مدونة أبوفلان تقنية ، أخبار ، تجارب شخصية ، مطاعم ، سياحة
httpv://www.youtube.com/watch?v=UyAkJgdA1u4
خدمة سيقدمها البنك الأهلي قريبا وهي السحب من اي صراف تابع للبنك بدون استخدام البطاقة البنكية
طبعا من وجهة نظري اذا كنت تملك بطاقة سحب فهي ارحم من السالفة الطويلة في الفيديو
لكنها ممتازة لمن نسي بطاقته او تم سحب البطاقة من جهاز السحب يعني للضرورة والطوارى فقط
اذا فيه احد يطلبك فلوس و ما عنده حساب بنفس بنكك
او توصي اخوك يجيب فلوس من الصراف تسوي هالحركة بالبيت
وترسل له البيانات وهو يمر الصراف ياخذ الفلوس
أذكر إنه فيه بنك في الإمارات عمل هذه الطريقة لكنها أسهل بكثير ..
عموماً البنك الأهلي يحب الفلوس بشكل كبير، جهاز “توكن” الذي ينشئ الأرقام السرية نتقبل الفكرة إنه يكون بفلوس لكن تطبيقهم للأندرويد أيضاً بفلوس فهذه غريبة !!!!
سياسة البنك الأهلى : أودعت فلوس أهلاً بك .. سحبت فلوس سحقاً لك .. طلبت إغلاق حسابك مع السلامة بدون معرفة السبب ..
ههههه هي حلو بس طويله والشي الثاني لازم عندك 3جي الصراحه يبيلهم يحطون وايرلس في البنك وغير كذا تعتبر سهله مرررره بسبت اذااالشرح بطيء واول مره وكذا المقطع 3 دقائق بس اذا كنت مستعد من قبل تكوون سريعه مررره
خوش فكرة بس ماله داعي رقم الهوية او الاقامة..
وعموما الخدمة ممتازة حق العيال انت تسوي العملية من التليفون وتعطيه الرقم واهو يروح يسحب الفلوس من البنك..
بس ركز على كلمة العيال مو ام العيال لان حزتها سيستم البنك بيعلق من كثر السحب 🙂
هذي زينة اذا كانت الصرافة بعيدة ولا وانت بالطريق
خدمة مفيدة
واتمنى تطبيقها عندنا
ولو اني اعتقد راح يتم تطبيقها خصوصا ان ربعنا بسرعة يغارون :/
مو خوش خدمة حق الخرفان الحين بدال ماتقوله حولي رصيد تلفون تقوله ارسل لي فلوس وماكو داعي بطاقتك حبيبي
ههههههه
لويه :/
اممم حلوه نوعا ما بس من لويه :/
ساعات احس انك ياسعودي يامزدوج من كثر ماتحط عن السعودية , متأكد انت كويتي؟
نبي رايك بالخدمة كونها متعلقه بالتقنيه
هذا احد اسباب نجاح المدونة والحمد لله، كونها تقدم الاخبار الي تخدم المستخدم العربي بدون تحيز.
شكرا ابو فلان على الخبر، وفعلا الخدمة ممتازة لكن للأسف العملية احسها طويله شوي.
السعودية والكويت واحد
ياتروح سواء ياتبقي سواء
طبعا هذا الكلام مايفهمه الا اللي عنده اصل وولد حمولة
تحياتي لك يابوفلان
وانت ليه معصب يا خالد؟
لا صج عاد اغلب مواضيعك عن السعوديه و السعوديين ! صح متأكد انك كويتي ؟ ولا عالورق بس ؟
الفكرة جميلة ….. ولها فائدة كبيرة للسحب الغير مباشر من طرفك او من طرف اشخاص اخرين …. ولكن الاعلان فاشل …. ما اعطونا الفايدة الفعلية للاعلان …. وطريقة كتابة اسم المستخدم و الباسورد بالاعلان كانت بطيئة جدا … ولا كمان يخفوا اسم المستخدم هههههه …. من جدهم !!
إذا تطبقت عندكم بالكويت بتكون مصخره
خصوصاً الصرافات مو منتشره عندكم بس بفروع البنوك أو الأسواق صاف سرى وتسوي الخطوات هذي !!
الله يديم علينا كثره الصرافات بالسعوية تقريباً قدام كل محطةبنزين فيه صراف … ومحطات البنزين كثيره بعد مو مثلكم الله يعينكم 🙁
حول بيتي بحدود 2 كم أحصل (10 صرافات) و (8 محطات بنزين)
الحقيقة نحن مع التطور ولكن استخدام هذه الطريقة مضيعة للوقت ما الفائدة بعد كل هذه العمليات عبر الهاتف ان وقفت امام الصراف لاجري كل عمليات الادخال هذه؟
ما يبقى الا يدخل مقاس ثوبه و سرواله و عمر سيارته الافتراضي..
ادخل ببطاقتي و اسحب الدراهم و اتقضى و أوصل البيت و حبيبنا بعده يدخل في الأرقام…
بنك فاشل