مدونة أبوفلان تقنية ، أخبار ، تجارب شخصية ، مطاعم ، سياحة
.
بما أن حرارة الكويت هالسنة لاينفع معها لا سنترال أبو 8 طن ولا بو 9
والحبيب أبو 11 طن يبيلك واسطه عشان يوافقونلك عليه
فهذا اختراع جديد للتبريد على المكينة وبالتالي تبرد على نفسك
.
.
.
بما أن حرارة الكويت هالسنة لاينفع معها لا سنترال أبو 8 طن ولا بو 9
والحبيب أبو 11 طن يبيلك واسطه عشان يوافقونلك عليه
فهذا اختراع جديد للتبريد على المكينة وبالتالي تبرد على نفسك
.
.
اي والله الحر عندنا مستحيل
اكتشفت ان حرنا ما ينفع معاه الا جنرال القديم
ولا الوحدات اذبحتنا كل شوي يا خربانه يا تنقط ماي وتعال كل ٣ ايام نظفها واهتم فيها اكثر من عيالك
جنرال القديم صوته وبراده حلو
لكن والله عندي البيت كلها وحدات والحمد لله لاتنقيط ولا تنظيف
لان جودة الوحدة تلعب دور وتركيبها له اكبر دور ايضا
صح لسانك وين ايام جنرال القديم , لان بصراحة الصوت كان عجيييب وينمع الاصوات الي خارج الغرفة وتنام بدون ازعاج بس مع السنترال مو قادرين ننام براحة
شنو نوع وحداتكم ؟ الي تنقط عندنا البانسونك
الي عندنا ونسااا وهذا العجب ههه تخيل ماشاء الله البيت كله ونسا بس وحدتين الي ينقطون ومره بالسنة وشوي
بس لأن الوالد الله يبارك فيه تعبان عليهم لما ركبهم مع العامل خله التمديدات داخليه يعني من تحت تلبيس البيت الميزاييك ورفع الوحدت عدل مدل
فالموضوع يعتمد على تمديدات الهوز مال التسليك
هو ! شنو مافهمت واسطه حق ليش ؟ حق شحقه؟ هي هي هي … عاد صارلنا اسبوع تكييفنا خربان من ايصلحونا يشتغل يوم ويرد يخترب 🙁
واسطه طال عمرج لان الـ ١١ طن تاخذ كهربا زياده ومو حق اي بيت يسمحون فيها
والله عندي السنترال موشي هالسنه
لذلك سأظلل المكيفات من على السطح السنه اليايه قد يساعد الظل بالتبريد
ولكن هذا الصوره أعتقد إنه جهاز يوزع الماي على الماكينه
أو إذا عندك معلومه أو وين ينباع أكون شاكرلك
والله لقيتها بهالموقع للصور الساخره والغريبة
لكن بالنسبة لي فعلا هو اختراع للتبريد
بأحاول أدورلك باذن الله وان شاء الله القى الضالة
يبيلك مكيفات عنتر 🙂 عاد مادري اذا لحقتوا عليها اول ولا لا
هاذي من اسمها بتنحش الحر
شنو هالعنتر ؟
اي والله ماكو على مكيفات جنرال القديمة، صوته له نغمة خاصة بتحلم أحلام الطفولة، ويبررررررررررد عددددددل، وتناااااام وما تحاااتي الازعاج لانه بروحه مزعج 😀 😀
تقدر تشتري الـــ11 طن وتركبها من غير واسطه واساسا شلون بيدرون انها 11 طن يعني بيصعدون فوق سطح البيت مثلا ؟؟!!
يعني انا اجذب مثلا !!
ايه نعم لازم توافق وزارة الكهربا ويطلعون يجيكون ماعليك مخالفات وبعدين يوصلونلك الكهربا
محشوم يا بوفلان ……
هد اعصابك شوي 🙂
انا قصدي لو كنت باني بيتك وخالص و واصلتك الكهرباء وصارك 10 سنين ساكن فالبيت … تقدر تغير المكينه وتحط ان شاء الله 200 طن …
بهالحاله اشدارهم يعني بيسوون تفتيش دوري على سنترال بيتكم ….؟!
اتمنى تكون وصلت الفكره 🙂
إلى اخوي يوسف
بحالتك هذي بتاخذ كهربا اكثر من اللي ممدينه لك
وبالتالي اما انك تحرق فيوزات من محول شارعكم
او تحرق الاوتوماتيك الرئيسي للبيت
او اقل شي يفصل الاوتوماتيك لأنه يشتغل فوق طاقته
اتمني وصلت الفكرة
بس حسب ظني الواحد يقدر يقدم طلب زيادة الحمل او التيار