مدونة أبوفلان تقنية ، أخبار ، تجارب شخصية ، مطاعم ، سياحة
شركة أرامكس يبدو أن غرورها لم ينتهي بعد فمسلسل رفع الاسعار مازال مستمرا فبعد أن زادت أسعارها في الكويت بحجة زيادة رسوم الجمارك ها هي تهنئ عملائها ببداية العام الجديد برفع سعر الشحن على كل نصف كيلو !!
هذه المره قامت الشركة برفع أسعارها في جميع دول الخليج الكويت والبحرين والسعوديه وقطر يعني بالمختصر تحتاج حمله بجهود جميع عملائها في الخليج الذي يجب أن يتحولوا الى شركات وبدائل أخرى متوفره وتقدم خدمات أفضل منها تجميع الشحنات وسرعة الشحن
نعم ليست كل الشركات توفر ثلاث صناديق ولكن اغلب طلباتنا هي من المواقع الأمريكية غالبا لذلك حاجتنا لصناديق في الصين او بريطانيا بسيطه جدا
حاليا يوجد العديد من البدائل شخصيا سأقوم بالتسجيل في خدمة Myus التي تقدم خدمات مثل تجميع الشحنات وسرعتها أكثر بكثير من ارامكس ويوجد بها عدة حسابات سأتحدث عنها بالتفصيل بعد التسجيل فيها وتنشيط حسابي
قبل يومين طلبت شحنة عبارة عن وايرات شحن !! دفعت رسوم ١٣ دينار
طلعت علي أغلى من بيع السوق :/
قبل يومين طلبت شحنة عبارة عن وايرات شحن !! دفعت رسوم ١٣ دينار ،، طلعت علي أغلى من بيع السوق :/
لازم نسوي لهم مقاطعه مو بس بالكويت ،
بكل دول الخليج لما ينزلون الاسعار
او على الاقل يسنعون خدمتهم مثل اضافة
خدمة تجميع الشحنات ، و تسجيل الشحنه
بسرعه + ارسالها بأسرع وقت ممكن .
* و بالنسبه لي ، بنساهم و بدور شركه ثانيه : )
و اذا حصلت شركه زينه او بتسوي حساب في Myus
ياليت تذكر لنا المميزات + شرح للتسجيل : )
نبداء بسم الله مقاطعة شركة ارمكس وانا من السعودية واتوقع لو جميع الخليجين لو قاطعوها بتتراجع غصبا عنها نبغا الهمه ونشره في جميع المواقع
أنا توقفت عن الطلب من الانترنت بسبب النصب والاحتيال الحاصل من الشركات
ارامكس كل يوم عندها زيادة !!
والشركات الثانية خصوصاً الدي اتش ال تدفعك جمارك أكثر من سعر البضاعة نفسها حتى لو معفاة من الجمارك ,, و يعطيك شوية اوراق وخرابيط ما فيها اي شي يدل على فواتير للدفع!!
لكن أهون الشرّين بالنسبة لي هي ارامكس ,, على الأقل تعرف كم السعر اللي راح تدفعه حتى لو كان نصب
و شركة مثل MyUs ترسل البضاعة عن طريق الدي اتش ال اذا ما كنت غلطان !!
انا مجرب myus سنين
باختصار محترفه بكل ماتحمل الكلمه من معنى
ولكن
اسعارها غاليه بشكل مخيف وكنسلت منها
مثال طلبت ٦ شغلات متنوعه وشحنتها بدفعه واحده بحجه تجميع الشحنات لتوفير المال
ووجدت سعرها طلع مثل ماتشحنها بارامكس قطاعي
myUS
حيل اغلى من ارامكس و انتو بكرامه
استخدمت أرامكس من بداية طرح الخدمة على ما أذكر كان سعر الصف كيلو الإضافي 750 فلس + 1.5 دك لأول. لكن توقفت عن الطلب وذلك للتكلفة المبالغ بها
قويه الزياده بالسعوديه وصلت لي ٥٠٪
بس ترى اغلب المواقع قامت توصل لي الكويت مباشره .. توني طالبه من:
saksfifthavenue.com
bloomingdales.com
asos.com
والموقع الاخير وصل لي باب بيتي بدون رسوم توصيل!!!
