مدونة أبوفلان تقنية ، أخبار ، تجارب شخصية ، مطاعم ، سياحة
الكل يعاني من قصر شاحن الآيفون على خلاف شاحن نوكيا الي تشتريه بالمتر 🙂
توجه الى أي محل كهرباء واشتر واير المسجلات القديمه الكل يعرفه وواضح بالصوره لكن بشرط ان يكون شاحنك من النوع نفس الموجود بالصوره اما بو ثلاث روس ماتنفع معاه هالطريقه
شيل القطعه الي تكون راكبه ع الشحن الي تدخل بالبلاك وركب الواير وتمتع 🙂
لكن احرص على النوع الجيد من الوايرات حتى يتحمل الحراره شكرا كويت بنغ للتنبيه
تحديث
هذي وصلة تصلح للشاحن بو ثلاث روس ارسلها لي الأخ عبدالعزيز
فكره ممتازة .. وللعلم .. الواير الاسود في أنواع .. لا تشترون بو طقه لانه اذا خليته بشكل دائم على الكهربه يذوب وبعدها يكهرب الاطفال مثل ما حصل معاي ..
الواير الاسود ترا في أطوال معينه في متر وفي مترين ..
فكرة جميله وطريقة فعاله اخوي
شكرًا لك وشكرا للأخ q8ping
تحياتي
فكرة حلوة ..
وبالنسبة للشاحن الثاني بو 3 روس في طريقة لتطويله ، وهي انك تشتري الوصلة اللي راس يو اس بي والراس الثاني اللي يتركب في اليو اس بي ..
وتوصل الواير الابيض فيه :)) ..
يابوفلان واير يو اس بي وخلاص نفس اللي يجي مع وصلة النت حقت فيفا
واير اليو اس بي كل ماطال قلت سرعة الشحن
جربت واير بو ثلاث امتار طلع خرطي
عن تجربة ما انصح بهالطريقة
اهي تنفع لكن مؤقت
انا كنت مجربها وكانت تمام لمدة ٣ شهور وبعدها الشاحن بكبرة اخترب
الله يبشرك بالجنه 🙂
لا ان شاء الله يطول
روح حولي و دش اي محل كمبيوترات و قوله ابي واير يو اس بي كونكتر مال الراوتر اليو اس بي مثل مال اي قو او مال فيفا قيمته ١٥٠ فلس و اذا كاسرته يعطيك الواير ب ١٠٠ فلس و يركب على النظام الامريكي و الاوروبي و لا تعور راسك مع واير يحتر و يذوب ومادري شنو و تخرب جهازك على الفاضي و هذي صوره للواير انا مركبه اكثر من سنه و مافيه اي مشكله :-
1- http://i255.photobucket.com/albums/hh129/Lion_eyeZ/my%20wire/photo1.jpg
2- http://i255.photobucket.com/albums/hh129/Lion_eyeZ/my%20wire/photo2.jpg
3- http://i255.photobucket.com/albums/hh129/Lion_eyeZ/my%20wire/photo3.jpg
——————————
ممتاز جدا ويعطيك العافيه على الصور
لكن المشكلة كل ما طال واير اليو اس بي قلّت سرعة الشحن لكن اطالة واير الكهرباء ماتأثر
وانا جربت واير بو ثلاث امتار الله وكيلك 5 ساعات يالله يفول التلفون
عرفت الحين ليش واير شحن منتجات ابل قصير على عكس على قولتك واير شاحن نوكيا 🙂
حركاااات
بااجر بروح أحوووس بالوايرااات
وان ماشفتني بالمدونه خير شر ترحموا علي ياجماعه
تشكراتي لك وللاخواان اللي أفادونا
عاد قسم اول ماشريته وشفت الواير صفير وشفت راس التوصيله
ع طول قمت و اخذت واير المسجل وسويت الحركه هذي
يعني تقدرون تقولون هذا الطلعت فيها بس بدون حفض الحقوق
كلش ماطرت على بالي
يبيله انجربها بالاماكن اللي انعاني من البلاك البعيد