مدونة أبوفلان تقنية ، أخبار ، تجارب شخصية ، مطاعم ، سياحة
.
من ألذ الأيسكريمات 🙂 الي أتمتع بأكلها هي الفالودة أو الڤالودة .
وهي آيسكريم فارسي عبارة عن شعيرية مثلجه ولكن لها طريقتها الخاصه في الإعداد
.
عادة لما أروح سوق المباركية لازم أمر آخذلي فالودة من محل الكواكب
وهو محل متخصص بالحلويات والآيسكريم والبقصم والرهش 🙂
مكانه : مقابل بلوكات الخامات .
.
اليوم لما رحتله قلت أصورلكم الفالودة اللذيذة
وهي تأتي بنكهات ( الكيوي – الرمان – الزعفران – الليمون )
وتستطيع إضافة أي شي آخر مثل ماء الورد والزعفران وشراب الرمان والليمون إلى أي نوع تختاره
شخصيا أفضل الفالودة بالزعفران مع ماء الورد 🙂
.
.
.
وأبوفلان يقول : استريييييح يا pinkberry 🙂
.
لووووووووول
شرهتك على الي يعرف هذا او هذاك
بس شكله مغري جدا
بالعافية
الله يعافيك
ترا اذا ذقته بتنسى برد لولو 🙂
انا مقاطع المنتجات الإيرانيه وكل شي ايراني
والله يعز مهلبيه الوالده ومن ناحية الايس كريم يسقط الفالدوة ويسقط بنك بيري ويعيش باسكن روبنز ولا يهون برد KDD
هي أكله إيرانية مو منتج إيراني 🙂
مثل الجلو كباب
ههه سويتها مظاهرات الله يهداك ههههه
ههههه كبير يابوفلان >>افترح إنه تسويلك صفحة بالفيس بوك
الفالودة vs بينك بيري <<
حبيب فارس
تصدق هذا كتاب الوجه مادش بالي كلللش ملللللش
اخ بس لو كاتب هلموضوع قبل خمس دقايق
ههه الله يعين الي بيشوف الموضوع وهو راد من الدوام اليوم الظهر 🙂
bel3afya 🙂
marra rfejty lazmat 3alay ajarbha.. w kna 3nd ma63am fa6ayer el.jawad… estaghfarallah ma zabeetha w ma gdart akamlha!
لا للأسف مو أي مكان يضبطونه
يعني حتى مطعم شاطر عباس كليت منع مره مو ذاك الزود مو نفس هذا بو نكهات
ويله خيرها بغيرها 🙂
والله شكله شي ..
يشهي .. خاصة بو زعفران ..
يم يمي 🙂
انت بس تعال وانا اعزمك
السلام عليكم و رحمة الله و بركاته
ما قط جربته , ذكرني بالبلاليط بس على ميني بلاليط <– اهم شي التشبيه !!؟
اول مره اسمع فيه , ماكو على البوظة العربية
بالعافية بوفلان
جربيه مره راح ترجعيله كل مره 🙂
ان شاء الله يعجبج
طبعا فرق كبير بينه وبين البوظة
الناس اذواق والله .. وماجنه بررد جنه عيش محمر وعيش مشخول لوووول هني وعافيه بوفلان 🙂
ههههه
عيش كنتري مو التموين p-:
لا بس انتي جربيه وانتي طالعه من الكراج بهالقايله 🙂
أنا شلي دخلني هنيه بعد صلاة الفجر 🙁
ممتاز انت اول ضحيه 🙂
الي فوق كلهم الحقوا على الموضوع قبل الأذان 🙂
والله انا احب المنتجات الايرانيه احس شغلهم نظيف
خاصة بالمكسرات والقز والطعام
لان احس عندهم ذمه لما يسوون الاكل
وياحلو الشبزي بس لوووول
وعليك بالعافيه
فعلا الاكل الإيراني له طعمه الخاص لكن مو عندنا هناك
الي عندنا شهايدهم مقبول بالطبخ الإيراني 🙂
جربت تحط فوقه برد يطلع موصج
وبنفس القيمه اعتقد
المره اليايه الظاهر بنجرب كلامك 🙂
انا احبها ساده من غير اي اضااافة
بالعافية
الله يعافيج
الساده هم حلو بس مع الزعفران اطيب
يبيله
بس هذا ماكو يمه مواقف وين تصفط :p
الله يخلي الرصيف 🙂
هاهاهاها انشالله بعد رمضان .. واقولك شيصير 🙂
“وأبوفلان يقول : استريييييح يا pinkberry”
هههههههههه
بالعافية إن شاء الله وماكو أحلى من الطبيعي. 🙂
الله يعافيك
اي والله أحلى وخفيف ولابج ومدلقم 🙂
ذكرتني بالرهششششش
عندهم رهش مو طبيعي يدوووخ
وكانت الحلوى عندهم لذيذه بس من احترق المحل ورجع ما قاموا يضبطونها
وبالعافيه
عاد الرهش كان خالص ماشاء الله
واحترق ما ادري عنه لكن اشوف شغله ممتاز وعليه زحمه
والله يعافيج
كااااااااااااااااااااااااك اي والله يستريح البنك بيري عند الفالوده
الله يسامحك ذكرتني فيها عاد قبل فتره كنا عندهم انا و اميمتي الغاليه
عليك بالعافيه
لا لا لا تقول تنباع بالكويت.. انا اكلتها مره بارض المعارض حسبالي بس بالمعرض الايراني لووووول
الي اكلتها بيضه اعتقد بالزعفران
يبيله اقول حق باسكن استريح .. بالعافيه يابو فلان الرمان حلو ؟
مو وايد محلات تبيعه بالكويت
البيضه ساده بس تقدر يحطلك فوقها ماي الزعفران 🙂
والله من ناحيتي احبها وأستطعمها اكثر من باسكن الي يغثك تالي الليل
بس ماجربت الرمان الصراحه
وين مكانه بالضبط بالمباركية يا أبو فلان ؟
نبي وصف لواحد مو من سكان الكويت :p
اللي اعرفه بالمباركية محلات القماش وسوق السلاح على قولتهم !
شوف طال عمرك لما تروح سوق المباركية بتمسك خط الملك فهد اعتقد تعرفه ؟
سييييده لين تجيك الإشارة الي بعد الدوار الي فيه مسجد
هاذي الإشارة تاخذها يمين وبعدين اشارة بعدها تاذخها يمين تمشي 200 متر تلقى المحل على شمالك 🙂
واذا مادليت رقمي عندك دق علي 🙂
حط مكانه على خريطة الاي فون او ببرنامج القوالا ما ادري شسمه ترا حتى انا ما ادرل لووول