مدونة أبوفلان تقنية ، أخبار ، تجارب شخصية ، مطاعم ، سياحة
أعلنت أبل قبل قليل عن الآيفون القادم الذي تم اطلاق اسم iphone5 رسميا عليه وبالمواصفات التالية :
* معالج A6 أسرع في تشغيل واستخدام الجهاز والتقاط الصور
* كاميرا باسم iSight بقوة 8mp وبدقة 3264X2448 وفتحة عدسة 2.4
* تصوير فيديو بدقة 1080p للكاميرا الخلفية والأمامية 720p HD
* حجم الشاشة اصبح 4 انش أكبر وأوضح مع الريتنا
* بطارية اقوى تعمل لمدة 8 ساعات
* الجهاز انحف يأتي بسمك 7.6mm واخف وزنا 112 غرام
من التغييرات التي طرأت على الهاتف هي تغيير فتحة الشحن في اسفل الهاتف وتغيير مكان الهاند فري للسماعات
بالنسبة لمكان الشحن فالشركة ستوفر قطعة ادابتر لتحويل الشحن القديم الى الشكل الجديد ، أما السماعات فقد اطلقت ابل شكل جديد للسماعات ايضا
httpv://www.youtube.com/watch?v=A6EP7_P9Gqk
السعر :
أما بالنسبة للأسعار فالسعر سيبدأ من 530 باوند من الستور البريطاني يعني تقريبا 240 د.ك شاملة الضرايب
والسبب أننا لايمكننا طلب الهاتف الا من الستور البريطاني والذي تكون فيه الضرايب بنسبة 20%
طريقة الشراء والطلب :
* سيتم فتح باب الحجز على الهاتف بتاريخ 14 سبتمبر ، وسيتم البيع والتسويق بتاريخ 21 سبتمبر
ونحن لا نستطيع الطلب الا عن طريق الستور البريطاني لأن الأمريكي في العاده يقومون بالغاء الطلبات اذا كانت الى صندوق بريد
للطلب ادخل الي هذا الموضوع شرح طريقة طلب الآيفون5 من أبل ستور البريطاني
احول جالكسي احسن !
ماعندك سالفه 🙂
ليش ماعنده سالفه ؟ ابل تحكر كل محبينها بنفس الجهاز اللي يبي حجم اكبر مايلقى اللي يبي شكل ثاني ماكو يعني ماكو تنوع , ميزتهم الكوالتي قوي بس لما نفكر فيها منو يبي يقعد على نفس الجهاز اكثر من سنتين ? فما كو فايده الكوالتي , لما نستخدم جهاز شاشته ٤.٨ أكيد راح نحس بالفرق , الشاشة الصغيرة ما تلبي الطلبات من تصفح وأنستقرام ويوتيوب وغيره ،، أنا احب الآي باد بس الآي فون صعبه للأسف لأنهم حاكرين حالهم بإطار معين .ولا أنا احب شغلهم.
ليش يعني طول هالسنوات ما لبت احتياجاتك ؟
واذا تبي شاشه كبيرة مو لازم ايفون او جالاكسي اشتر ايباد او نيكسوس ابو خط وخلاص
يا اخوان حنا لازم نفرق ما بين الهاتف الذكي والتابلت
الهاتف الذكي يكون صغير الحجم مو كبير جدا ويلبي جميع احتياجاتك بشكل مبسط اما التابلت نفس الايباد فهو تقدر تستخدمه كبديل للكمبيوتر الشخصي وهكذا
وهذا اللي الناس نسوه مع الاسف
ليش ابل كبرت حجم الشاشه او مغطتها بالطول بشكل سخيف صراحه مدام الهاتف الذكي لازم يكون صغير الحجم ؟!!
