آخر فضائح الدفاع المدني السعودي !

 

البعير كان عايش اذبحوه 🙂

 

httpv://www.youtube.com/watch?v=T0VadtExfWQ&feature=player_embedded#at=233

Link

 

38 تعليقات

  1. لا حولة ولا قوة الا بالله قمة الغباء

  2. لما رفعووه المفروض يسحبونه لهم عالارض حتى لو طاح

    أم الغبااااااء 

  3. اي والله شفتها اليوم بالتوتر واحد حاط المقطع وسوى تعليق عليه قطع بطني من الضحك

    ياخي وقسم بالله ربعنا هذولا عليهم طلعاات
    ودك تحشرهم وتمغطهم بالعقال

  4. ياخي اشفطوا المويه قبل كل شيء وبعدين واحد ينزل في الحفره ويربطه صح وخلصنا ..

    قتلوه الله يغربلهم

  5. اولا : اشكرك على المقطع ( لعلمي انك لست من كتبت العنوان)
    ثانيا ارى استفزاز في عنوان الموضوع .

    انا لا اقول انه لم يكن خطأ (غريب )ولكن جملة” اخر فضائح” اين الفضيحة في الموضوع هل الفضيحة محاولتهم للانقاذ ام اصبح اي خطأ نستطيع القول عنه ((فضيحة)) واين فضائحهم السابقة كي نستطيع القول انها ” آخر فضائح الدفاع المدني”

    ثالثا: هل  

    • ما فيه شي ثالث (( بس من الحماس شوي)) 

    • ما تعرف اسلوب التشويق 🙂 هذا هو

      نعم فضيحة عندما يفشل دفاع مدني بانقاذ بعير كان حي وثم يقتله وباستخدام حفارة وحبل مخيم !! اذا هاذي مو فضيحة أجل شنهي الفضايح ؟

  6. احس هالموضوع استفزازي اكثر من اي شيء آخر
    وخصوصا ً العنوان، انتق الكلمات لو سمحت
    بعدين كل مدونتك اكل وابل ومقاطع “سعوديه” طنازه

    فاحترم نفسك واحترم الدول الاخرى المجاوره،وراس مال هالمدونه ” الزوار” فلا تخسرهم بإختيارك للتدوينات هذي وبالاخص الكلمات الي في التدوينه.

    شكرا ً

    • والله يامشاهد ولله الحمد الموضوع الي قبل هالفيديو مشروع لشباب من السعودية والفيديو يصور دفاع مدني لأغنى دول العالم يستخدمون حفاره لرفع بعير وثم يقتلونه هل هذا يعتبر فضيحه ولا فعل يستحق التصفيق

      سواء بالسعوديه ولا بالصين بيكون نفس العنوان

      وأخذ الأمور بحسن الظن أفضل من انك تهدد براس مال المدونة تقول داخل شركة المراعي بتسوي مقاطعه 🙂

  7. لا بصراحه يعني ابو فلان مش غلطان لان ديه فعلا فضيحه المفروض الناس ديه تكون متدربه على انقاذ اي حاجه وبعدين الموضوع ماهو ب فيزياء اسحب الجمل لفوق والناس تشد الحبل ويقع على الارض مش يضرب غطس وما يطلع تاني ومحدش فكر ينزل وراه لان الناس ما يهتمون هايقولوك حيوان بصراحه عادي لان فيه ناس كتير مش بترحم الناس ف عادي اكيد مش هاترحم الحيوان بس هو فعلا مقطع غبي واللي مصور غبي واللي واقفين كلهم اغبياء. من الاخر كده ابو فلان مش غلطان والى الامام يا ابو فلان

  8. مسكييييييييين شلون مات على كل حال لكل شي في الحياه خلقه الله اجل وهذا اجله

  9. عبدالله الدوسري

    تصحيح ياشباب للانصاف هذول مش الدفع المدني والعسكري اللي واقف معهم هو اللي سبب لخبطه عند الناس والشيول اللي استخدموها ماهي من اللي يستخدمها الدفاع المدني ونوعية الحبال المستخدمه وهذا مهو دفاع عنهم بس توضيح واللي نزل الفيديو هو سبب اللغط بتعليقعه والادعاء انهم الدفاع المدني وبيني وبينكم هذول شلة دلوخ والحاشي كان بيطلع نفسه لو عاونهو شوي ولا هو في حاجة شيول ولا احبال

  10. مرحبا اخواني ..

