مدونة أبوفلان تقنية ، أخبار ، تجارب شخصية ، مطاعم ، سياحة
,
المهياوة يعرفها أكثر ناس العوضية والكنادرة والعيم ..
وهي لمن لايعرفها : سمج صغير يابس ينباع بسوق المباركية تحديدا يوضع في السطح وتطقه الشمس لين ينزل كل مايه ويضاف له بعدين البزار والبهارات .
,
مالكم بالطويلة الربع بالدوام وخاصة البدو منهم يسمعون فيها وطبعا سمعة المهياوة جدا مشوهه المسكينة اشكثر طاعنين بشرفها 🙂
الي يقول عصير سمج والي يقول تونه وازفره والي والي والي …. إلخ
عاد واعدت الربع انا والبرشلوني المحترق DIESEL وضبطناهم بمهياوة ع الريوق
,
المهياوة للي ماعمره شافها طبعا واضحه هي الوحيده لونها بني بين اللبنة والقيمر 🙂
,
طريقتها كما هي عند العوضية يضاف إليها الماء عشان تخف شوية لأنها ثقيلة وليمون وزيت زيتون وتقدم باردة او دافيه ..
عند اخواننا الكنادرة ايضا يضيفون لها ماي وزيت زيتون ويقدمونها ساخنة حسب علمي .
طبعا ربعنا الأكارم البدو لما كلوها مابين معجب فيها وبين الي قال عادية طعمها مقبول بس ما أحد ذمها وتم تصحيح سمعتها بفضل الله 🙂
والنتيجة كانت مسح للصحون
,
أول مرة أسمع فيها صراحة 🙂
صحة وعافية
الله يعافيج
معروفه عندنا بالكويت وبالبحرين تنباع بالبقالات 🙂
هههههه الي يبي بطل بدينار ونص ، بس عجبتني سالفة “اخواننا” البدو ههههه الله يقطع ابليسك
ههه غالي الله يهداك 🙂
حسيت انهم من دين ثاني اخواننا البدو 🙂
سامعه فيها..
انا مكس بس مااعرف عيم جان تهورت وذقتها بس طرى علي الفسيخ مال مصر جنه نفس الفكره خخخ..
مافيني عرج ولا ذقت الفسيخ بس كلهم سمج جنه..
وبالعافيه يارب..
وحسبالي انت بدوي :p
الفسيخ سمج خايس هذا سمج معصور 🙂
الله يعافيج
تعرفين صعيدي بالجماعه الامريكية = حضري في المنطقة العاشرة
وتعدد الثقافات مطلوب 🙂
ماشاء الله شكلها صحية بعد 😐
ياليت تكتب اسمها “المهياوة” بالتشكيل او بالانجليزي خخخخ ماني متأكد من قرايتي لها
من ناحية صحيه هي جدا صحية وغنية بالفيتامينات
المِهياوَة = بكسر الميم وسكون الهاء وفتح الواو 🙂
mihyawah is served in room temperature not cold.
elli mwaklik mahyawa barda 3awadhi/kindiri malah khulg yayib el mahyawa min el thalajah loool
ايه هذا الي اقصده انها تكون دافيه يعني من حرارة الغرفه
لا طال عمرك انا الي يايبها كانت دافيه والطعم روعه
بس اعرف البعض يطلعونها من الثلاجه ويزيدونها ماي فلتر ويلطونها لط 🙂
أحب المهياوة مع خبز تنور وراس بصل، بس ماكو أحد يجابلني بالأكل. 🙁
لو عندك انا بتشوف الي يجابلك عدل
ما أفكر ولا وطوط في بالي اني اجرب هالمهياوة
من اسمها ما تتقبله
من اعرف انه عصير سمج تقلب جبدي
عليكم بالعافيه
الله يعافيج
كل الجماعه كانوا نفس كلامج وبعدين تغيرت النظره
ذايقتها مرة بخبز تاوة..وكانت لذيذة
بس اول مرة ادري ان ياكلونها الصبح على الريوق…
بالعااافية
وخووش تجربة…
ايه الي بالخبز يسمونها فلزي حلوه وخفيفه و
والمهياوة تصلح للريوق والعشا بس الغدا لا
اسمها فلزن مو فلزي
بالعافية .. بس سؤال بسيط من أول من صنعها وشنو امتداها التاريخي وكيف أكتشفت ؟!! …. : )
الله يعافيك
ماكو أصعب من جذي أسئلة ؟
هاذي يبيلها جائزة أسئلتك 🙂
تذكرت سالفة سمعتها بشريط
واحد سافر امريكا وصادوه بالمطار وشكوا فيه
سالوا شنو هاي قال فيش ووتر على ماعتقد
طبعا ماصدقوه قاموا وحللوالغرشة وردوا قالوا له بما معناه انه هالمشروب كله فيتامينات ><
بالعافية عليكم اخوي
أهااااا هذي المهياااوة ..! أنا أسمع عنها بالمسرحيات الكويتية خخخخ
هذي تنوكل مثل الفول بخبز ؟ والا تنشرب < للحين ماسكة وياي عصير سمك
وبالعافية، ويبيلي أجربها في أقرب زيارة للكويت
لا لا توكل مع الخبز ويفضل الخبز الإيراني 🙂
بصراحه أول مره أسمع فيها 🙂
والحمد لله عالنعمه بس شكلها مايشجع :p
ياحلو اللبنه بس XD
افا معروفه وحلوه صدقيني لايغرج المظهر الجوهر عذب زلال 🙂
مافكر اجربها كلش بالوقت الراهن ! :))
بس يمكن الزمن يغير رايي :p
انا متأكد انه راح يتغير رايچ 🙂
أسمع عنها لكن عمري ما شفتها غير الحين ^^
يسلمو
جربيها مره ماراح تخلينها كل مره 🙂
بالعافيييييييييييييييييييييية عليكم
🙂
الله يعافيج ان شاء الله
تصدق كنت احسب مهياوه … ( فواكه ) 🙂
بالهناء والعافيه..
بس ما أتوقع تعجبني(=
ماقصرت أبو فلان ..
صج إني عايش بوسط مهياوي دكتاتوري بس مادري ليش لي الحين مو قادر أتقبل طعمها كااااااك
اللهم عز النعمه احس طعمها حامض وتعور البطن !!!
تدري عاد انا اموت بلمهياوه من صغري والحين كلما تحصل لنا فرصه بلقهوه الشعبيه ما اطلب غير خبز رقاق بلمهياوه وبعد في بلمباركيه خباز ايسويه ممممممممممممممم يليت الحين عندي واغطس فيها .
لبى الكناادره في اهل الكويت ونعم بهم عجم سنة واهل علم ودين
وكرم وضيافة
اخوكم من ابوظبي
سالم بن مفلح المازمي البلوشي
الجيل الجديد مايعرفها.لكن عيال الستينات والسبعينات العرب والعيم واحد. بس البدو كانوا منعزلين عنهم مايعرفون المهياوة. الحين البدو اختلطوا بالعيم والعرب. بس وايد من العيم تبروا من اصلهم وصاروا يسمون نواف والعنود
والله احنا الكويتيين مانعرف المهياوة . من ادخلو علينا هالايرانيين هم وهجرتهم من ديرتهم.. واحنا مختبصين ابشغللت غريبة عنا ماانعرفها