أنا عارف الفرق بين التابلت والموبايل ٠٠ بس مع ذلك التلفون لازم يكون بشاشه كبيره بعد لان التاب ماراح اشيله كل مكان .. يعني محبيين آيفون لويحصلهم بحجم ٤.٨ بيخلونه وياخذون ٤ ؟؟؟ صعبه جداً .. شوفو جالاكسي ٣ ترا مو كبير .. مشكلة معجبين ابل انهم متعصبين (؛ بس ماينلامون ابل بكل الأحوال لها لمستها وهالشي اللي يخليها نتحسر لو يسووون كيت وكيت جان زين
مخيب للامال للاسف
ولكن لاول مرة بظهر اللون الاسود احلى من الابيض
بالفعل الاسود ملكي اصبح اجمل من قبل واجمل من الابيض حتى
يهمني رأيك يا ابو فلان عن الايفون الجديد ؟؟
بالنسبة للجهاز تم تطويره من جميع النواحي :
الشكل اكبر
البروسيور والمعالج افضل
الكاميرا ايضا تم تطويرها وتحسين ادائها
الشاشة تم رفع دقتها الى 1134
تجديد مدخل الشحن
تجديد الألوان والمواد المصنعه وتنحيف الجهاز
مع نظام جديد سينطلق يوم 19 سبتمبر
أرى أن التطوير كبير ، لكن بالمقارنه مع سامسونج هناك خدمات يجب على ابل التنافس فيها منها NFC والوايرلس جارج
باختصار أبل سمحت لسامسونج بالاستمرار في المنافسه لم تقدم شيء يتخطى الموجود في السوق
أما النظام فهو شيء آخر اذا اردت المقارنة بين النظامين انرويد و ios فكل شخص يفضل مايحبه ويرتاح له
اخوي ابو فلان متا ينزل ios6 عشانحدث
يوم 16 /9
فرق بسيط بينه وبين ايفون4 اس
وهذا الرابط
http://www.apple.com/uk/iphone/compare-iphones/
هذا سعره تقريبا 240دينار حق حجم 16
http://store.apple.com/uk/browse/home/shop_iphone/family/iphone
يبدأ البيع 21-9
ويصير تطلب من تاريخ 14-9
انشالله اكون وفيت بالمعلومات
هههههههههههههههههههههههاي كالعادة ابل لاجديد
قالو الجامه مقاومه للخدش وقالو الشحن وايرلس وقالو بصمه هههههههههاي ولا شي من هذا الكلام
أخي بالنسبة للشريحة ، هل هي مثل شريحة الايفون 4 او انها اصغر ؟
الشريحه مختلفه شريحة الايفون الجديد ماكرو نانو اصغر من الشريحه الحاليه
شريحة الايفون ٤ ماتركب عالايفون ٥
النانو اصغر وكتبت موضوع خاص عنها
تفضل
http://aboflan.com/18355.html
الايفون 5 مقلب اكبر من الايفون 4 اس
هاردوير متواضع مقارنه مع باقي الاجهزه بالسوق و خاصه الجالاكسي اس 3
نظام الاي او اس 6 لا يزال نظام مغلق لا يمكن تطويره الا عن طريق شركه ابل
فلا مجال للمقارنه مع نظام الاندرويد المتعدد المزايا و الي بنظري اسهل من نظام ابل لان يجعل المستخدم يرتب هاتفه على شخصيته و طريقه استخدامه المحببه
و هذا جدول مقارنه بين الايفون 5 و الجالاكسي اس 3 و واضح تفوق الجالاكسي على الايفون 5
http://www.freeimagehosting.net/xofg9
و هنا جدول مقارنه من موقع شركه ابل
يبين ان الفرق جدا بسيط بين الايفون 5 و الايفون 4اس العام الماضي
http://www.apple.com/uk/iphone/compare-iphones/
حيث يتركز الفرق بحجم الشاشه و اسم البروسسر و الوزن بفارق بسيط
الكويتيين كل شي جديد يقولون خايس
ولما ياخذ وقت كل واحد شاريه
هذا ان دل على الذوق العام مش ولابد