التزموا بمواقع توصل دايركت لي الكويت وارامكس بتاكلها
الزيادة في السعودية ماوصلت 50% لا، اول نصف كيلو سابقا ندفع 65 ريال، الان صار بـ 68 ريال يعني بزيادة 3 ريال
ثاني نص كيلو كان ب 35 ريال، الان صار ب 37 ريال يعني بزيادة 2 ريال
ومع ذلك انا مع المقاطعة، الشركة تتحمس لزيادة الاسعار، وماتتحمس بتطوير خدماتها واضافة ميزة تجميع الشحنات بدل ماتكره العملاء بسبب هالزيادات.
اشلون طلبتي من asos و وصلج لي باب البيت وناااسه
أنه خلاص بطق طيارتي وأسافر أرخص
انا من دهر موطالب من ارامكس
بس ما اشوف انه الاسعار تغيرت ؟ اهيا نفسها للكويت
ولاني غلطان ؟
اراميكس مع انهم جشعين بس تظل من اقل الشركات كتكلفه بالشحن
شخصيا قاطعتهم من زمان واستخدم حاليا borderlinx
ميزاته
يعطونك صندوقين بامريكاوببريطانيا
وفتح الصناديق ببلاش ويشحنون على ال DHL
وعندهم التخزين شهر ببلاش
والتجميع هم ببلاش
وعندهم نوعين توصيل العادي والاكبرس
والاحلى من كل هذا السعر اللي يحطونه لك وتدفعه بالنت شامل كل شي يعني لما توصلك البضاعه ماتدفع عليها ولاشي زياده لاجمارك ولاغيره
سعرهم مقارب للاراميكس واقل من الباجي
كل شي يزيد على افانا
وفقرونا التجار
ليش ماتستخدم بوردر لنكس (دي اتش ال) ارخص من ارامكس
الكيلو ٤.٧ دينار
http://www.borderlinx.com
أراميكس شغاله استغلال بالعالم والناس اغلبها راضيه بهالوضع !
وانا بنقل تجربتي مع هالشركه “الماديه” :
بالبدايه كان شغلهم تمام و بعد فتره لمن شافت الزباين والعدد الكبير اللي يسجل عندهم قالو نستغل الثقه مقابل شي ثاني واهو المال.
والعذر الوحيد لهم هو الجمارك, و بالأساس ماكو جمرك !!
كنت ادفع حق الشحن لأقل من نص كيلو 5 دنانير ( 3.150 شحن + 2 جمرك )
مرت الأيام وصرت ادفع بدال ال 5 , 7 دنانير على نص كيلو !
3.150 = شحن + 3.850 = جمرك ( السالفه مطبوخه وحاسبينها حسبه ) !!
وغير عن هذا “”” التأخير “”” ونظام التتبع.
وانا والله مو قصدي اني اسوق حق شركه ثانيه ولا لي علاقه بأي طرف ولكني كعميل استحق خدمه “””فوق الممتازه “”” مقابل المبلغ الخيالي اللي تاخذونه مني !!
بعد كل هذي المعاناة قررت أجرب دي اتش ال ( بوردرلينكس )
الايجابيات :
سعر أرخص + ماعندهم سالفة الجمارك الوهميه + ادفع بالموقع واستلم بالعارضيه او احد فروعهم اللي انت تحددها مسبقا بالبوردر لينكس بدون لا تدفع للفرع ولا فلس + نظام تتبع ممتاز + خدمة عملاء ممتازه + خدمة التجميع اللي ما وفرتها اراميكس عشان تشفط فلوسنا + خدمة شحن سريع و عادي + الاسعار جدا مناسبه بالمقارنه مع اراميكس !
