مدونة أبوفلان تقنية ، أخبار ، تجارب شخصية ، مطاعم ، سياحة
وصلتني هذه الصوره من الأخت Ansam518 وهي لطفل لايتجاوز عمره ال ١٢ سنه يجلس في عز الحر في منطقة بيان ليبيع البطيخ ويستظل بظل شجرة
وغيره الكثير ففي منطقتنا اثنان منهم وفي مناطق أخرى ومن يتجول عند الاشارات وبين السيارات ليبيع العاب الأطفال وكلهم صغار سن
شخصيا أعلم أن الحاجة هي التي دفعتهم لهذا وكان الله في عونهم لكن لماذا يتركونه اهله بهذا العمر ؟! تفسيري والله اعلم بصحته هو لسهولة خروجه في حال تعرضت لهم الشرطة او البلدية الذين يتعسفون كثيرا في معاملة هؤلاء المساكين
اتذكر واحد من الربع سأل واحد من الي يبيعون العاب سؤال (لقافه) جم تطلع باليوم رد ٣٠-٤٠ دينار على حسب الرزق
من ناحية المربح الله يزيدهم فعلا يطلعون والتجارة دائما بركة
لكن بهذا السن خطر عليهم مع أننا بالكويت نعيش بأمن لكن الحر والشمس مايرحمون
في واحد بمنطقة سلوى مرات امر عليه بعز الحر قاعد يبيع يكسر الخاطر والله يعينهم
الله يكون بعونهم
المسؤول عندهم اهاليهم
والله يعونك بعونهم
يعني الدولة لازم تشوف لها حل للمشكلة هذي
انا ولله ما ادري اتوقع الكويت تبي تجيها مشكله من سالفه البدون
العدد بزايده
يعني يا تجنس يا ترحل
والدوله ادرى بمن يستاهل الجنسيه زهقنا واحنا نقول الي شاركو بتحرير الكويت والي صارله فوق 30 سنه خدمه بالكويت والتجنيس بالكويت خلها على ربك مثال :
التمثيل يعتبر من الاعمال الجليله ! يجيك باكستني يمثل ويعطونه الجنسيه وصار كويتي
والي يخاطر بعمره ويضحي ما يعبر عمل جليل
شنو تبونه يسوي اكثر علشان ياخذ الجنسيه ! يمثل بفلم حربي مثلا ههههههههههه
وخلاص ما راح اتكلم بهذا الموضوع مره ثانيه زهقت
تحياتي يا بو فلان 🙂
بو جااسم كلامك ذهب والله ذهب
هم مشكلة اهملتها الحكومة الى أن كبر حجمها
وفيه ناس ماتسوى عطوهم الجنسية
الحكومة ليست ليست في وعيها
اولأً تحيه لبو فلان لاني احب اتابعه
بعدين وربي كثرو عندنا بمنطقة مكه ولما تسال غالبا افغاني او افريقي
والمشكله اذا جا طفل وفوق مو متمتع بطفولته جالس تحت الشمس
يعني لو المراكز التجاريه مثل بنده او مثل جرير واكسترا ” عندنا بالسعوديه ” وغيرهم استفادة منهم
في توصيل الاغراض لسيارت العميل او تسويق منتجاتهم صدقني بيطلعون دخل ثابت وفي امكن امنه لهم ويستفيد صنعه على الاقل او مع جانبها يتعلم بمدرسه
لكن انشا الله تتعدل امورهم الماديه ويفتكون من ها الشمس
وتقبل تحياتي ابو فلان
عاد مكه حدث ولا حرج عند كل مخرج فندق تلقالك ١٠ والله المستعان
الفقر و الجوع
الله يبعدكم عنهم
مساكين الله اعلم بحالهم والواحد يحمد ربه علي النعمه
لا يبتلاء
اللهم آمين
لو الحكومه تحل مشكلتهم ماتحصلهم في الشوارع تحدهم على هالشي هذه الطفل لو يقدر يدخل مدرسه ويتعلم ويعيش طفولته ماتحصله يبيع رقي لو الحكومه توفر ل ابائهم وظايفه ويترزقون الله ماتحصلهم يخلون اعيالهم بين الشوارع والاشارات ترا الله وحده اعلم في هالحلم لازم حل عادل ومنصف مستحق اهلا وسهلا غير مستحق قوله وووره ثباته لكن من غير تزوير
ياناس خافو الله والله انه هالفئه تنظلم وشنو ذنبه المستحق تحرمه وتخليه يعاني على حساب الغير مستحق
صدقت
لو تخلق لهم فرص عمل فقط ما اضطروا يتشمسون بهالشكل
لا حول ولا قوة إلا بالله
للعلم فيهم الصادق وفيهم المتلاعب ، وضاعت الصقلة بالديرة عندنا
على العموم ..
الحمد لله على كل حال
نعم صحيح هناك من استغل هذه القضيه لكن الحكومة تعرف المظلوم من المتلاعب بس اعتقد انها تعمدت تعطيل الجميع
الحمد لله على كل حال ؛ والحاجة الي خلتهم يبعون وهم لسه صغار
هذا المسيكين احسن من المتسولين ع الاقل قاعد يبيع ويشتغل
الله يكون بعونهم والله يكسر القلب
لا حول ولا قوة الا بالله
لا حول ولا قوة إلا بالله
كان الله في عونهم
آمين يارب
عاد تصدقون انه هذا يم بيتنا ، وكل فتره يتغير الي يبيع مره ياهل مره واحد كبير