مدونة أبوفلان تقنية ، أخبار ، تجارب شخصية ، مطاعم ، سياحة
.
.
سؤال للأخوة المدونين عموما والأخوات المدونات ؟
س: لو تم عمل تجمع أو لقاء تعارفي للمدونين فهل ستحضر وتعرّف بنفسك ؟
أو( تستحي ) أو ( لا تحب ) إظهار نفسك ؟ خاصة وأن القليل جدا من المدونين من يضعون صورتهم الشخصية .
.
طيب لو حضرت فمن من المدوّنين تود لقاءه والتعرف عليه ؟
.
من ناحيتي سأحضر للقاء
والمدون الذي أريد التعرف عليه أكثر هو الأخ بوحمد صاحب مدونة ALBLOGY والأخ Kuwait10 ولا قصور في الشباب الثانيين .
.
انا ما اعتقد اني راح احضر
مو لاني استحي
لكن لاني ما احب
فـ انا مرتاح جذي واكتب اللي ابالي
ولا مضطر اني اجامل احد
والسبب ان محد يعرفني
فأتوقع لو عرفت المدونين وعرفوني هالشي راح يكون حاجز
بيني وبين الصراحة “الكاش”
مع ان في كثير من المدونين ودي اتعرف عليهم
لكن الوضع جذي افضل بالنسبة لي 🙂
وجهت نظرك جميلة
لكن اشوف ان الكاش تعطيه عادي حتى لو يعرفك وتعرفه
بل بالعكس لما تعطيه كاش يدري ان هذا من اطباعك فا تزيد معرفته فيك 🙂
انت ظبط الشغل وتلقاني من اول الحضور
فكرة والله حلوة ، صج اني شفتك جم مرة بالصدفة 🙂 بس ما تعمقنا عدل بالمعرفة يابوفلان ، وهذا يزيدني شرف
ونتشرف بالأخوة الآخرين ،، ليش لا؟ معرفة الناس كنز
وخوش بادرة والله
والله ان شاء الله بتبشر بالخير يابوناصر
الآن في دراسة للمشروع من قبلي في طور التنفيذ وتكون غبقة 🙂
والله انا احضر ليش لأ بس لازم يعرفون الحضور اني اصغرهم عمرا << يعني لاحد يسألني سؤال صعب خخخخخخخ
وبما اني صادفتك انت واخوك والتوم فالي ودي اشوفهم صراحه اخوي بوناصر هورنت و فرانكوم الغامض وكذلك في اثنبن مبدعين شروحات بالنت كويت ١٠ والعازمي صاحب مدونة العازمي وكذلك اخونا صاحب مدونة كميل هذيل بالنسبة للكويتيين اما السعودين والخليجيين واجد ما شاء الله
والله العمر انا بالنسبة لي ما انظر له
كلنا شباب ما أظن في احد تعدى ال 35
والعقل هو الفاصل في القضية
والكبير يعلم الصغير والغصير يتعلم من الكبير
والحياة نقل تجارب وخبرات 🙂
فيهم البركة الي ذكرتهم
انا عن نفسي ماراح احضر استحي 😮
الحياء من الإيمان بس بعضه يكون شر
التعرف على الناس كنز لكن العنصر النسائي ماينلامون في حاجز كبير بينهم وبين بعض في اول لقاء
أشكرج على المشاركة
انا مالي شغل بالسالفه بس إذا تبوني احضر ما عندي مشكله 🙂
ههههه في اجتماع للمعلقين بروحه 🙂
عزيز وغالي اخوي علي
كانت في عندنا اجتماعات من قبل كل شهر تقريبا
حضرت اثنين منهم وتعرفت على مجموعة من الشباب
وبعدين انقطعت عنهم بسبب الزواج ومشاغل الحياة الاخرى
🙂
كلكم خير وبركة
ماشاء الله
انقطعت عنهم يعني مازالت موجودة ؟
والله ماتنلام انا من بعد الزواج حتى الربع تغيروا 🙂
الله يبارك فيك يالحبيب
No
🙂
? why
ana ashoofha 3adi bs elmoshkila b3den! y3ni al7een qella elli e3rfooni (9adeeqati) bs b3den elkel be3rf ana meno! welli eb 5a6ri agola ymkn magdr agola b3den 🙂
bs 7elwa elfekra 😀
عادي لبسي بوشية روحي تجمع المدونات محد بيعرفج p-:
شنو المشكلة خل يعرفونج ماراح تصيرون ربع كل يوم تتزاورون اهي مره بالشهر ومعرفه سطحيه
الفكرة جدا حلوة لكن يبيلها تنظيم يليق بالمدونين 🙂
أنا اذا خلصت من العالم .. إن شاء الله .. أبي أحضر 🙂
بس عندي شرط ..
