مدونة أبوفلان تقنية ، أخبار ، تجارب شخصية ، مطاعم ، سياحة
بعد موضوعي عن تبديل كمبريسور سيارتي تيوتا اوريون وصلني رد من حساب مجموعة الساير على تويتر يشرح سبب غلاء الكمبريسور
وكعادة الكثير من الشركات تم تعليق سبب ارتفاع السعر بالتضخم العالمي !!
أشكركم على الاهتمام والرد فالتواصل مع العملاء والاستماع لهم شيء ايجابي 🙂
لو ابيع سيارتي على سعر قطع الوكالة اطلع سعرها دبل
ّّتجار الاستغلال و الجشعّّّ
شيء طيب المتابعة من الشركة
و إن شاء الله يكون هذا الشيء دائم
والله يعينك على الخرابات
تحياتي
المتابعة شي طيب يا هورنت .. بس لو مو رادين على بو فلان احسن .. لإن ردهم يفشل .. قال التضخم العالمي قال .. الله يهداهم هذا والساير اذا ماني غلطان الوكيل الوحيد بالكويت ويسوي جذي .. شخله لغيرة
تواصل وإهتمام جيد من الشركة ..
لكن مهما صار، لا عذر لهذه الأسعار ..
فدول الخليج هي مستهلكة بنسبة كبيرة للسيارات اليابانية وتحديداً تويوتا ..
كل مايكون الموديل قديم يكون سعر قطع الغيار أعلى!
هالعبارة صحيحة لو كان الموديل ٩٧ مو ٢٠٠٧
٢٠٠٧ تعتبر جديدة ولا ينطبق عليها هالكلام
السلام عليكم
اول: المشكلة ان التجار على بالهم التاس ما يفهمون. الين من العملات المتضررة نسبيا بسبب الزلازل و قلة الاستثمار بالعمله
ثانيا: التاجر ما لازم يقارنه بالسوق المحلي لان اهو مو مصنع اهو يايته السلعه بتكلفة معينة و اهو وكيلها الحصري بالكويت فلا يقولي اقارنه لان ما تقارن تويوتا مع بي ام دبليو ولا بنيسان
ثالثا : التضخم ؟؟؟!!! ماكو تضخم عالمي و سوق السيارات المفروض ينزل من التنافس و القطع كل ما قدمت السيارة يقل الطلب على القطع انا معاه بس همن تقل الطلب عليها فالوكيل و المصنع ينزل السعر يمشي ستوكات انا سيارتي همر اتش ٢ سعر القطع ارخص من اول.
سامحونا طولنا بس موضوع شيق
شكرا للبلوق و ابوفلان ادمان 🙂
صحيح ان تواصل الشركة مع العميل شيء طيب ويدل على تطور خدمات الشركة . لكن لو نرجع لموضوع أسعار قطع الغيار نجد أن السعر مبالغ فيه خصوصا ان السيارة يابانية والهدف منها ليس الكشخة بل الاستعمال الثقيل (الكرف) نجد الآن بعض قطع السيارات اليابانية بدأ يضاهي سعر بعض القطع من السيارات الألمانية بل ويفوقها أيضاً .. اللي أبي اوصله اذا سعر كمبريسر اوريون جذي اروح اشتريلي موتر ألماني واكشخ فيه ويمكن الالماني يتحمل الكرف اكثر بعد .
اول شي
كمبريسر الاوريون ٢٠٠٧ نفس ال ٢٠١٢
وثاني شي
اذا كمبريسر الاوريون ٢٨٠ مايندى اذا مع التركيب ولا بدون التركيب
عيل كمبريسر اللكزس بجم ؟
ترا اقصاها تيوتا بس النصب اشلون صاير؟
ارجع قول حق الساير بلا حجي فاضي وجذب
2007 تعتبر جديدة وخصوصا انه ماتغير فيها شي عن موديل السنة اما الين وخرابيطهم ترا عيب الكلام هذا
لا طبعا رد للاسف غير منطقي وبعدين الساير رفع كل شي عندة من اسعار السيارات الي التواير الي قطع الغيار
مثال
سيرفس 40 الف لكزز من قبل افتتاح معرضهم الجديد سويته 80 دينار الان احد الاصدقاء الاسبوع الي طاف نفس السيار ةو المديل سوا السيرفس 145 دينار هههههههههههههههههههههههههههههههههههاي
والله نصب واحتيال الفاتورة لل سيرفس لنفس السيارة علي 40 الف ولما تم المواجهه بالفاتورة القديمه والحديثه طلع الف عذر وعذر نصااااااااااااااااااابين
الأوريون 2007 تعتبر جديده للحين ماتغيرت قصة الأوريون اللهم فروقات بسيطه
صراحه مو مبرر هذا انه السياره قديمه
الأوريون 2007 تعتبر جديده للحين ماتغيرت قصة الأوريون اللهم فروقات بسيطه
صراحه مو مبرر هذا انه السياره قديمه
مع تجاربي مع السيارات القديمه وبالاخص المرسيدس , قطع الغيار ارخص من الجديد طبعا الاصلي
مع تجربتي بين التويوتا والهوندا
فرق بين وكيل الهوندا والتويتا، فرق كبير بكل شي حتى بالسيارة
ماراح اسولف أكثر علشان ما نقلبها مقارنة ومدح 🙂
سؤال برئ جدا :
ليش الشركات الثانيه ما صار فيها زياده في الاسعار وقله في المواصفات نفس تيويتا ! مثل هونداي مرسيدس بي ام بنتلي ؟
“”عذرا اقبح من ذنب””
وكيل تويوتا فى كويت
لة سوابق فى رفع الاسعار ومبرر دايم سعر الين
ولا يغرك متابعة ترا هذى شغلتهم
مو منة علينا
أما السيارة قديمة فسيارتك لو حتى كانت صناعة سنة 2000
تعتبر مو قديمة خصوصا فى سوق قطع الغيار
روح شوف مرسيدس واسعارة لما سيارة يمر عليها اكثر
من 10 سنين تبدا ترتفع أسعار خصوصا لليابانى
أما الماني فيبدا ينخفض بتدريج
الياباني صاير اردى نوع بالسوق .. الحين الامريكي يتفوق عليه وطبعا مع غض النظر عن الالماني الي لا يعلى عليه كاستخدام وهيبه وكرف
حبيبي رهم اي كمبريسر وعندك متاريس بشرق ملك التكيف ومعروف ومايقول لا وعلى فكره يتجفت بس بالكويت تنابله ، بلا الساير ولاسلة العملات العالمية مالته