    بصراحة أول مرة أشوف عملية إنقاذ بهذه الطريقة ، وخاصة أنني عملت في الدفاع المدني لست سنوات في الإمارات ، لكني استغربت من عدم المبالاة في عملية الانقاذ ، بالله عليكم في حد ينقذ جمل بالحبل ، هذا الحبل بروح لا يقطع بطن الجمل ، وبعدين بالمرة ما في تنسيق وترتيب ، عمل عشـوائي بصراحة ..

    والله عور قلبي الجمل ..لا حول ولا قوة إلا بالله ..

  11. وإذا كان الميموني قتل من راعي اليوكن وراعي اليوكن لا زال حرا طليقاً متلحف في فراشه بقصره فهنا نقدر نقول هذي فضيحة دولة .
    و حينما تفتح قناة من كويتين وعلى أرض الكويت تسمى (اسمع يافهد) هدفها السب والشتم في أحد أبناء الأسره الحاكمه ويتم فتح القناة للإساءه إليه فهذه فضيحة دولة وفضيحة قانون وفضيحة كيان
    والله إنها فضيحة من العيار الثقيل أن يتم فتح قناة للإساءة لشخص من الاسره الحاكمه والجميع ملتزم بالصمت.
    وين راعي اليوكن عن الي سب ولد عمه ولا رجال يذبح الناس عشان بنت ؟!؟!
    وإذا كنت شجاعاً نزل الرد هذا ، ولكني أعلم تماما انك ماراح تنزله لانك تملك الشجاعه بالتعدي ولا تملك الشجاعه بمواجهة ردة الفعل على تعديك ، حينما تضع عنوان آخر فضائح الدفاع المدني السعودي فهذا معناه ان هذا الفديو هو سلسلة لعدة فضائح حصلت بالماضي و هذا آخرها ، وكأنك تتشفى بجهاز رسمي من أجهزة الدولة وتسيء إليه ، المشكلة ان الفيديو خطأ فردي من أحد أفراد الدفاع المدني كيف عممت على جهاز كامل ووصمته بآخر الفضائح ، يابوفلان والله عنوانك يخلي عديم القلب والاحساس يستفز ويتنرفز ، عممت بشكل سطحي على الدفاع بأكمله بلا وجه حق فقط من فيديو واحد ، المشكلة والبلاء في العنوان ظهرت به وكأنك تتشفى من السعوديه
    وفي النهاية الله يرحم الشيخ جابر والملك فهد ويحفظ أمير الكويت الشيخ صباح ويحفظ الملك عبدالله اللهم آمين
    وانا لدي توقع كبير بأنك راح تحذف ردي ولن تنزله
    ودامت لك حسن نيتك وتدوم لنا نظرتنا للأمور فلا تحشر حسن النوايا في الموضوع فعنوان هذه التدوينه يضرب بحسن النوايا الحائط ويدعس حسن النوايا دعس ولن يكون هناك مجال حتى بالتفكير فيها

  12. والله تدوينتك هذي يابو فلان اصابتني بصدمة وصداع فعلا لم أتصورك يوماً هكذا ، مدونتك ياسيدي الفاضل في مفضلتي ادخلها يومياً مع صفوة المواقع ،أرجوك لا تمس أحد أجهزة الدولة فأنت تسيء لجميع السعوديين أرجوك .
    انتقد بمنطق خذ راحتك ، حط فيديو خذ راحتك ، بس عيني عينك تعنونها بـ(آخر فضائح) قويييه يابو فلان قوية قويه يالغالي قوويه .

  13. صدق من سماهم الدفاع ” المندي ” .
    هذولي اللي بينقذوا ارواح الناس !

    استمر .. ونحن متابعينك 🙂

  14. لا حول ولا قوة إلا بالله
    والله قمة في الغباء محاولة الإنقاذ هذي

  15. الشباب إلي طاروا على عنوان التدوينة :

    أولاً : أشكر لكم وطنيتكم، وهذا إن دل فإنه يدل على حبكم للوطن.