مافي اختلاط .. 🙂
والي ودي اقابلهم .. ما أدري بالضبط .. بس يمكن شوشو & سوسو 🙂
ماراح تخلص أبشرك 🙂
الإختلاط ممنوع طال عمرك وفي بارتشن 🙂
والله خوش فكرة ، كنت أكلم فيها واحد من الشباب قبل يومين
بس ماشالله عليك صبقتني 🙂
انا موافق ومستعد احضر وصراحه ودي اقابل البلوجي و بوفلان و كويت10 و كميل وطبعا استاذي فرانكوم بس للاسف وايد مشغول مثل ماقال ، حلو لما نتعرف على بعض اكثر..
أأيد الفكرة وفي انتظار تطوراتها
شكرا
🙂
الفكرة جميلة لكن يبيلها تنسيق من أكثر من واحد يعني عشان تطلع بصورة مرضية للجميع
اليوم صاحبي عبدالله يقولي ان في تجمع يسوونه موقع kuwait Blogs بس ما ادري عنه بالضبط ويكون فيه ندوات خفيفه بعد ويرسلون دعوات
والله نتشرف فيك وبمعرفتك بو اسماعيل تحياتي لك
أفكر..
ممكن أشوف ردود فعل الاجتماع الأول ، عقبها أفكر بالاجتماع الثاني..
🙂
ماشاء الله عليج
خوش نظرة واقعيه
بس مرات يكون احلى لقاء الأول
بعدين شنو ردود الفعل بتصير هوشة 🙂 ماكو الا اشلونك شهبارك شنو استضافتك 🙂
بصراحه .. فكرة جميلة ..
لان الكل راح يستفيد من خبرة الثاني
حتى لو يكون أجتماع عن طريق (النت) كذالك بصفه دورية
الفكرة جميلة جدا .. بس وين التطبيق 😉
افا بو فلان
و انا مو خاطرك تقابلني ؟
في ناس بالقلب من اول مقابله 🙂
والله أتشرف يا أخوي وأبركها من ساعة وأتمنى لو تصير خاصة بحضورك وحضور البلوجي اللي تعجبني طباعه وأنا أتابعه من زمان قبل ما تكون له مدونة، كذلك فيني فضول أعرف شخصية Frankom والكمبيوترجي اللي أحس أنه يعرفني بس ما يقول، عبدالله الهاشمي والأخ عبدالله من مدونة ليش معجب باللي يطرحونه. بس يا بو فلان ترى من الحين أقولك أنا وايد رسمي وعلى قولتهم دايما Serious. 🙂
الله يبارك فيك وساعتك ابرك
عاد تصدق طبعي بسرعه اسولف واطيح الرسميات والتكاليف بس اذا الي جدامي رسمي مايضبط الوضع
وان شاء الله اذا صار وتقابلنا بنشوف منو يفرض هيبته 🙂 او طبعه اعتقد الشخص الرسمي ماينقدر عليه
الفكره واااااايد حلوه بس اتوقع راح تكون حلوه للشباب .. ماعتقد بتكون حلوه للخلط بالمره .. لان مو كل اصحاب المدونات ناس راكدين وفاهمين .. وبنفس الوقت لو بجاوبك على سؤالك عن منو ودي اشوف واتعرف عليه فشي اكيد بيكون …. بوفلان .. السلطانه … حمد بورش .. وكذا شخص والله بس مو اببالي الحين .. مع ان انا افضلي اني اتعرف غلى اصحاب المدونات البنات والشباب بالاخص لان مجال شغلي الشباب ايفيدوني اكثر ويفهموني اكثر 🙂 وسلامتكم
لا الله يهادج شنو خلط
البنات كيفم بروحهم ينسقون والشباب بروح
الله يستر لا أزورج بالكراج بحادث 🙂 عاد ذيك الساعه بيصير لقاء مصيبة مو تعارف 🙂
فعلا الواحد لازم يتعرف على طبقة يجمعه فيها فكر او عمل حتى تتناسق الأفكار ومايصير كل الوقت نقاش وهواش 🙂
هاهاهاها شدعوه بوفلان الله يستر من شنو عاااااااد 😐 الا الكراج كراجك وانشالله اتزورني موبحادث بعيد الشر عليك.. مو شرط حاذث عشان تيي الكراج في تصليحات بسيطه ميكانيك او صبغ غيار لون .. يعني لاتنظرلي ابتشاؤم هاهاهاهاها.. بس اعتقد عن جد لو صج تتلاقون اصحاب المدونات بيصير شي حلو .. وتنتج صداقات وايده وتفتح مواضيع زياده 🙂 اموفق يابوفلان
اظن اني ماراح احضر لانو الي يشوفني راح يقول مدونتي حلوة ويخلط بين عيوني الخضر ومدونتي…ههههه..احلى من القمر في سواد الليل…وعطري من ورود مالها مثيل….وعيوني ان شفتها تقول ياليل….ومهما وصفت يطلع قليل…..
