مدونة أبوفلان تقنية ، أخبار ، تجارب شخصية ، مطاعم ، سياحة
.
دباسة جميلة حلوة ولابجه << لابجه بالكويتي يعني مدلقمه << مدلقمه يعني صغيره وملمومه 🙂
دائما أحب استخدام العامية الكويتية حتى يتعلم الغير الكلام الكويتي ولا عيب في تعدد الثقافات
.
المهم موضوعي هذا عن دباسة لتحويل شريحة الإتصال من sim card الى micro sim
قمت بطلبها من موقع ebay
* أضحكني هالموقف : انه واحد من الربع بتويتر لما صورتها وحطيتها قالي لو مطلع كرت من الشركة أرخص 🙂
طيب اذا انا بقص لنفسي ولربعي وللي يبي من الجماعه اشلون يعني ؟ 🙂
.
.
الكروت الي تشوفونها هاذي كروت شركة at&t الأمريكية خليتهم ضحايا للتجربة .
.
الخدمة مجانية ولا عليها رسوم؟ 🙂
على حسب الشخص ومزاجي 🙂
مشاء اللة عليك خدوم
بس استفسار تستاهل ؟
كم طلعت
حاضرين 🙂
طلعت علي 10 دنانير بالضبط
وتستاهل الصراحه بس ماتسوى تتعنى وتسوي الان عشان قص كرت الي حولك تقصلهم أو ربع ربعك أو ربع ربع ربعك 🙂
بالعافية
حلوة بس بتفيد الربع اكثر :p
الله يعافيج
ايه الربع أهم شي والي يبي بعد حاضرين
باجر تجار محلات التلفونات يحطون اعلانات ( قص شريحة للاي فون ٤ والاي باد بدينارين )
ويطيح سوق الشركات الثلاثه ويخلون الشريحه ب ٣ دناينر علشان يطيحون سوق هالتاجر 🙂
لا ما اتوقع الناس وايد الي يقصون الشريحه وانا واحد منهم
بس ليش لا مو كل الناس تعرف النت
تصحيح البدليه : ( تجار محلات التلفونات ) = محلات التلفونات + تجار التلفونات
بوفلان لو الأمر بإيدي اعينك سفير أبل بالكويت
ياخي كل شغلك 100% يعني حتى حاسب حساب الايفونات المغلقة وجايب كروت at&t
فديتك
ايه البعض يبيله اكتفيت احطله هالكرت 🙂
شغل عدل اب عدل هههه عليك بالعافيه بس ما قلتلي شلون قصها مظبوط؟؟؟ لان الي عنده فيفا بيتوهق الشركه ما عندهم ماكرو فا ماكو حل الا القص
مضبوووط ١٠٠٪
وفعلا فيفا اتصلت عليهم قبل فترة قالولي الخدمة موجودة بس الكروت خالصه
بو فلان صل على النبي
شفت كل جزء بلاستيك موجود بالكرت؟ شيله بطريقة جنتليه جدا.
انا مجربة وشغال وتوقعته يطيح او يعلق بس الحمدلله مافي شي وكل شي شغال تمام
والله يابو فلان ابتلشنا اللي مفتوح رسمي سعر غالي واللي مقفل سعر مغري بالله عليك وش تنصحني فيه لاني صج صج انغثيت تكفي ابي نصيحتك ادري انك خبير 🙂