الجهاز رائع (طبعا كنت اتمنى الشكل افضل شوي بس لما نمسكه بايدنا بنشوف اكثر ومواصفات حلوه اللي يقول ماكو فرق عن الاس فور
الجهاز اسرع دبل وصوره ( توصل) افضل دبل والدليل الفيديو
واذا تطبقت ال ٤ جي راح يطلع سرعه عاليه جدا بالنت
يعني اهو الجهاز القديم رائع شنو تبون اكثر بعد
وخلوكم عالاندرويد دام عاجبكم
ليش بكل شغله ب ابل انتم تعلقون عليها قبل مايعلق عليها مقتني منتجات ابل
انا مستخدم ابل 3g و 4 و 4s للاسف اعتقد وقف الا اذا عجبني 6
هاذا مجرد ايفونك العادي ممطوط وبالنسبه للسرعه نفس الفور اس و الفور بعض المرات يكون الفور اسرع عن تجربه
بتجاربهم سرعة الـwifi عاليه حوالي 100 هني ماعندنا فكلهاذا خرطي بخرطي مافي شي يديد ملينا
كم سعره ( مفتوح) في امريكا
اللي يبي الاناقه و الفخامه و الحمايه و البساطه في الاستخدام يشتري ايفون واهو مرتاح
و اللي يبي يخصص رنه حق كل شخص او يغير الثيم مال تلفونه (يسمونها حريه) يشتري نوكيا لوووول
اللي يقول ما فيه مميزات او ما فيه فرق عن الفور اس .. خل يراجع الموضوع مره ثانيه
الايفون الحالي : اضعف و اخف و اسرع (من ناحية البروسس) تلفون بالعالم
الموضوع عن الايفون ٥ .. ماله داعي تقول بشتري جالكسي او بضل على نوكيا
عطنا رايك سواء اعجبك التلفون او لا
بالنسبه لي عجبني الايفون ٥ و اكيييد راح اشتريه
يعطيك العافيه بوفلان .. و اسمحلنا عالتدخل و الاطاله
صراحه عجبني و ما عجبني مافي شي جديد
للي يعرف سياسة ابل يجب انه لاينصدم او يتعجب
ابل تخلق نظام وجهاز بنفس الوقت
ماتنظر للامر بنفس نظرة الجالكسي
تصنع اجهزه تطور فيها بشرط انها تتوافق وتعمل كفاءه مع نظامها الجديد الي بتطوحه
الي جرب الاصدار السادس لل اي او اس كان يعرف ايش نوع الجهاز القادم
الابهار الي حصل مع الايفون اول ما انتجته ابل لن يعود لانه السوق كله كان مافيه جهاز بهالمواصفات فكان شي لايصدق
اما من يرى الاجهزه الان يعرف انه مافيه شي بينتج باهر فكل الاجهزه والمواصفات وحده تقريبا
لو تضع بالجلاكسي اس ٣ نظام ابل ماراح تشوف انبهار العالم فيه لانه بيكون حاله حال ايفون
لكن انبهار العالم سببه ان سامسونج تغير بالنظام وتعطي المستخدم الحريه الكامله للتحكم فيه فيضهر بصوره جميله للبعض
كل شركه لها معجبينها وهذا الاهم
اخي الكريم ابو فلان ..
يرجى تنبيه الناس أن خدمة الـ 4 جي LTE والتي تعتبر ميزة في الجهاز الجديد تعتمد على ترددات معينة .. ولكل دولة نظامها الخاص .. فترددات أمريكا تختلف عن بريطانيا أو غيرها ..
و الترددات المستخدمة هنا في الكويت هي 1800 ميجاهرتز في شبكة زين لخدمة الـ 4جي LTE وأما عن الشركات الأخرى فلا أعلم ما هي تردداتها المستخدمة. لذا يرجى الحذر في حال تم طلب الجهاز من بريطانيا أو غيرها فربما (ربما وليس بالتأكيد) تخسر هذه الميزة ولن تعمل لديك خدمة الـ 4 جي LTE !
وقد قالت أبل بالنص الصريح:
Band support does not guarantee support on all LTE networks running on the same bands.