الثقة الزايدة مشكلة 🙂
الشي لي زاد عن ده انقلب ضده 🙂 دير بالك
منور اخوي
ليس لديه مانع ان احضر وهذا يعتمد على البعد والقرب من دار ابويه في الحويه
صحيح بعض الدول لايمكن عمل اجتماعات فيها لبعد المسافة
لكن يسوون اجتماعات لمناطق معينة قريبة من بعضها
لكن عندنا بالكويت ابعد منطقة ساعه بسرعة 120 ك/س
شكرا على طرح هذا السؤال
وعموما ليس هناك ما يوجب الحياء في مثل هكذا لقاء
ولكن اذا تهيئت الظروف المناسبه لهذا اللقاء
فلن نخسر شيئا … بل على العكس ربما نستفيد اكثر
ممن سبقونا بالتدوين
على اي حال
شكرا لك على اثارة هذا السؤال الرائع
لك مودتي
أحسنت دائما تعدد الأهواء والأفكار والأعمار في مكان واحد تورث العلم والتجربه
هاذي اللقاءات يطلع منها الواحد بفايده كبيره يمكن يبيله اشهر عشان توصله وهي تأتيه بكل سهوله ويسر
العفو أخوي فؤاد
وانا يا بعد عمري ماتبي تتعرف علي ؟
انت وينك يابعد طوايفي ؟
حلوة الفكرة لكم يالشبآآب
بس البنات صعبه مرآ مو؟
البنات يصير بينهم تنسيق خاص فيهم مو صعب
بالعكس لايتقن فن الإجتماعات وتنسيقها الا النساء
السلااااااااااااااااااااااااااام عليكم
*أول ما قريت الموضوع فكرته مجرد حكي لكن أشوف أنكم ماشاء الله ما خذين السالفه جد ..
*شووف انا متأكده ان مثل هالإجتماعات إمعصي عندنا بالسعوديه وبالتحدييد عند البناات بقوة بقوة صعبه .. بس بما أن الأماني جائزة فأنا بتكلم ..
*إيه طبعن وددي بجتمااع زي كذا تقربنا من بعض أكثر بدل هالغموووووض اللي حنا فيه .. .. يووم انك تقرا لأحد تتحمس وددك لو تشووف وجهه وددك لو تسمع صوته =(
وددك لو تتعرف علييه عن قرب
المهم اللي ابي اشووفهم .. – طيري والسما بلادك – ورشه نون – سأكون شيئا – حكايه فن – ملئ السما
مشكور أخوي وما قصرت
سلاأأأأأأأإأإإأإإإإأإإأأأإإأأإإأأأإأأإإإأأأأميــ ^_^
من تجارب سابقة أقول السالفة سلبية أكثر منها إيجابية، من تعرفت على جم واحد من الشباب بالمنتديات قمت استثقل ردودي عليهم أحس اني اكتبها من باب التوجيب أكثر من المزاج والوناسة.
يعني السالفة زينه من ناحية اجتماعية، بس “انترنتياً” مو شي! 🙂
فعلا نظرتك سليمه
لكن مع احترامي للشخص الي بيشيل عليك عشان مارديت على موضوعه ماعنده سالفه
ومرات اذا صارت بينك وبين فلان من الناس معرفه تقعد ترد اي كلام عشان تسجل حضور 🙂
مع انني اشوف ان اغلب المواضيع جميله وتستحق الإثراء والنقاش في المدونات الثانيه
تقسيم عجيب مريح اجتماعيا وغير مريح انترنتيا 🙂 بس هم الراحه الانترنتيه تؤثر على الاجتماعيه
اشكرك اخوي كميل
والله فكرة وممكن تتطور وتصير بالمستقبل مؤسسة فكرية تتبنى المواهب وتنتج أدب راقي وفن جميل وأشياء روعة مشكور أخوي على الدعوة 0
mmm ast7ii ana 😛
ياريت والله واول شخص انت يابوفلان والاخ frankom
وابركها من ساعه اذا بتسويها اتمنى تبلغني وتشرف في الشباب كلهم
اكيد بجي لو كانوا مدونات اناث
اما ذكور لا طبعا