مدونة أبوفلان تقنية ، أخبار ، تجارب شخصية ، مطاعم ، سياحة
.
يعني لو مطعم يمكن نمشيها بس مستشفى شوي قوية !
.
.
صعق مواطن لوجود مسمار في وجبة غذاء قدمت الى ابنته في مستشفى العدان وازدادت مفاجأته في رد العلاقات العامة : « الشكوى لن تنفع ».
المواطن صلاح الغريب حضر الى «الراي» حاملاً صور وجبة الغذاء «المسمارية»، وقال ان ابنتي البالغة من العمر (19 عاما) التي كانت ادخلت الى مستشفى العدان قبل ايام عدة بعد تعرضها لحادث دراجة نارية كانت تلهو بها في البر، اكتشفت ان ما تمضغه من وجبة الغذاء والتي قدمت لها في المستشفى قطعة معدن وبعدما اخرجتها من فمها تبين لها انها مسمار .
.
شي مو معقول يا جماعه ليش مافي اشراف على الوجبات ليش يصير في تقصير حتى في المستشفيات
لا حول ولارقوة الا بالله
الله يخلي العماله الاسيويه هي الي مرتبه كل شي 🙁
حسبي الله عليكم يا مستشفى الاعدام
ويعطيك العافيه بو فلان
عاد حاليا تم تطويره للأمانه لكن يظل الطاقم اهم من الكشخه
ههههههه قويه عاد ،، مسماااار
اظاهر اذا ما لقو خلاطه … يستخدمون درل
والله شكلهم يخلطون يدويا بدرنفيس
حسبي الله عليهم
ما جذب من سماهم مستشفي الاعدام .
هذا صار مستشفى البراغي
لا تلومون الطباخين الاجانب،احنا السبب ،ليش نسمي القرنفل مسمار؟!!
اي الظاهر جذي فاهمينها 🙂
مشكلة استجوب وزير الصحة شلون يكون مسمار موجود بالوجة ولا مو اي موجبة الغداء بعد !! ولله حاله
ماتوصل لي استجواب بس لازم يتحساب الي مضبط الوجبه ويتم ارساله لدولته مع المسمار
الحديد مهم للمرضى يبو فلان ..
بس شكلهم فاهمين الدعوى غلط .. 😀
يعني البرغي صار مصدر طاقه والله يمكن قصده شريف الي مسوي الوجبه وحنا فهمنها غلط 🙂
بالعكس الوجبه غنيه بالحديد “:]
اشرايك اعزمك 🙂
اتوقع المسمار بديل لعود الأسنان بعد الوجبة . وبما أن عود الأسنان من الخشب فهو مؤذي حيث من الممكن أن تتكسر بعضاً من أجزاءِه وتعلق بين الأسنان،لهذا كان لزاماً وضع عود أسنان بديل (مسمار) تكون مادته صلبة (حديد) لكي يسهّل على المريض تنظيف أسنانه بعد الوجبة الهنيّة من دون أن تعلق بين الأسنان أجزاء من عود الأسنان.
اقول الله يعينهم على هالمستشفى اللي الآسيوين منسدحين بالملاحظة وانت الكويتي ناطر دورك علما يريح الحبيب ويقوم يطلع من المستشفى وهو شبعان نوم .
تفسير منطقي جدا 🙂
الله المستعان هذا وهو مستشفى
هزلت
لو مستوصف احتمال تلقين ابره بدواها 🙂
ولا مقص كامل 🙂
اذا كان صحيح الله يعينها
واذا كان افتراء الله يسامحها
الظاهر البنت فيها نقص حديد والجماعه حبوا يختصرون الموضوع وحطوا لها مسمار ( :
اهم شي الحمدالله على سلامتها والحمدالله ربي الرحمن لطف فيها
يبا انتوا شعرفكم !!
المستشفى قاعدة تسوي ( تصليح ) للحالة المرضية
ولازم يركبون للمريضة ( طقم إصلاح ) والبرغي هذا علشان ( يشدون ) الحالة لا أكثر
رجاء لا تكبرون الموضوع !! العدان ادرى بمرضاها
لا حول ولا قوة إلا بالله
إنعدم الضمير بهالمستشفى
وإنعدمت الثقة عندنا فيهم