مدونة أبوفلان تقنية ، أخبار ، تجارب شخصية ، مطاعم ، سياحة
اشتريت هذا العطر من يومين وهو عطر شرقي من دهن العود الخالص من mancera
العطر قوي وريحته جميله ويوجد ثلاث انواع غيره لكنه هو الأحدث ، يوجد دهن العود بالبخور وبالورد
أكثر واحد عجبني هو هذا وتكون علبته ذهبية و غرشة العطر غامجة ومتدرجة
سعر العطر من 22 الى 27 حسب المكان الي تشتري منه العطر
,
وين تقترح علينا نشتريه ! أرخص مكان
من اي محل شريته؟
شريته من مخزن العارضية للعطور بسعر 22 د.ك
العطر جميل جدا وقوي فعلا
للتو وصلني هديه
عليك بالعافية يا رب ….
ربي يعافيج
الطيب ما يجي الا من الطيب ..
احترم ذوقك يا ذوق واثق فيه :))
يعطيك العافية
الله يعافيك وأشكرك على الكلام الطيب ياطيب
من وين اقدر اشتريه اذا ممكن ؟
ابي مكان قريب
السلام عليكم
وين احصل العارضيه؟ ممكن تكتب عنوانها لاني من السعودية ما ادل ،،
وشكرا جزيلا
وعليكم السلام ورحمة الله
المحل في منطقة العارضية الصناعية
الدائري الخامس تاخذ إشارة الجسر الي عند الأفنيوز يسار وبعدين أول لفه يمين وبعدين توصل لتقاطع تاخذه يسار وبعدين أول لفه يمين يصير على يسارك ثالث مبنى
مكتوب عليه لوحه ” معرض البدور للعطورات “
مشكور عالوصف جزاك الله خير .. وانا بنت 🙂
شنو المحل الي منزل هالمنتج؟
السلام عليكم ::: أخي الكريم انا مقيم في الامارات – دبي واجتني كهدية تعرف وين اقدر احصل منها بالامارات بدبي او الشارقة نفسها علبتها كلها ذهبي والك جزيل الشكر
وين الاقي عود دهن اصلي
الرد بسرعه