطير به 🙂
مبروك 🙂
يبيله والله 🙂
الله يبارك فيك
ايه والله شي ممتاز بس اذا الفيستا عندك مو اصلي ماراح يدعم اكثر من 4 غيغا رام 🙂
بالمبارك
والصور حلوة ماشاء الله ، شكلي باخذ كامرة 🙂
الله يبارك فيك
خذها ولك مني درس خصوصي 🙂
بو فلان انا عندي اي ماك ٢٧ .. i5 والرام عندي 4GB .. وودي ارفعه الى 16GB .. بس ما اعرف وشو النوع والماركة المناسبة .. بحكم خبرتك تدلني على نوع ممتاز من موقع امازون اكونلك شاكر وممنون ..
ادخل هالرابط http://eshop.macsales.com/MyOWC/
وحط موديل جهازك واختر المومري ويقولك اي نوع يركب
انصحك بهالموقع الي عطيتك شغلهم مضبوط وانت يركبلك 1333 ddr3
للاسف دخلت ويوم اخترت جهازي iMac 27inch , البروسسير حقي 2.66GHz Intel Core i5 ، واعلى شي قالي يدعم 16GB DDR3 1066MHz , يعني ما اقدر اركب 1333 🙁 ، تتوقع يسوى ارفعه الحين للـ16 ؟ ولا لو اطلب الـ1333 واركبه عادي ؟ عشان لو شريت اي ماك جديد بالمستقبل اركبه عليهم ؟ ،، ولا هل اقدر ارفع البروسسير نفسه ؟ .. شاكر لك تفاعلك بو فلان ما ننحرم يا الغالي
يابوفلان السلام عليكم
انا من الاشياء اللي تعجبني بالماك هو الماك ميني
وجاوبني بصراحه:
هل الماك ميني يستحمل التطبيقات الكبيره مثل برامج الـ3D والفوتوشوب والافتر افكت وبرامج المونتاج مثل سوني فيغاس الذي استعمله؟
ام هو مصمم للويب وتصفح النت؟
من وين شريته وكم لأن انتا ماشاء الله ذيب تشتري من ارخص الاماكن بعد ما تسوي مسح شامل للسوق المحلي والغربي
ياهلا بوحمد
الماك ميني للشغل الخفيف نعم يستحمل يعني انا استخدم عليه الفوتوشوب عادي بس فيه بطئ بسيط ويكون شغال لحاله بدون برنامج ثاني ثقيل
لكن بعد ترقيته لل ٨ غيغا رام اشوفه يستحمل
انا شريته من مزاد الكويت مع شاشه وكيبورد وماجيك ماوس وايرلس
لكن افضل سعر تحصله ب ebay تشوف وايد ناس تبيعه وبسعر مناسب تقريبا ٦٥٠ دولار او ٦٠٠
اها
يعني لشغل التدوين والنت والفوتوشوب يصلح الماك ميني
مشكور على هالمعلومه
شفته بألكتروزان مطفي قلت للعامل شغله قال لأ اسف شوفه جذي!!
حسيت ان بلأمر سـر!
على البركة يا ابو فلان ، وعقبالي ان شاء الله ( بدينا مع الآيباد والأيبود تتش ووصلت الى الايفون حتى الان وعائلة ابل قريبا ستكتمل عندي بإذن الله ) والقادم مذهل أكثر ، تسلم الأيادي وبالتوفيق حبيب ألبي
يا هلا ومرحبا أخوي هاني
ع البركه وانت دخلت بحر لا ساحل له والله يعينك ع المصاريف وانصحك تمسك نفسك حبتين 🙂
والى الأمام
مشاء الله على البركه يابو فلان ترقيه الرامات الى رتبه اعلى 🙂
تكسرهم بالعافيه شغلك مرتب مشاء الله
انا الحمدالله كلمة العائلة الكريمة الـ ابل 🙂
بس ناقصني ماك برو 🙁
مبروك
والله يبيله ماك بوك برو يخوك 🙂
قص أضافيرك
الله يعطيك العافيه بو فلان , أنا عندي الماك ميني الإصدار إلي قبل هذا , 4 قيقا الرام مع 320 قيقا بايت الهارد دسك
الجهاز رائع و ما حسيت بتعليق , بس يمكن لأني ما أستدخم برامج عاليه و أنا مخليه كميديا سنتر تقريباً مع تصفح
حبيت نصيحتك بخصوص الفوتوشوب على الماك , ما ني عارف شنو أنزل بالضبط لأن فيه أكثر من برنامج على موقعهم و لو تكتب أهم الرامج إلي تستخدمها بالماك أكون شاكر لك
ان شاء الله
لكن انا استخدم الفوتشوب CS5 عندي هاذي افضل نسخه وهي الأحدث