يعني احتمال إن حتى لو تطابق تردد الجهاز مع شبكة الـ 4 جي LTE فهناك احتمالية ان ما يشتغل معاك !
وهذه صفحة خصصتها أبل للمعلومات حول الترددات في أجهزتها الجديدة والموديلات:
http://www.apple.com/iphone/LTE/
وانا عن نفسي سوف انتظر شركات الإتصالات في الكويت حتى تطرحه وسوف اشتريه منهم بنظام العقد السنوي حتى أتأكد أنه يعمل مع الـ LTE.
كل الشكر للمعلومات
خدمة LTE لن تتوفر لدينا بالشكل المطلوب للأسف
انا مجربها من شركة زين وصراحة كانت أحسن من المطلوب وأكثر من ما توقعت بواااااايد 🙂
اكتشفت ان بعض الناس تفكيرهم سطحي
يبون الشكل يتغير فقط ، الجهاز جبار و البطاريه اقوى
و الشاشه و شكله و النظام عجيب 🙂 انا
شريت الجلاكسي من اول ما نزل وليما الحين حاس
اني استخدم نوكيا و ماكو شي يلفت غير شكله الجذاب
اما الايفون برامجه كثيره جدا و الكاميرا و السهوله و صح
لساني لما اقول
“ايفوني بدونه ما اقدر اكمل يومي ”
حط تحت شعارك بوفلان و سلامتكم
بالنسبه لي اشوف ان اضافات الايفون الجديد معقوله
صحيح ليست كما اعتقد البعض و لكن اتوقع انه مو المفروض
اننا نعمل مقارنه ما بين الاجهزه و لكل شركه سياستها
في رسم خط سيرها في التسويق و اهم شي ان تكون على خطى ثابته
و تفكر في المستقبل عموما لكل شخص رؤيه و لكل منهم
احتياجاته و انا واثق انه حتى لو تم تغيير شكل اكثر او اضافه
خيارات اكثر هم راح نسمع تكرار جملة مخيب للامال
او مو بالمستوى المطلوب الناس تبي جهاز في كل شي
جهاز تدوس دقمه يتحول قاري مثلا !
انا اشوف ان الفتره اللي ما قبل طفرة الايفون كثير امور ما كنا نعرفها
و هالوقت ما كان بعيد يعني من خلال كم عام اصبح الان الموبايل بمثابه
كمبيوتر شخصي و يدير الكثير من الامور اللي ما كنا في يوم نفكر فيها
الله يرحم رسائل الوسائط !!
الف شكر 🙂
صبرنا واجد على جهاز ايفون5 وقامت تطلع عليه اشاعات قلنا شكله راح يكسر الاجهزه لم ينزل بالسوق اخرتها جذيهة صاير شكله عقب صبر طويل على بالنا راح يجي بشكل انيق شاشه اعرض واكبر طلع شكله بس جاي بالطول دام جذيه سياسه ابل راح تخسر خسارة كبيره وراح يطيح بجبدهم بالسوق والكل راح يتجه الى اجهزه جلاكسي شركة ابل لم تخيب ظني انا فقط بل خبيت ظنون مستخدمينها تياتي لكم جميعاً
السلام عليكم
بغيت أسألك اخوي بوفلان ،،ليش ما نقدر نطلب الجهاز من الستور الامريكي؟؟ السعر اقل من البريطاني!!
سالت هالسوال لاكثر من شخص طلبوا الجهاز
يقولون الستور الامريكي يلغي العملية بعد فتره اذا كانت الفيزا غير امريكية
بس ما اعتقد ان في احد جرب يدفع بالباي بال يمكن تنجح
والبعض متخوف من المبلغ
السلام عليكم ، ممكن يا أبو فلان تسوي موضوع يتحدث عن الآيبود تتش 5 ، لأني أريد أشتري بس قلت يمكن مواصفاته نفس الآيبود تتش 4 ، و أنا صراحة أتمنى لو تسوي موضوع عن الايبود عسب نعرف مواصفاته .
هلاوالله يابنت ياوالد نا بايفون5 ريال200- 500 سعودي