مدونة أبوفلان تقنية ، أخبار ، تجارب شخصية ، مطاعم ، سياحة
لست من عشاق الباستا لكن الجوع حدني عليها وانا متوجه الى مجمع spoons وتحديدا الى تشوكلت بار
وبما أن منيو الأكل قليل ولا يوجد فيه الا بعض الأطباق من باستا وسندويتشات ماتدسم الشارب قلت مافيه الا باستا
طلبت باستا الدجاج والمشروم والكريمه ( الفريدو باستا ) كانت لذيذة بالنسبة لي كأول باستا أتذوقها
وصاحبي طلب pink pasta تكون مع صلصه الطماط وجبن الموزاريلا
كان ينقصها ملح شوي وشخصيا ما احب اي شي فيه طمام لكتها كانت ممتازة بالنسبة لصاحبي
بعدها التحلية طبعا فرض عين بجوكلت بار
طلبت هوت جوكلت مع ايسكريم الفانيلا كان الككاو ثقيل شوي لكن طعمها ممتاز
الطلب الثاني اسمه shortcake sundae عبارة عن فواكه مع الآيسكريم
تشوكلت بار مشهور للكل ولايحتاج تقييم تفصيلي هو من الأماكن المفضلة من حيث المكان والخدمة وجودة مايقدمه من أكل
هذي الفاتورة مع المشروبات
.
عليك بالعاافيه
يعافيك ربي
بالعافيه
البينك باستا مالتهم وايد لذيذه 😉
الله يعافيج
ما اعجبتني للأسف لكن الكل يمدحها بالفعل 🙂
مجمع spoons ؟؟ وين صاير هذا
عليك بالعافيه
إنت مثلي أنا ما حبيت البنك باستا.. بس باستا التشكن الفريدو جداً تعجبني وأتعنى لشوكليت بار بس عشان أكلها 🙂
مداخيل العافية يارب 🙂