    ثانياً : سعودي، كويتي، مصري، ….. (عربي مسلم) إلخ العنصرية خلوها شوي على جنب وخليك في المضمون، فلو مدح أو ذم فهذا تعبير شخصي لا يرفعنا شأننا ولا يخسف بنا.

    ثالثاً : إذا كان كل من علق لدية مدونة ورأى شيئاً يخص دولة أخرى لكتبنا بنفس الطريقة.

    رابعاً : إذا وقفت على البعير فهذا يهون، يمكن نسيتوا قصة فتاة الطائف إلي أستمرت 12 يوم علشان يخرجونها http://goo.gl/WiKlF

    خامساً : توقعوا في أي تعليق راح يسألون وين هذا ؟

    ——————————————

    نرجع للموضوع الأساسي. أتفق مع حل الأخ “أسير ” تماماً.

    ودام إنه غرق ومات، كان حفروا حوله وحطوا الحطب وشبوا النار وطبخوه خخخخخخ

  16. والله فضيحة بمعنى الكلمة
    للعرب مش فقط للسعوديين

  17. لبسهم مو لبس الدفاع المدني !
    ومو هذي معدات الدفاع المدني أجل حبل أي كلام وشيول بناء
    أتوقع كلام أخوي عبدالله الدوسري صحيح

  18. قمة المصخرة والتخلف بحبل غسيل ملابس بطلع بعير هذي اسهل مهمه لهم عشان يعطونهم نوط الشجاعه لكن راح عليهم النوط اغنى دول العالم جذي تنقذ حيوان وبهالسهوله كافي ياعرب متى تتعلمون

  19. سبحانك ربي قال تعالى واصفا نبيه :”وما ارسلناك إلا رحمة للعالمين” والعالمين جمع عالم فتشمل عالم الانس والجن والحيوان والنبات وفي سيرته العطرة صلى الله عليه وسلم من المشاهد في رأفته وعطفه وتعامله مع الحيوان كقصة البعير وفروخ الطير ما يشعرك بالعظمة والفخر للانتماء لهذا الدين واتباع هذا النبي العظيم وفي نفس الوقت تحزن وتخجل وتعتصر ألما لما تراه من تصرفات وافعال أتباع النبي الكريم اليوم من المسلمين !!!!  

  20. والله استمتعت بالردود اكثر من المقطع ;( تذكرت متتدى المعالي .. العنوان مايستحق كل هذي الضجه .. مميز يا بوفلان ولا تخاف عالمدونه حتى لو صارت حمله .. خلوها تعلق .. هههههههه .. والي شادين حيلهم على صاحب المدونه خفو عليه شوي للموضوع ما يستاهل .. ويبقى للاشقاء بالسعوديه علاقه خاصه تحياتي للمدون ولاصحاب الردود 🙂

  21. لاحول ولاقوة الا بالله ,, خصوصا البعير اللي احس ان ذبحته ينحسب لها الف حساب , نفس الانسان

    بالنسبة للموضوع , بوفلان كويتي اصيل والكويتي الاصيل مايساومونه على حب جيرانه خصوصا السعودية لها محبه خاصه بقلوب الكويتيين غير عن اي ديره ثانية , وبوفلان من الناس المشهود لهم بحبهم للسعودية وانا شخصيا اشهد بذلك

    فاتمنى من الاخ اللي عنده عقدة ” يسب السعودية ” انه يهدي من اعصابه , ويطول باله ومكان سب كويتي وسعودي ولا هلالي ونصراوي مو هني مكانه ترى تحصل هالنوع بالبالتوك انصحك بالتوجه هناك واستمتع

  22. لكل الي يشلع بالكلام يمين ويسار خلك سيده عشان نحاورك
    تعال من الامام ليه على قولتهم تحيوطنا تحيوط
    ولا اسفط على جنب واسترييح

  23. عبدالله الدويش

    انا ما اعرف وش هالعنصية اللي بالبعض ؟ يعني مقطع يعتبر فضيحة طبعا ، حولتو الموضوع وكأنه صاحب الموقع قاعد يهاجم المملكة !! والله العرب فيهم تخلف مو طبيعي

    الحين الناس ماتت بالمئات في سيول جدة على مدار 3 سنين والدفاع المدني قاعد ينقذ شركات الأمراء من الغرق وتارك الناس تموت ، ما احد ساعد الناس يوم السيول الا الباكستانيين و البلوش الله يجزاهم خير ،،

