مدونة أبوفلان تقنية ، أخبار ، تجارب شخصية ، مطاعم ، سياحة
توجهت للأفنيوز بالأمس واستوقفني أحد مناديب عرض العطور عند دبنهامز وأخذ يمدح هذا العطر لمدة خمس دقائق وأنه يدوم ويدوم على الملابس ولا يباع الا في هارودز في لندن ودبنهامز وفافافوم في الكويت
المهم كعادتي قبل شراء أي عطر أرش منه وأفتر بالسوق وبعدها أحكم عليه اذا يطول أو لا واذا ريحته حلوه أو لا
عجبني العطر للأمانة لكنني انصدمت من سعره لما رجعت للشخص مره ثانيه قالي سعره 128 د.ك !
بحثت عنه في النت وفعلا سعره ايضا مرتفع يباع على موقع الشركة الرسمي بسعر 340 $ يعني تقريبا 94 د،ك !
العطر ريحته على دهن عود يعني تقريبا مكس ريحة شرقية وفرنسية وقوي جدا وريحته حلوه لكن سعره مبالغ فيه من وجهة نظري
.
يروى أنَّ الإمام الشافعي رحمه الله تعالى، قال:”لو أنفق الإنسان ثلث ماله على الطيب ما كان مسرفاً”.
رحمه الله
يعني تحرضني اشتري 🙂
من الاحاديث الموضوعه ومااكثرها بكتبنا
قال ثلث ماله قال هههه ((المسرفين اخوان الشياطين))
توني متغدي بالافنيوز وشفت موضوعك رحت جربته
الصراحه العطر قوي وحلوه ريحته بس السعر مبالغ فيه سواء من المصدر الي انت حاطه او الي بدبنهامز
ماشاء الله عليك 🙂
يله ان شاء الله اييك هدية
اممم غالي .. كم ملم ؟!
١٠٠ ملم
ههههههههـ 🙂
انا عبالي سعر خيالي ..
يعني عليه عرض ورخيص ..
هههههـ
لا يحوشك 🙂
افتح التجوري ولا اكسر الكاشي وطلع احتياطي الأجيال الي حاطه واشتر العطر 🙂
هل العطر صحيح غير موجود الا بالهارودز .. شريته لاخوي كهدية لان ريحة العطر جدا جميلة .. انا شريت الفضي .. المهم لما عطيت اخوي العطر شكرني وجذي بس ثاني يوم حصلت ” وابل ” من الاهانات لما درى بقيمة العطر !! هههههههههه
ماشاء الله
يستاهل
والأقربون أولى بالمعروف بس مرات فعلا يضيق صدرك اذا دريت ان الي يايبلك الهدية ماعنده راتب ولا فلوسه يالله تكفيه وتكون الهدية غاليه بالنسبة لمستوى دخله
تعليق بسيط: الـهدية على مقدار مهديها ..
والله عطر يستاهل بس على مااعتقد العطر مصدره من امريكا مو فرنسا وانصح اجرب بعد WEST SIDE من نفس الماركه
صحيح العطر مصدره أمريكي وليس فرنسي
انا اخذت منهم الاحمر .. ب 60 دينار خمسين ملي
ريحته مميزه ولا يمكن تشبهها بعطر ثاني .. بس مشكلته يميل للنسائي اكثر
راح يكون اجمل هدية اذا كنت متزوج ..
عطر راقي جداً وانا استعمله لكن سعره مو ١٢٨
اشتريه ٦٠ رجالي
هذا عطر نسائي شوف الرابط
مكتوب for her
http://m.saks.com/pd.jsp?FOLDER%3C%3Efolder_id=282574491877809&productCode=0426627260496&R=890766363507&P_name=Bond+No.+9+New+York&sid=135D30EEAA0D&bmUID=jndO24Z
على الايباي ينباع الحجم الكبير على اميه وثمانين دولار
بس وين الشركات اللي تقبل وترضى بالشحن ؟ هالمشكلة
١٢٨ دك وغالي !!!
في عطر نزلوه بالافينيوز اسمه بوغاتي الغرشه مصنوعه من ذهب قيمته فوق الـ ١٢٠٠ دك و اعاده تعبئه العطر بـ ٦٠ دك
صحيح العطر يستاهل وكذلك عطر كريد افنتوس بسعر 84 دينار ولكن يا شباب اللي يبي عطور اصليه يعني عطر الوكيل مو تقليد يتصل وراح يلقى اللي يسره ان شاء الله …
ملاحظه : اذا العطر مو اصلي تاخذ العطر مجانا وفوقه توله بخور بعد
لطلب عطورات الوكيل او البخور وباسعار تنافسيه يرجى الاتصال
99787715 بوناصر
مثال عطر كريد 84 دينار عند الوكيل وعندنا بسعر 62 دينار
للطلب
99787715 بوناصر
ثمن العطر انخفض بنسبة 50% هذه السنة
اخوي تابع الاكاونت على انستجرام
_olor
وطلب العطر اللي تبيه بارخص الاسعار واصلي
على سبيل المثال عطر بوند الذهبي ١٠٥ دنانير
والايميل olor_kwt@hotmail.com
واذا تبي الرقم تلقاه بالانستجرام حفاظا عبى خصوصية مدونتكم
انا عندي عطر جلبته من لندن للراغبين الشراء
٨٠ دينار
السلام عليكم
انا ياني هديه من هارودز لندن من خالتي الله يشافيها بس معروفه هالماركه كل عطورها حلوه وفعلا غاليه لما كنت بلندن استغربت اسعارها وماشريت لكن بعد ٣ سنين جاني هديه من خالتي ❤️
انا شريته مرتين من دبنهغمز خلال 3 سنوات وسعره ماطاح حتى نص دينار
بعدين امريكي مو فرنسي .. عطر جبار
ما أجمل عطر ون مان شو ..وغالي وايد ..ب3 دينار !!