صورة وتعليق

. معاشه ٤ آلاف وكاتب كتاب عشان آيباد الله يخلف علينا ! . . شكرا يالجارد .

. الظاهر عنده برودكاست عن القنص ومضبط القروب بعد هالصوره اذا عندك بلاك بيري وواحد سألك : وش أنت من الطيور ؟ قوله صقر . واذا عندك آيفون وواحد سألك : وش أنت من الطيور ؟ قوله angry birds 🙂 . .

. صج لي قالولك انتبه يعني انتبه الأخ بيوقف عند الإشارة واقف ومتعدي كل الخطوط زين ماصكر اللفه على الناس ! . . شكرا الوهيبي .

. ربما يكون احد أسباب تمادي أصحاب قناة سكوب هو ظنهم أن صلتهم بآل الصباح تسمح لهم بخلق الفتنة والطعن في الناس ونبش الماضي !! . .

. . شكرا بوبدر .

. قريبا جدا مطعم ” زرزور ” العراقي , مقابل مطعم ” تويتي ” الكويتي 🙂 المطعم راح يفتح بجانب مطعم الطبق الجميل في منطقة حولي وإن شاء الله يطلع كللش زين . .

. كل شي يشبهه لكن ايده ماتطول ولا ريوله 🙂 كان أقوى مصارع بالنسبة لي يطق من بعيد وماتلحق تمد إيدك عليه 🙂 . . .

. بعد موجة ارتفاع سعر الطماط في دول الخليج أصبحت صور الطماط تثير الناس وتغريهم 🙂 . . ويقال أن وزارة الإعلام في الكويت ستمنع عرض المسلسل الكرتوني ” طمطوم ” بسبب استفزازه للشعب الكويتي 🙂 .

. في مستوصف منطقتنا المبجل التفت الى هذه المخطوطه والتي لن تعتقد عند قراءتها من أول لحظة الا أن يكون كاتبها إما بالمرحلة الإبتدائية أو باكستاني يجبد التعامل مع برنامج الوورد . . البدليات : الغرقة = الغرفة يوما = يوميا معادا = ماعدا بعدين كلمة صباحا الأولى مالها داعي 🙂 .

. . ماكو الا ظفري شسويت فيه وشنو صبغته 🙂 وآخر ستكر نزل السوق وكل شوي حاطه ايدها الجلحه هههه ما اعتقد بنات هالوقت يفركون ايدهم بليمون بعد الغدا 🙂 كل وحده يمها صبغ من تخلص غدا تروح تغسل وترجع تزيد الصبغ . أتوقع باجر تصير أظافر البنات وسيلة من وسائل الإعلانات للشركات يسوون إعلان صغيرون وعلى كل ظفر دعاية …