مدونة أبوفلان تقنية ، أخبار ، تجارب شخصية ، مطاعم ، سياحة
أصدرت اليوم وزيرة التجارة أماني بورسلي قرارا يمنع أصحاب المطاعم والمقاهي من تحصيل اي رسوم اضافية على فاتورة العملاء على شكل ضريبة خدمة أو غيره
تص الخبر :
من جانب آخر اصدرت الوزيرة بورسلي قرارا بمخالفة جميع المطاعم والمقاهي والمحلات التجارية التي تفرض رسوما عن الخدمات التي تقدمها للزبائن والتي تفرض حدا أدنى لقيمة الطلبات او مايعرف ب (مينيمم تشارج) وهو نظام تطبقه بعض المطاعم والمقاهي العاملة في البلاد.
ويحظر القرار على اصحاب المطاعم والمقاهي او غيرها من المحلات التجارية تحصيل اي رسوم او مبالغ اضافية على قيمة السلع او البضائع او المواد او الآلات التي يبيعونها أو الخدمات التي يؤدونها تحت اي مسمى ولاي سبب من الاسباب.
ويلزم القرار اصحاب المطاعم والمقاهي والمحلات التجارية بوضع قائمة او اعلان ظاهر او اي طريقة اخرى تحددها تلك المحلات تتضمن اسعار المواد او البضائع او السلع او الآلات التي تبيعها في مكان بارز من المحل ويعد اي رفع مصطنع لاي سلعة تقدمها هذه المحلات مخالفة يعاقب عليها القانون.
الخبر اليوم والمصدر : كونا
خطوة جميلة ورائعة المبالغ التي يتم تحصيلها كثيره تصل أحيانا الى 15 ٪ من اجمالي الفاتورة
القرار موجود من قبل ولكن يحتاج تطبيق ورينا شلون بتطبقينه بديرة البطيخ يالبطيخه
لو فيك خير جان اشتغلت وتعبت وصرت وزير وقعدت تعدل ديرة ” البطيخ ” على قولتك .. مو احسن بدال قعدتك طرطنقي جدام اللابتوب تتحلطم وتاكل من بنك بيري ؟
كل احترامي لك ولكن اعتقد ان ردي مناسب لردك استاذي
اقول عزيز جان شديت حالك وصرت وزير انت!
انا مالي شغل بالموضوع بس ردك يرفع الضغط!!
عالعموم انشالله يفعلون هالقرار ومايكون حبر على ورق مثل اغلب القرارات
ياخوي في فرق كبير بين اني اقعد بحالي واتمنى لديرتي الخير واتمنى القرارات تتطبق وتمشي بالشكل المطلوب ..
وبين اني انتقد الديره وانتقد الي يحاول يصلح فيها واجزم ان القرارات راح تكون فاشله
اعتقد ان الافضل له يجتهد ويصير وزير ويورينا القرارات افضل من ان ينتقد الوضع بشكل بارد واسلوب ساخر واهوا قاعد ابيتهم بدون أي محاولة اصلاح !
الأخ خالد والأخ عزيز والأخ عبدالله
نعم الكويت تعاني من كثرة القوانين دون تطبيق وهذا الشيء لا يختلف عليه أحد في الكويت
وهذا القرار نتمنى تفعيله وعدم وقوف التجار ضده والضغط لالغاءه او تهميشه
القرار يحتاج من يطبقه على ارض الواقع وينفذه بالشكل المطلوب
ويحتاح ايضا وعي من قبل رواد المطاعم برفض دفع اي زيادة
اتوقع يا ابو فلان انه 15 % رح تتوزع على اسعار المينو. واتمنى ا نه هذا ما يصير.
