مدونة أبوفلان تقنية ، أخبار ، تجارب شخصية ، مطاعم ، سياحة
.
قبل اسبوع قمت بطلب جهاز Garmin Nuvi 265w
ولا زلت منذ 7 أيام أنتظر أن يفك أسره من جمارك الكويت 🙁
الجهاز كلفني 50 د.ك بدون التوصيل أعتقد الشحن سيكلف 5 دنانير فقط
سعره في الكويت للموديل المقارب له 95 د.ك !!
والخرائط موجودة على الانترنت ببلاش
.
هناك طبعا انواع أخرى أفضل وكل واحد وله سعره
هاذي مواصفات الجهاز :
- Bright 4.3-inch diagonal color touchscreen; 480 x 272 pixels, WQVGA TFT display with white backlight
- Sleek, ultra-thin design fits easily in pocket
- Preloaded with City Navigator North America NT
- Supports Bluetooth wireless technology for hands-free calling when paired with Bluetooth-enabled cell phones
- Brand Name: Garmin
- Model: 010-00575-10
- Connectivity Technology: USB
- Display Size: 4.300 inches
- Native Resolution: 480 x 272
- Battery Average Life: 4 Hours
- Bluetooth support: Y
- Map Type: North America
.
الله يعينك على جمارك الكويت يطلعون لك قرون
وعند اخوي نفس هالجهاز حلو صراحه ويستاهل
وعليك بالعافيه ….
مرات مايطول آخر آيفون وصلني قعد يومين بس هذا شكله بيقعد شهر 🙁
مبروك الجهاز مقدما وان شاء الله يوصلك قريب ونبي فديو عنه وانت مركبه بالسياره
اخوي بدر يعجبك بهذه المواضيع
يعطيك الف عافيه
الله يعافيك
الجهاز الصراحه مليان ريفيو بالنت 🙂 بعدين خوفك وانا اصور أدعم << كل هذا عشان ما ابي اسوي ريفيو 🙂
السؤال هو: هل استخدام تلك الخرائط المقرصنة جائز شرعا؟
أنا أرى أن أي شيء أشتريه بمالي الخاص من اي شركة يصبح من حقي التصرف فيه سواء إعطاءه لأخوي أو أرفعه على النت
لأنه خرج من ملكهم الى ملكي الشخصي
laish t7taj gps belkuwiat?
ما أحتاج جي بي أس بالكويت
بس احتاجه بره الكويت
ومرات اذا بروح بيت واحد معين مجربد اني احط القطعة والشارع والبيت يقطني عليه على طول أريح من الفراره
ها وصل ولا بعد xP
لا والله لي الحين 🙂
ياشباب والله العظيم السالفه من من الجمارك ..!
سمعوا قصتي ..!
المعروف انه شركة أرامكس من خبره سابقه مني ومن الربع
أنـه مايوصلون إلا يوم الأحد لو تلاحظ يوصلون يوم الأحد كل الطرود واذا ماقدروا وخلص الدوام يوصلون يوم الأثنين فقط ..
طلبت طلبية من اسبوعين وقلت اجرب اشوف البلى من منو ..
المهم قعدت اسبوع بالجمارك نفسك يا أبو فلان ..
فـ لقيت واحد بالنت خبير جمركي ..
وهذا رابط موضوعه
كلمته وقالي مستحيل هالكلام تقعد بالجمارك أقل من ربع ساعه
ماصدقته وعطاني رقم قسم التصفبه ودقيت عليهم وعطيتهم رقم التراكر نمبر .. قالي هذي صارلها 3 ايام واصله بس ليلحين ماجا المخلص الجمركي .. ومامرت علينا ..
قلت له خلاص خلصوها علشان ياخذها المخلص الجمركي ويوصلها
قالو لا مانبدأ الاجرائات إلا لما يوصل المخلص الجمركي ..
قلت وليييه شكلي بنطر أسبوع لإنه انتوا يالجمارك التأخير منكم .. قالي لا لا
قالي توصل الطلبات عندنا وبعدها بـ أسبووع يوصلون المخلصين الجمركيين .. ويخلصون كل شغلهم بـ ساعتين ويمشون .. قلت يعني التأخير من المخلصين الجمركيين قالي أي يا أخوي ..!
قلت حسبي الله عليهم ويقولون منكم التأخير ..!
بتبع ..!
سوري هذا رابط المخلص الجمركي ..
http://travel.maktoob.com/vb/travel146655-79/
وطلبت قبل اسبوع عن طريق الشحن الدولي ..
هروباً من تأخير أرامكس واسعارها الغاليه ..
وياليتني ماجربت ..
طلع علي الشحن بس 30 دينار عن طريق شركة سكاي نت سود الله وجههها ..
ورحت استلمتهم بنفسي خلال 15 دقيقه انا خالص
والله سالفتك سالفه الله يعينك صراحة
وكل الشكر على نقل تجربتك
حسبي الله عليهم هالمخلصين مكبرين المخده والناس تنتظر شغلها أحر ماعندك أبرد ماعنده
لو حلاله ماقعد دقيقة
مبروك الجهاز مقدما ً أخوي أبو فلان 🙂 بس من بعد إذنك سؤالين جنك ما تدري 🙂 هل الجهاز يدعم اللغة العربية ؟ ويا ليت لو تحط الرابط اللي طلبت منه .. سواء أمازون أو إباي . وشكرا
الله يبارك فيك
ايه نعم يدعم العربية نطقا وكتابة
وهذا الرابط تفضل
http://www.amazon.com/Garmin-4-3-Inch-Widescreen-Bluetooth-Navigator/dp/B001ELJ9QK/ref=sr_1_1?ie=UTF8&qid=1287779274&sr=8-1
أشكرك عزيزي وناوي أطلبه إن شاء الله 🙂
ولد عمي بو فلان شلون انحصل الخرايط ومن اي موقع؟