مدونة أبوفلان تقنية ، أخبار ، تجارب شخصية ، مطاعم ، سياحة
عجبتني هذي الساعه من ارماني لقيتها في محلات أون تايم موديلها توه نازل وسعرها 129 دينار
بحثت عنها ماحصلتها الا في موقع الشركة الأم Link وسعرها 395 دولار تقريبا 111 د.ك بدون الشحن
هل الساعه حلوه تستحق الشراء ؟ ولا لا ؟
وهل فرق السعر يسوى أطلبها ولا لا ؟
.
الساعه حلوه ..
بس احس هالموديل راح وقته !؟
موديلات ارماني كثير منها بنفس الشكل من نوع الكلاسيك
وهذي موديلها يديد توها نازله
عاديه … والفرق ما بسيط وما يسوى “:)
مودتي …
أشكرك يا أحمد
ترا دايخ طوف البدلية على خير xD
طافت طافت 🙂
اذا عاجبتك وايد لا تخليها بخاطرك
وبالنسبة لفرق السعر انا شايف انه مايسوى تطلبها من بره واقل مافيها تقدر تستفيد من الكفالة من اون تايم
انا اشوف ان رايك صحيح ،
الفرق ما يسوى تستغني عن الكفاله ،
للأمانه توقعت فرق اكبر على أساس خبرت (مخباتي) بتجارنا 🙂
المثل يقول في المال ولا في الحال 🙂
يعجبني الي مايخلي شي بخاطره
فعلا الفرق بسيط ويمكن مع الجمارك ماتفرق كلش
شاكرلك
مابقى الا تشتري دلاغات وتقول عطوني رايكم
ياخوي يا ابو فلان
الله يخلي لك فلان واخوانه وامهم ومن يعز عليك
انا بصراحه انا اكتب انتقادي ليس لمجرد الانتقاد او تصغيرك او تصغير مدونتك
اكتب هنا لانك في الاونه الاخيرة تعرض مواضيع اصغر من انت تعرض هنا في هذه المدونه لاني اعتبر هذه المدونه مدونتي واستفدت منها
مو شرط انك تنزل كل يوم موضوع او اكثر اهتم بالكيف وليس بالكم
اسفين ثقلنا عليكم
تقبلوا احترامي
والله يا ثامر اذا كنت فعلا تعتبرها مدونتك فأنا طلبت رايك فقط سواء بموضوع او بدون موضوع ما اشوف الموضوع فيه خطأ أو انقاص لأحد
بالعكس المدون الذي يطلب رأي قراءه هو الذي يقدرهم ويشاورهم ومافيها عيب وانا أخوك
لكن أنت أعتقد تارك المدونة ومواضيعها ومتسلط على راعيها هذا موضوع قوي وذاك موضوع ضعيف ؟!
ربنا يحفظك
والله ياخوي الساعة حلوة وانا ذوقي عتيج في هالسوالف واحب هاموديل لكن ما احس انه مع الشحن راح يفرق السعر وايد صراحة … فإذا بخاطرك فيها اخذها من الكويت
تسلم ياسعود
فعلا الموديل البسيط والهادي احبه شخصيا << ذوق شيبان 🙂 أشكرك
والله يا اخوي ابوفلان
انا ما احب هالستايل من الساعات واعتقدد فيه افضل بهالسعر
بس الامر يرجع لرغبتك اذا داشه مزاجك توكل على الله
وفرق السعر ماتسوى تطلبها من بره خذها من اون تايم
صحيح سعرها يساوي سعر بعض ساعات اجنر 🙂
حلوه
و مثل ما قالوا ما تسوى تطلبها من بره
توكل على الله و اشترها و عليك بالعافيه 🙂
شاكرلج
وربي يعافيج
الساعه أراها جميله جدا و أكثر ماعجبني فيها هـو جلد الساعه أشعر أن فيه فخامه
وفي الحقيقه ايدك معطيه للساعه جمال
لا أبالغ فـ شكل عظم أيدك راكب على الساعه
أبو فــلان كم وزنك يارجل أيدك ضعيفه جدا هههههه
مع اني أشوفك تسولف عن المطاعم واجد
ههه والله ياعبدالله سؤالك لازم نخليه للمليون 🙂
الساعه مناسبة جدا لحجم اليد فعلا فلا هي كبيره ولا هي صغيره واخده حته يعني 🙂
وعيونك الحلوه
حلوه وناعمه
واخذها من أون تايم أفضل
مايسوى تطلبها
وعليك بالعافيه مقدماً
انا يعجبني هالنوع من الساعات بسيط مع بعض اللمسات البسيطه ايضا 🙂
ربي يعافيج يا أم عمر
يعطيك العافيه بوفلان لاحظت من ردك انك متحمس لاقتناء الساعه
انا اقولك توكل على الله و لا تخليها بخاطرك مثل ما سبقوني الاخوان
و بالنسبه للمواضيع اللي تاخذ راي متابعينك فيها اهنيك عليها صراحة
مو كل مدون يهتم بالمتابعين او يرد على كل ردودهم مثلك و هذا ان دل
فانما يدل على احترامك و تقديرك لهم و نشعر كأنه راينا مهم بالنسبه لك
فلك كل الشكر و التقدير و الى الامام دائما ً
ربي يعافيك
متحمس اي والله متحمس لكن فيه تردد 🙂
وأشكرك على كلامك الطيب راس مال المدونة زوارها ومتابعينها
ارضاء الناس غاية لاتدرك
على ساعة ” صينية ” ترا شوي غالية…
زيدهم ١٠ او ٢٠ دينار
