مدونة أبوفلان تقنية ، أخبار ، تجارب شخصية ، مطاعم ، سياحة
.
.
والله وراحوا فيها الحريم
طبعا سوالف حبوب وتخسيس وتطيحين 5 كيلو بساعتين كله من اختصاص منتديات الحريم
وعلى طول رحت قوقل وكتبت ” منو جربت حبوب ريدكتيل ” شوفوا النتيجة بأول أربع روابط ههههه راحوا فيها 🙂
.
.
وزارة الصحة توهم يسوون بحوث على الدوا ويكتشفون هالشيء والناس بس قاعده تلط هالحبوب لط
آخر شي الواحد يضعف وقلبه وكليته والجبد كلهم منتهيه صلاحيتهم
الله يعافينا ولايبتلينا والله يكافي المسلمين شر الأمراض
.
معليش بس مكتوب العنوان مضاره على القلب بس الي يقرى المقاله ما يلقى شئ مكتوب عن تفصيل مضاره على القلب ؟؟؟ اذا ممكن ابو فلان لو تكتبلنا عن مضاره الفعليه لأن ما تصدق اني شاريته اليوم و ناويه استخدمه… بس سبحان الله ما ادري اشلون طرى الموضوع … المقاله غير واضحه أرجو التوضيح 🙂 …. شكرا مقدما
والله يا أختي زينه حطيت المصدر وهذا الي ذاكرينه بس
مولازم يكتبون شنو مضاره بالضبط
لكن مادام انهم اسحبوه من السوق فمعناه انه فعلا له ماضر والدراسات وضحت هالشي
المشكلة ربعنا هم يبون يصيرون ضعاف وبنفس الوقت ياكلون كل شي ويخربطون بالأكل!
واذا عبالهم سد الشهية خلاص تحل المشكلة لا يبه غلطانين، بالكويت الأكل صار منفس وعادة اجتماعية أكثر منه حاجة غذائية 🙂
وتسلم ايدك اخوي بوفلان
أما بهاذي صج الناس صار متنفسها الأكل
أول بالعطلة نفتر بشوبيز ندور لعب كرة لعب طايرة نروح يوم البحار
الحين يطلعون ياكلون بمطعم ويفترون بالشوارع كل واحر ماسك تلفونه ويردون البيت يجابلون النت والبلاي ستيشن
وزارة الصحة اصلا توهم يصحون من نومهم ..
عقب ما الناس قامت تدوره دوارة .. وتاكله ..
ع بو ان مصرح ومصرح .. واخر شي خطر لللقلب !!!
صبح صبح ^_^
ايه عادي مو شي يديد كعادتها وزارة الصحة
صارت نفس الي يقول أنا اشرب أعشاب عشان أضعف واحد قاله مافيها آثار جانبية قاله لا بس الي عطاني اياها قالي اذا حسين بنقزة بقلبك هدها
ريدكتيل ممنوع في الولايات المتحدة وبريطانيا والإتحاد الأوربي وأستراليا بسبب أخطاره ليس على القلب فقط بل على المخ أيضاً حيث من الممكن أن يسبب جلطة فيه. أي إستعمال له يجب أن يوقف فوراً.
وين الي يفهم ربعنا
لو توريهم التقرير يقولولك أكيد مزور الدوا وايد استخدموه واضعفوا ههه
لا حول و لا قوة الا بالله
يمدحون الممشى بهالجو
الله يستر
افضل رجيم الرياضه وتقليل الأكل ماكو احسن من جذي
لا حبوب ولابطيخ
صحيح 100 % كلامك بوحمود