السلبيات :
عالوزن او الوزن الحجمي (الاكبر ) + ماكو خدمة توصيل للبيت
و ليلحين فيه ناس متخوفه من ال دي اتش ال وبعدين يتشكون من ارامكس بس اسمحولي احنا اللي قوينا شوكتهم !
لك حق الاختيار !
اخوي بوردر لنكس توصل لي بيتنا.. دق عليهم وتاكد وشكرا
كل عام وانت بخير يا ارامكس شنو جهزتوا للعام الجديد؟…اوه زدتوا الاسعار؟ شكرا جزيلا اسمحوا لي بأن اشترك بشركة ثانية تعبيرا عن امتناني لكم
كل عام وانت بخير يا ارامكس شنو جهزتوا للعام الجديد؟…اوه زدتوا الاسعار؟شكرا جزيلا اسمحوا لي بأن اشترك بشركة ثانية تعبيرا عن امتناني لكم
يبقى أنهم ارخص بكثير من شركات الثانية مثل فديكس و HDL الغالية و سرعة التوصيل ممتازة ( يشحنوها يوم الخميس وتوصل الأثنين أو يشحنونها يوم الأثنين وتوصل الخميس لكن غالب ماتستلمها إلا السبت بسبب الدوام )
والزيادة في السعودية ٣ ريال فقط لأول نصف كيلو والزايد زادو ريالاين فقط
ولكن هذه زيادة غير مبرره به
اوقفت استخدامي لارامكس منذ فترة و اشحن الان عن طريق شركة وورلدشيب لكن للاسف هذه المرة طلبت الشحن الاقتصادي و شحنوها عن طريق ارامكس و للاسف وقعت تحت نصب ارامكس مرة ثانية بالرغم من اني دفعت كامل مصاريف الشحن مقدما الا ان ارامكس تطالبني ب 5 دنانير علي نصف كيلو و الحجة ان 2 دينار تخليص جمركي و 3 دينار ضرايب مع ان الشحنة ثمنها اقل من 100 دولار
شخباري أراميكس!!
MyUs وإقطع
السلام عليكم
اخي العزيز انا حاليا مشترك مع شركة Postaplus.com
وهي شركة ذات خدمة واسعار ممتازة وتوفر لك عنوان في امريكا وبريطانيا
ولكن للاسف لا تقدم خدمة التجميع
والسلام ختام
ارامكس تزيد الاسعار ولن تتوقف طالما المشاركين ملتزمين بالصمت
اخوي ابوفلان ,
انا انصحك في شركه postaplus امانة شغلهم راقي وحلو واسعارهم رخص التراب , مع العلم ان هذا الشركه مااعرف احد فيها , ولكن امانه اسعار رخيصه وخدمه حلوه وهي خدمه mybox فتح الحساب بــ 7 دنانير و اول نص كيلو بدينارين ونص وباجي النص كيلوات بدينارين
ويفتح لك عنوان بامريكا و عنوان ببريطانيا خدمه روعه انحكم تجربونها وانا مازلت مشترك معاهم وناطر شحنتي توصل .
اتمنى اني اكون افدتك وافدت الزوار
تحياتي
يا جمعاعة عليكم ب عنوان اسمه http://www.mrbabu.com والله عجيب مو طبيعي كويتي ويستاهل السعر اللي تدفعه اييك لا وفوق جذي كاش لي البيت او كي نت
موقع
http://www.mrbabu.com
شفت اسعاره
بالعكس اغلى من الموجود بالسوق
على سبيل المثال البار اللي يتعلق بالباب حق الرياضة
بالموقع 32
وبالمارينا 27
وبامازون اقل من 10
Another nice and Reliable US address forwarding provider is http://www.usgobuy.com, NO HIDDEN FEE, offering the fastest and the most reliable shipping method USPS, Fedex and DHL. Free sign up and try!