واخذلك ساعة Burberry ” سويسرية “
كلامك صحيح لكن بربري عيبها اللون البيج الي كأنه لو مطارح البيت 🙂
جربت كذا وحده منهم ما اعجبوني للأسف
هالموديل مو حلو على ايدك ويبقى رايك الشخصي اهوا الفيصل ، وما يسوى بصراحة تطلبها عندي قاعدة لغاية ٣٠ دينار فرق ما اطلب من برا …
المهم ادخل على هالموقع راح يعرض اللي تبيه بكل المواقع مع أسعارها
Thefind.com
بداية كنت نفس الشي اذا الفرق مو زكثر من ٣٠ ما اطلب شي من بره
لكن تغيرت النظره وخاصه ان الشي اذا مو مستعجل عليه عادي لو يفرق خمس دنانير انا المستفيد
شكرا على الموقع
اولا ماله داعي تطلبها من برا
الفرق بسيط جدا
ثانيا
انا اشوف الساعه حدها حلوه وراكبه عليك
بس هذا ما اعتبره تقييم
لان الاكسسوارات بشكل عام ما اختارها إلا لمن اكون موجود
الحين انا اشوف الصورة بس مو واثق من الوان الساعه وانا متأكد انها غير على الطبيعه واتمنى انها تكون احلى
لان خلفية الساعه ما عجبتني
والموديل مستهلك
احلى ما فيها حجمها وعقاربها هذيلا صج حلوين وحدها راكبه عليك
ومثل ما قلت لك الخلفية نو وي
انا تعودت على شئ اسمه ركاده
الركاده زينه يابو فلان لاتخذها اليوم تحسف باجر
ماتدري ينزل موديل احسن ؟
تنزل الاسعار ؟
انا متأكد وواثق انك مو حاط ابالك ساعه شفتها جذي وخطرت على ابالك وانا ما اثق بهالاختيار < مجرد تخمين لانها وايد تصيرلي فصرت اقاوم حكه الايد هذي 🙂
هذي كانت وجهة نظري
وسواء بالساعه ولا بدون الساعه
بتضل ابو فلان الكشيخ الي نعرفك 🙂
سامحني يا ابو فلان ، انا صحيح من اشد متابعيك وانا اخوك ، لكن تجي عند الساعات ، اقوللك مالي فيها رأي لأني استخدم ساعة الجوال ^_^
بالتوفيق وملبوس العافيه يا رب
المدونه ممتازه جدا جدا
وانا في انتظار المزيد من الموضوعات المهمه
الساعة حلوة ولكم السؤال، هل أنت بحاجتها ام لا، هل فقدت ساعتك القديمة او اتلفتها مثلا وتريد شراء واحدة آخرى.
تذكر اخوة لك في الاسلام لا يجدون حتى قوت يومهم.
مع حبي.
حلوه وذربه توكل على الله واخذها بس ماتسوى تطلبها اخذها من اون تايم مو وايد فرق
و مبروك مقدما
ساعة جدا رائعة على ايديك يا بو فلان
وتستاهل كل خير ليس مجاملة بل من اخ الى اخوة
والله يبارك لك في حياتك ومالك وعيالك
ماانصحك فيها شكلها مو مقبول بالنسبه لي
كم فيها عقرب هذي ؟ خخخخ مامنها فايده العقارب
الثانيه .. بس تقولي عن السعر انصحك انك تشتريها
من شركه الام لأن الفرق 18 دينار والمبلغ فيه عشى
يعني الفررق مو 5 دنانير الفرق 18 يعني تعشيك برا
البيت لمدة يومين ^^_^^
أشكرك
تم ازالتها من القائمة 🙂
ماتستاهل وستايلها قديم
هونت عنها 🙂
السلام عليكم
احسن انك هونت
ساعه راقيه ولاكن مقلده بشكل كبير جدا
ستايل الكلاسيك ميزته انه لما يعجبك بشده تشتريه قبل لاتشاور احد 🙂 ويعجني كل شئ كلاسيكي بلا استثناء
قودلك بوفلان
سلام
شوف اخوي ابو فلان يقول المثل الرغبة تحتم الثمن هذا اذا راغب الشي لا تشاور خذ ولا تفكر بانتقاد الجميع لان هذا رغبتك الشخصية محد ينازعك عليها الا ما حرم الله اما اذا مشوره فهذا له تفصيل آخر
1. الساعات الان تعتمد على الكشخه وليس للوقت لان الغاية السابقة انتهت بعد الهواتف النقاله.
2. مشكلة الساعات الان قلت بها الجودة كما كانت بالسابق.
3. الان فيها ساعات جميلة جدا تعتمد على التكنولوجيا مثل ساعة IPod Nano او MotoACTV ما دام انت من أهل التقنية
وانت لك حرية الاختيار
حبيت اشارك بس متأخر شوي
لك تحياتي
تحياتي
شفتها قبل اسبوع بموقع بالنت وسعرها صفقه ٧٥ دينار
وانا طلبت غيرها بسعر ٧١ دينار ومع الشحن واصل للبيت
والدفع عند الباب ٨٢ دينار
وشكرا
اعتقد تصنيع الصين ؛ ماتسوي هالسعر ، روح بهبهاني وطق لك ساعه سويسريه اخسن منها واعتقد عندهم تنزيلات بمجمع بهبهاني واسعار حلوه وشي اصلييييييي
أخوي أبو فلان
بصراحة الساعة صارت أغلى من لبستها، توكل على الله.
بصراحة مررة غاالي …
ما ذكرت لنا مميزاتها