مدونة أبوفلان تقنية ، أخبار ، تجارب شخصية ، مطاعم ، سياحة
محلات Tea Gschwendner المتخصصة بتوفير أجود أنواع الشاي لديهم مايقارب 130 نوع من أنواع الشاي
أخذت جولة في المحل للتعرف على بعض الأنواع وتجربة مالديهم . عندهم عدة انواع منها الشاي الصيني والسيلاني والانجليزي وغيرها
وبعدة نكهات بالياسمين او بالحليب او بالزعفران والشاي الأخضر وشاي للتخسيس وغيرها وتختلف طريقة وشكل الشاي من نوعا الى آخر
قمت بشراء نوعين للتجربة فقط بما أن أسعارهم غاليه مثلا الشاي بالزعفران وهو شاي درجة اولى مخلوط مع زعفران وزهره أخرى سعر الـ 100 غرام 16 د،ك ، اشتريت منه 50 غرام فقط بسعر 8 دنانير
لكنه بالفعل عند التجربة ذو طعم ونكهه رائعة وطعمه يختلف كليا عن طعم شاي الورق او الانواع العاديه المتوفره بالسوق سواء الشاي الخشن او الورق
المحل ايضا يوفر عدة الشاي من غوراي وأكواب وسكر طبيعي
مكان المحل في الأفنيوز الدور الثاني ، ومجمع البيرق بالسرداب ،بالمارينا مول
وين مكان المحل بوفلان ؟
المحل موجود بالأفنيوز الدورر الثاني
والبيرق بالسرداب والمارينا
ما القى بأمازون مثل اللي اخذته اللي بالزعفران ؟؟
يمكن تحصل لانها شركة اوروربية اصلا لكن قد تجد صعوبه في شحن الأطعمه
المحل وين ؟
المحل موجود بالأفنيوز الدورر الثاني فاز٢
والبيرق بالسرداب والمارينا
المحل بالافنيوز اخر المرحلة الثانية…
المحل موجود بالافنيوز جهة التوسعه الدور الثاني مقابل جهة المطاعم،
وموجود بالسرداب بالبيرق ،
مع العلم أتوقع إنه وكيل لأن المحل هذا منتشر بآوروبا ،
يا إخوان الي إشترا منه نوع يا ليت يحط إسمه وسعره ويقول رأيه في النوع الي شراه 🙂
تبادل خبره ؛)
موجود بالافنيو والبيرق والمارينا مول وله افرع اكثر بعد لكن هذي المجمعات الاكبر والاشهر في الكويت
شي جميل الصراحه .. بس ما ذكرت وين مكان هالمحل ؟؟
بالافنيوز والبيرق والمارينا
سؤال غريب شوي
الـ 50 جرام هذي جم مرة تستخدمها؟
تقريبا سبع اكواب
او ثلاث غواري كبار
وين صاير المكان ؟
شريت منه اغلى شاي احمر عنده وماعجبني
بو فلان انصحك بالشاي الابيض
مفيد “افيد من الشاي الاحمر و الاخضر”
بالاضافه انه طعمه حلو