    للعلم وزارة الداخلية الي الان لم تعلن عدد قتلى السيول ولا قيمة الخسائر ،،

  24. لا لسرعة نعم للبشويش

    يا الربع خلونا منصفين ونقول الحق والصدق والصراحة
    سؤال واحد لو الكل منا ساله نفسه كان ما فيه واحد مننا قال الدفاع المدني هم السبب
    انسوا العسكرري اللي بالصورة. ولو دققنا في بداية المقطع كان شفتوا اللي ماسك الحبال اللي ربطوا فيها القعود .. فهل شفتوا عسكر اللي ربطوه ؟؟ طبعا الواضح انه راعي القعود هو اللي ربطة .. طيب لو تقدمنا بالمقطع شوي ودققنا في الرجال اللي يسووق الشيول. كان شفنا رجال لابس ثوب. وليس رجل امن ولو كان لدفاع المدني كان شفناه لابس بدلة موثوب.
    السؤال .. حكمنا انهم دفاع مدني بناء علي ايش؟؟؟؟

  25. اشكرك ابو فلان

    وإذا ما سمينا هذه فضيحة فما هي الفضيحة ياترى

    وسوا كنت كويتي او اماراتي او سعودي فجميعها وطني
    وما يفرهم يفرحني وما يحزنهم يحزنني

    انا سعودي ومستاء جدا من وضع الاجهزة الامنية عندنا
    جزاهم الله خيرا فعل بعض الوجب
    ولكن تنقصهم الكثير الكثير من العناصر الاساسية
    وبإذن يوما بعد يوم نزداد احترافا

  26. فضيحه!!!!!!!!!!!!!!!!!!!!!!!!!!!!!!!!

    لو انها بالكويت ماقلت فضيحه يا ابو فلان

  27. الله يعطيك العافية يا ابو فلان ، وابد انتقد الاجهزة الأمنية كلها ولا تترك فيها شئ لا اجهزة السعودية ولا اجهزة الكويت !! مدري الي جالس يقول ” تسب السعودية ” مستحلي اجهزتنا طال عمرك ؟ عمرك شفت العساكر بالشرطة ؟ عمرك شفت شرطي ما يقدر يشوف حزامه من كبر الكرشة ؟ عموماً الاجهزة الأمنية في المنطقة اغلبها لك عليها !!

    وتمون يابو فلان تمون :*

  28. يا عسعس الغلس

    أبسط شئ ممكن الأخوه يعملونه أنهم يرمون حجر لما يتراكم في قاع الحفرة علشان الحاشي يركب فوقه ويطلع، لكن اعتقد حتى لو يرمون الحجر راح يكسرون رجل الحاشي!!!
    آخ يا القهر تمنيت إني أكون موجود معاهم!!!

  29. حسستوني ان السعوديه انفضحت بين الدول ..
    لا تنسون ان كلنا ندري ان كل العرب مغفلين وما عندهم شجاعه وانا كويتي واعترف بآلشي هذا اصلآ لو عندنا كرامه جان حررنا فلسطين ولو عندنا عقل جان ماصارت ثورات بدولنا العربيه ..
    فلكم الحق بالتفاخر بغبائنا وخوفنا .. حقآ فخر عظييييم .. < لوووول داخل جو ..

  30. حسبي الله ونعم الوكيل على المسؤل هذي الاوامر الاتكالية اشكوى لله على من كان السبب

  31. عنوان فاشل

    يارب يحترق بيتكم وتتصل ع الدفاع المندي (كلامك) ولا حد يرد عليك ويموت عزيز عليك وانت تطالع

    ياخي فكر من وضع الحفره هذي وخلها مكشوفه ؟؟

    هل السبب الدفاع المدني او المتسبب في حفر الحفره هذي؟

    الدفاع المدني ماقصر حتى الحيونات يطلع لها

    ::::::::::::

    كل يوم موضوع بايخ من سفهاء المجتمع

  32. هههههههههههه شفيكم معصبين وقام تتفلسون كل هذا عشان جمل

    ههههههههههههههههههههههههههههههههههههههههههههههههههههههههه

    تفلسف موطبيعي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.