مدونة أبوفلان تقنية ، أخبار ، تجارب شخصية ، مطاعم ، سياحة
,
فعلا سالفة اللوحات الأوروبية اليديدة هاذي عجيبة
أشوف الناس طاحت فيها حتى لو المكان مال الرقم صغير غصب يركبونها !!
بعدين أول مره اشوف دولة فيها ثلاث لوحات
عندنا هاذي لي الحين راكبة ع السيارات من 1995
.
.
وعندنا هاذي الي توها طالعه بـ 2008
.
.
وعندنا الأوروبية بعد توها نازلة السوق لزوم الكشخة والجخ
.
.
ما أدري الصراحه الموضوع عندهم مناقصات زايده ؟ ولا الحكومة لهالدرجه مهتمه بمنظر سيارات المواطنين الطيبين ؟
طبعا غير لوحات الوانيتات والتكاسي والنقل الخاص 🙁
.
أخونا الكريم ( راعي الكابرس الصابونة ) لازم يركب اللوحة اليديده ويزاحم اهل الكايين والأودي والبي أم 🙂
الصورة من جريدة الوطن ص 29
.
حسب معلوماتي ان الاوروبيه على قولتك والي توها طالعه 2008 هذول سيم سيم يعني فرق الشكل فقط لان في بعض السيارات يكون من ورى في مساحه للاوروبيه لكن من قدام ماكو مساحه والعكس
اما المعفنه اول وحده الي ترجعني لأيام المتوسط ورقم شفرنا الذهبي 55246 الكويت – حولي هذي تتغير إلزامي إلا اذا رفض راعيها وتجيعص ومو راضي يدفع الـ5 دنانير حقتها
هذا والسلام عليكم ورحمه الله وبركاته
ايه صحيح الأوروبية نفس الصغيرة بس الرقم الي فوق نفسه ينزلونه تحت ويمغطون اللوحه
بس هم الي يشوفها عباله غير بعد والظاهر ربعنا بيربحون المصنع الي يصنعهم
عز يالكابرس الصابونه تفصل 170 ومكينتها 8 سلندر ما ادري ليش مخلينها 8 سلندر 🙂
اللوحات القديمة خليتها على الكامري لي يومك ليش ادفع فلوس على شي مالي حاجه فيه لو الود ودي يشيلونها امشي بدون لوحات عشان المخالفات 🙂
انا ولا وحده منهم عاجبتني بسويلي تصميم بروحي
اذا عندج فوتوشوب أصلي يصير p-:
والله قهر انا سيارتي اوربية وعليها اللوحة القديمة الكويت- حولي .. رحت للمرور قالو انطر ماكو لوحات او استثناء من وكيل الوزارة ( شالسالفة كلها لوحة ) بطلنا مانبيها
مايصير سيارتك أوروبية ولوحتك بعد يصير تنافر نفس المغناطيس موجب وموجب <<< يمكن يطلعلوك حجه المرور 🙂
اي تعبنااا انشيل لوووحه وانحط لووحه P:
ورايحين ورادين
لازم الحكومة تشوف الشعب يشتغل حتى لو يمسكون درنفيسات ويركبون لوحات بنص دينار نفس البنغالية الي عند مرور العاصمة
مثل ماقلت ،، مناقصات
عمي والله لو نقعد نعد بالأخطاء الي بالديرة مانخلص ، الله لايبارك ببلاعين البيزة
الحين السائح الي يجي الكويت ويشوف هاللوحات يضيع حده 🙂 وزيد عليهم ( الهيئة الدبلوماسية ، التكاسي ، الوانيتات ،، الخ الخ ) مصخرة يا بو عزوز
إلا شرايك ؟ نخترع لوحات بروحنا ونقز على البحر !! ترا يصدقون الأوادم علبالهم لوحات جديدة
الحمد لله على الحال ،، والله من حر مافيني على هالأمور الي بالديرة
هههههه
والله يبيله نسوي لوحات حق مدوناتنا كل واحد يحط الرابط 🙂
عاد انت رقمك بيصير ذهبي waw.cc وتبيعها بشي وشيات 🙂
على قولتك بس جخ وفشخرة 🙂
يعني مفروض يحددون لوحة وحدة وخلاص اي واحد حاط غيرها يخالفونه
مشكووور
مايصير انت تدفع 25 ألف ولوحتك تصير نفس لوحة راعي الكورولا الي شاريها ب 4 آلاف وأقساط بعد 🙂
موحلوه باجر تدور فيك الدنيا ونشوفك راكب يارس مو كورلا بعد
بو3 آلاف ولا علشان تاخذها تاخذ قرض يكسر ظهرك
شكلك راعي كورلا وماترضى نغلط عليها 🙂
اليارس مايصعدها الا فارس
بس مو ملاحظ انك هديت الموضوع وعلقت على تعليقي هذا ؟ لا وتبي ينكسر ظهري !
-سيارتي اصلا ماتوصل مستوى الكورلا اقل منها بوايد
وماهمني اصلا شنو اهي دام تؤدي غرضي
لأن السياره تتشرف فينا مو احنا اللي نتشرف فيها
-تعليقي على تعليقك
لان تعليقك جزء من الموضوع اصلا الموضوع كله من تعليقك مافرق رديت على تعليقك الفوق ولا اللي موجودين تحت
-مع اختلافي معاك في بعض ماتطرحه من مواضيع وتعليقات الا اني معجب بمدونتك
صحيح السيارات عباره عن وسيله وليست غاية
والاختلاف لايفسد للود قضية
ادام الله اعجابك وحفظك دنيا وآخره
انا لوحة سيارتي ام 2008
ودي باليديده بس جنه ما يصير للاسف :p
تبيعين p-:
لوووووووول … اي لاحظت … بس عاجبتني اليديده وايد 🙂
لوحات تطلع بالواسطة وأحب خشمك وأحب إذنك، ويا كرهي حق اللي بيكشخ بسالفة لوحة سيارة.
هذا للي يشعرون بالنقص وانا اخوك
يظن ان شخصيته بتقوى بالمظهر واللوحه
ربنا لا تؤاخذنا
اخر لوحة امبية مرة شفت واحد بدال لا يكون في الخط اللي بين الرقمين .. حاط برج الاتصلات << كـا شكل لونة اسود .. يعني يوحي كـ برج الاتصلات .. بس جد كانت حلوة ..
لا وأزيدكم من الشعر بيت اللوحه الجديده في منها على اللون الوردي الغامج او البنفسجي الباهت وهي التصدير
وفي غيرها كشخه العقد الي يحط لي بكلمة KUWAIT الي على اليسار باللون الاحمر او يجيك واحد حاطها باللون الازرق او البرتقالي نظام كشخه عقد
ابي لوحات اوريبيه وسيارتي اوربيه شنو اسويييييييييييي
لازم تروح المرور تقدم طلب تغيير لوحات ويشوفها الفاحس تقبل اوحة اوروبيه او لا ويطلعولك اياها
السلام عليكم،، جايكم من المستقبل صار نادر ان نشوف اللوحات القديمة للأسف
السلام عليكم
بسأل من الاجراءات المتبعة لتبديل لوحة السيارة الي لوحة أوربية علمآ انو السيارة مارسيدس موديل 2016