على رايك
لانهم حتى لو منعو .. راح يستغلو القرار بصالحهم
ويرفعو الاسعار وتتضاعف مكاسبهم
بالضبط هذا الي اعتقده انهم بيرفعون السعر وبيصير بدال الضريبه ضريبتين بشكل قانوني 🙂
اول شي اوجه الكلام حق الغنيم الحرامي الي موصي موظفينه ماينشال السيرفس لو شنو.. قايلهم حتى لو اطلبو منكم لاتشيلونه مادي شاد الظهر بمنو .. اتمني هذا قبل القرار بس الحين مافي هالشي
المفروض الوزيره بعد القرار تراقب تطبيقه على ارض الواقع والا يصبح كأن لم يكن
صراحه ما عرفت الموضوع بوضوح المقصود الminimum charge ولا رسوم الخدمه
وبعدين أكو مطاعم تبيع آلات؟مثل شنو ؟
والله المطاعم تستغلنا أستغلال شنيع ولاالمصيبه يرفعون الأسعار على كيفهم وبشكل ملحوظ بس منو يكلمهم < والله استحي اعلق بعدين يقولون شنو ماعندها فلوس
المهم يطبق
ننتظر التنفيذ
abdullah على راسي والله
و بصراحة أنا واحد قلييييل آكل بمطاعم التفلسف, ماكدونالز و مش حالك بس عاد ربعنا ليش التحلطم الزايد, هي مرة في الأسبوع تودي أهلك مطعم كشخة أو تعزم ربعك, مو كل يوم!! فيكم خير لا تقطون دينار ولا دينارين على قهوة من ستاربكس يبا حياكم الديوانية أحلى قهوة بلاش لين تطلع عيونكم لكل عشاق الكافيين!
موكا و فراباجينو و مدري منو يا عمي صلوا على النبي بس
هالخبر قبل شوي بجريدة الوطن
http://alwatan.kuwait.tt/articledetails.aspx?id=147828
ياااا ريت ينفذ
انا اتوقع هالقرار هذا يتطبق ولا مايتبطق نفس الشي
لان مبلغ الخدمه او السيرفس سواء 10٪ او 15٪ راح يزيدون فيه أسعار الطلبات او الاطباق الى راح تطلبها على كل طبق يزيدون نسبة وبالاخير يطلع اكثر من الخدمه الى راح ياخذونه وشرط مع الايام يبين كل شي زياده أسعار بالمطاعم .
مو شرط زيادة قبل يزيدون الحين صايدينكم يقدرون ينقصون %5 ولا مهما كانت السيرفس شارج الأكل ولا احد بحسو لأنه كله تطلبون اكبر شي.
إليوم عاد رحت اتعشا بفرايديز شارع الخليج يوم خلصت و طلبت الفاتوره
قالت لي الموظفه انه من اليوم على شان الزباين شلنا ماكو ضريبة خدمه
قلت لها انتوا اللي شلتوها جان تقول الظاهر فيه وايد ناس مشتكين علينا 😀
والله يابو فلان بوق موطبيعي المطاعم اللحين هارديز اذا بيوصل اذا حط اعلان بلجرايد يقول خدمه توصيل مجانا ولمن تطلب يطلع ﻻزم تدفع 250 فلس !! وبيتزا هت ﻻزم تدفع 350 فلس اذا ماخاب ضني وبرقر كنق اذا معاك بطاقه الخصومات مالت الجامعه. يخلون الوجبه الاطفال موشامله البطاقه وﻻ ازيدك من الشعر بيت من يكون سعرها 900 فلس يخلونها دينار و150!! شي موطبيعي صراحه وياليت يكونون بلمستؤى المطلوب !! اخس مطاعم عندنا والله بمصر تطلب ماكدونلدز بـ ربع ساعه واصل عند الباب واذا طول فوق النص ساعه تاخذ الطلب ابلاش ؛_) ويعطيك العافيه بو فلان صراحه من اقوئ المدونات مدونتك ؛*
الأصل بالمطاعم والفنادق العالمية
تكون نسبة الخدمة للموظفين الي خدموك
وتكون للموظفين كحافز لتقديم أفضل ما لديهم
لكن وللأسف الحاصل عندنا بالخليج أن الي يشيلها التاجر
هذا باي ديره ؟
يمدحون المطعم الهندي مشرف قطعه خمسه خخخخخخخخ