مدونة أبوفلان تقنية ، أخبار ، تجارب شخصية ، مطاعم ، سياحة
قرار صائب أخيرا من وزارة المواصلات بتخفيض أسعار الانترنت بنسبة 40% على جميع شركات الاتصالات ، وننتظر القرار الأصوب وهو انشاء هيئة اتصالات تشرف على عمل هذه الشركات وتفتح باب الترخيص لشركات جديدة أيضا
صورة أرسلها لي الأخ أمير التركي بعد رغبته بالاشتراك للانترنت في المنزل وهي أسعار صحيحة تأكدت منها بنفسي قبل قليل بالاتصال على شركة كوالتي وستلحقها باقي الشركات في تغيير الاسعار
واللي توه مجدد اشتراكه 🙁
اي والله الي توه مجدد شتراكه شنو يسوي
يدبلون السرعه ولا يعطونه سنه مجانا!!!
حياك ياخوي.. وبالنسبه لتعديل الاشتراك او اللي توه مشترك فا على حسب كلام كواليتي نت بعد اسبوع راح يبين معاهم واللي حاب يشترك يروح الشركه ويشترك عادي 🙂
و الي خط بيته مايتحمل اله ٢ ميجا ؟
انا من السعوديه بس اعذروني
الاشتراكات هذي شهريا ؟! او سنويا ؟
واللي ع اليسار هذي السرعه او الحجم ؟
لا ياخوي سنويا والارقام هذي سرعت الاتصال والدونلود اعتقد مفتوووح
لازم البنية التحتية للانترنت تتطور…كافي خطوط دي اس ال…لازم فايبر…و الصراحة مقارنة بالخليج احنا للحين متخلفيين
شباب مهم جدا
توني اتصلت بكوالتي نت وقالو لي لك عندنا ١٠٩ دينار
لاني مشترك ب ٤ ميجا وكان ب ٢٢٠
وهذي طبعا تستخدمها بزيادة الاشتراك او تمديده
اتصلو بالشركات وتاكدو كم لكم
اشترك ولا لا؟ مع العلم ماعندنا اللياف ضوئيه بس بخاطري فيه انه ثابت ومافيه ليميت للداونلود
الدول ماني قايل العالميه ابي اقول الخليجيه
سرعات تتراوح من 20 الى 100 ميغا وتحديدا الامارات
والسعوديه من 25 الى 200 ميغا
واسعارهم بالنسبه لنا افضل بكثير على حسب سرعهتهم
نداء ياوزيرنا الاذينه
يحتاج تغير البنيه التحتيه للمناطق المتهالكه والكويت صغيره مساحتا فماراح تاخذ معاك وقت خلك حازم ونفذ القرار
ورفع السرعات الى 200 ميغا حالنا حال دول الخليج
اتمنى ينفذ
اؤيد كلامك نحتاج الى سرعات اعلى
توني كلمت قسم المبيعات قالي الـ 2 ام بي بـ 83 !!!!
والعرض لمدة 3 ايام فقط…
مايندرى منو الصاج فيهم
حظه حلو اللي خطه يتحمل سرعات كبيره اتمنى انه
الشركه تقبل للمشتركين عمل الابقريد لهذه العروض
و ان لا تكون محصوره فقط للمشتركين الجدد …
هل شركة مدى راح تخفض اسعارها بعد ولا القانون اليديد ما يشملهم؟
الحمد لله
وباقي البنية التحتية الي تحتاج رجل يخاف الله و يوقع المشروع مع الشركة الصح
كفانا تنفيع بهالديرة ومحد ماكلها الا الشعب
شي حلو من الوزير و من وزارة المواصلات ،
بس تعتقد الـ 8 تتحملها خطوط الكويت كلها ؟
طبيعي لا ، فـ اتمنى يسوون خطوط الكويت
كلها فايبر و تتحمل سرعات كبيره مو بس 8 !
و بالنسبه لي : خط بيتنا ما يتحمل اكثر من 4 : )
مع انه مسويين فوق الـ 5 مرات صيانه للخطوط
بس النتيجه وحده ما يتحمل فوق 4 !
و ما يمنع انه شركات النت ، تشترك برقم و تعطيك رقم !!
« و ياليت يحطون مراقبه على هالسوالف هذي و منها
نضمن حقنا : )
انا بالعدان وخطوطنا من اتعس الخطوط بالعالم حتى 1 ميقا مايتحمل وضطريت اني اشترك مع شركة wimd بـ 385 وسرعتي 6 ميقا على كلامهم انها ثابته لكن انا مشترك من اول رمضان لي الحين بدش شهر 10 وكل يوم ادق عليهم الشركه تعبانه حيل صج انهم احسن من مدى لكن حتى 3 ميقا ثابته مو قاعد يعطيني مره فوق ومره تحت اخر شي امس دقيت عليهم قلتلهم برجع الاشتراك خلاص وناطر اليوم اكلمهم وشوف شراح يسوون
الله لايوفق الي متسبب بتعطيل مشروع تغير البنيه التحتيه لخطوطنا الزفت
ديره بطيخ محد هامه غير جيبه